GENESIS 6:17 - Edisana ñwed Abasi Ibom

¹⁷ Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa.

GENESIS 6:17 Referans Kwoze

2 PETER 2:5

edieke Enye mikonyuŋ iyakke akani ererimbot ɔbɔhɔ, edi ekpemede Noah, ɔkwɔrɔ edinen ido, ye owo eŋwen itiaba, ke ini Enye anamde ukwɔ ɔtɔ ofuk ekondo eke mibakke Abasi;

GENESIS 7:4

Koro osuk kaŋa usen itiaba ami nyenam edim edep ke isɔŋ ke uwemeyo aba ye okoneyo aba; nyenyuŋ nsɔhi kpukpru se idude uwem emi ŋkanamde, ke iso isɔŋ mfep.

1 PETER 3:20

kpa mmɔ emi eketutde utɔŋ ke eyo oko, ke adaŋemi anyan ime Abasi etiede ebet ke eyo Noah, tutu ema ebɔp ark, eke owo emi miwakke, oro edi owo itiaita, esaŋade ke esit ebe ke mmɔŋ ekut erinyaŋa;

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.

ŊWED MME PSALM 107:34

onyuŋ anam eti isɔŋ akabare edi inuŋ-inuŋ, ke abaŋa mme idiɔk ido mmɔ emi eduŋde ke esit.

AMOS 9:6

Edi enye ɔkɔŋ mme ubet enyɔŋ esie ke heaven, onyuŋ odori mme ubet isɔŋ esie ke ererimbot; emi okotde mmɔŋ inyaŋ edi, onyuŋ aŋwaŋade enye ke iso isɔŋ: Jehovah edi enyiŋ esie.

ŊWED MME PSALM 29:10

Jehovah eketie ke ini ukwɔ: Jehovah onyuŋ etie nte edidem ke nsinsi.

ŊWED MBON ROME 6:23

Koro ŋkpɔ-eyen-utom idiɔk-ŋkpɔ edi mkpa, edi enɔ Abasi edi nsinsi uwem ke Christ Jesus Ɔbɔŋ nnyin.

ŊWED MBON ROME 5:21

man nte idiɔk-ŋkpɔ akadade ubɔŋ ke mkpa, kpa ntre ŋko mfɔn akpada ubɔŋ oto ke edinen ido, ɔwɔrɔ nsinsi uwem oto ke Jesus Christ Ɔbɔŋ nnyin.

LUKE 17:27

Mmɔ ekadia ŋkpɔ enyuŋ eŋwɔŋ ŋkpɔ; mmɔ edɔ ndɔ enyuŋ eda owo enɔ ke ndɔ, tutu osim usen emi Noah odukde ke ubom, ndien ukwɔ edi edisobo mmɔ kpukpru.

HOSEA 5:14

Koro ami ntiede nte lion ye Ephraim, ntie nte akparawa lion ye ufɔk Judah: ami kpa ami nyewai ndien nnyɔŋ; nyemen mfep, ndien baba owo kiet eke anyaŋade ididuhe.

EZEKIEL 34:20

Mmɔdo ntem ke Ɔbɔŋ Jehovah ɔdɔhɔ mmɔ, ete, Se mi, ami nyekpe ikpe ke ufɔt erɔŋ eke esehede ye erɔŋ eke ɔdiɔkde idem.

EZEKIEL 34:11

Koro ntem ke Ɔbɔŋ Jehovah ɔdɔhɔ ete; Se mi, ami nyeyom ufene mi, nnyuŋ nduŋɔ mmɔ.

EZEKIEL 6:3

Nyuŋ dɔhɔ ete, Mbufo ikpɔ obot Israel ekop uyo Ɔbɔŋ Jehovah, ete, Ntem ke Ɔbɔŋ Jehovah ɔdɔhɔ ikpɔ obot ye ŋkpri, ye mme idim mmɔŋ, ye mme itihere; ete, Sese, ami kpa ami, mmɔŋ nda ofut ntiene mbufo nnyuŋ nsobo ŋkokoŋo ebiet mbufo.

EZEKIEL 5:8

mmɔdo ntem ke Ɔbɔŋ Jehovah ɔdɔhɔ, ete, Sese, ami, kpa ami, nnam ikɔ ye afo: nyenyuŋ ŋkpe ikpe ye mbufo ke iso mme idut.

ISAIAH 54:9

Koro emi etiede nte mmɔŋ Noah ye ami: kpa nte ŋkɔŋwɔŋɔde, nte ke mmɔŋ Noah idiyɔhɔke aba ifuk isɔŋ; kpa ntre ke ŋkɔŋwɔŋɔ nte ke nditɔhɔke aba ye afo, ndinyuŋ nduarike aba fi.

ISAIAH 51:12

Ami, ami, ndi enye emi ndɔŋde mbufo esit: afo edi anie eke ekpefehede owo emi edikpade, efehe eyen owo emi edinimde enye nte mbiet;

ŊWED JOB 22:16

Emi ekemumde ke mika-ikemke ke ini, itie emi mmɔ edorode akabare edi akpa eke ɔfiɔrɔde:

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

LEVITICUS 26:28

ndien ami nyesaŋa ke ifuresit ye mbufo; ami ŋko nyemia mbufo utim ikatiaba mbaŋa mme idiɔk ido mbufo.

EXODUS 14:17

Ndien se mi, ami nyesɔŋ nditɔ Egypt esit, ndien mmɔ eyebine mmɔ: ndien ami nyeda Pharaoh ukpono ke idem, ye ke idem kpukpru mbon-ekɔŋ esie, ye chariot esie, ye ke mbon horse esie.

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

GENESIS 6:7

Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ.

MATTHEW 24:39

minyuŋ ifiɔkke tutu ukwɔ edi edimen mmɔ kpukpru efep; kpasuk ntre ke eridi Eyen Owo eyedi.

GENESIS 9:9

nditɔ-iren esie ŋko, ete, Semi ami mmanam ediomi mi ye mbufo ɔsɔŋɔ ada, ye nditɔ mbufo

GENESIS 7:17

Ndien ukwɔ odu ke isɔŋ ke uwemeyo aba; mmɔŋ onyuŋ ɔtɔt, emen ubom ke enyɔŋ, ndien ubom adaha ɔkpɔŋ isɔŋ.

GENESIS 7:15

Ndien mmɔ eduk ke ubom etiene Noah, iba iba ke kpukpru obukidem, emi ibifik uwem odude mmɔ ke esit.

GENESIS 2:7

Ndien Jehovah Abasi obot owo ke ntan-isɔŋ, onyuŋ ɔduɔk ibifik uwem esin ke odudu ibuo esie; ndien owo akabare edi ukpɔŋ eke odude uwem.

GENESIS 6:16

Nam uŋwana nɔ ubom oro, nyuŋ nam enye etre ɔkpɔŋ enyɔŋ ibio-idomo-okuk kiet; nyuŋ da usuŋ sin ubom ke ŋkaŋ; nam deck ke isɔŋ, ye ke ufɔt ye ke enyɔŋ.