GENESIS 6:12 - Edisana ñwed Abasi Ibom

¹² Ndien Abasi ese ererimbot, ndien, sese, ababiara: koro kpukpru owo ekebiatde usuŋ mmɔ ke isɔŋ.

GENESIS 6:12 Referans Kwoze

2 PETER 2:5

edieke Enye mikonyuŋ iyakke akani ererimbot ɔbɔhɔ, edi ekpemede Noah, ɔkwɔrɔ edinen ido, ye owo eŋwen itiaba, ke ini Enye anamde ukwɔ ɔtɔ ofuk ekondo eke mibakke Abasi;

MME ŊKE 15:3

Enyin Jehovah edu ke kpukpru ebiet, ese mme idiɔk owo ye nti.

ŊWED JOB 33:27

Enye ɔkwɔ ɔnɔ owo, onyuŋ ɔdɔhɔ, ete, “Ŋkanam idiɔk, nnyuŋ ŋkwaŋa se inende: ndien isioho usiene ye ami:

GENESIS 7:1

EKEM Jehovah ɔdɔhɔ Noah, ete, Afo ye ofuri ufɔk fo eka ekeduk ke ubom oro; koro afo ke ŋkut nte enende ke iso mi ke eyo emi.

GENESIS 6:8

Edi Noah okut mfɔn ke iso Jehovah.

LUKE 3:6

Kpukpru owo eyenyuŋ ekut erinyaŋa Jehovah.

GENESIS 18:21

odobide eti-eti, yak ŋkam nsuhɔre ŋkese mme mmɔ enenam kpukpru ŋkpɔ ke uyo mfiori emi osimde mi; ndien midige ntre, nyefiɔk.

GENESIS 9:12

Ndien Abasi ɔdɔhɔ ete, Emi edi idiɔŋɔ ediomi emi ami nnimde ke ufɔt mi ye mbufo, ye kpukpru mme andidu uwem emi edude ye mbufo ke nsinsi emana:

GENESIS 7:21

Ndien kpukpru obukidem emi asaŋade ke isɔŋ akpa, ke inuen, ye ke ufene, ye ke unam, ye ke kpukpru mme andinyɔni eke enyɔnide ke isɔŋ, ye kpukpru owo:

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

GENESIS 18:20

Ndien Jehovah ɔdɔhɔ ete, Koro mfiori Sodom ye Gomorrah okponde eti, idiɔk-ŋkpɔ mmɔ onyuŋ