GENESIS 50:25 - Edisana ñwed Abasi Ibom

²⁵ Ndien Joseph anam nditɔ Israel eŋwɔŋɔ, ete, Abasi eyedi ndise mbufo, ndien mbufo eyemen ɔkpɔ mi ke ebiet emi efep.

GENESIS 50:25 Referans Kwoze

JOSHUA 24:32

Ndien mmɔ eda mme ɔkpɔ Joseph, emi nditɔ Israel ekemende ke Egypt edɔk, ebuk ke Shechem ke iŋwaŋ oro Jacob ekedepde ye nditɔ Hamor, ete Shechem, ke mbak silver ikie: ndien enye akabare oduk ke udeme nditɔ Joseph.

EXODUS 13:19

Moses onyuŋ emen mme ɔkpɔ Joseph obiom: koro enye okowukde nditɔ Israel, ete, Abasi iditreke ndidi ndise mbufo; ndien mbufo emen mme ɔkpɔ mi ke ebiet emi edɔk.

MME HEBREW 11:22

Oto mbuɔtidem Joseph, ke ini enye ɔmɔŋ edikpa, etiŋ abaŋa unyɔŋ nditɔ Israel, onyuŋ ɔnɔ uyo abaŋa mme ɔkpɔ esie.

UTOM MME APOSTLE 7:16

ndien eda mmɔ edi ke Shechem edibuk ke udi oro Abraham akadade silver edep ye nditɔ Hamor ke Shechem.

GENESIS 50:5

Pharaoh, ete, Ete mi anam mi ŋŋwɔŋɔ, ete, Sese, ami mmɔŋ ŋkpa: ke udi mi oro ŋketibide nnɔ idem mi ke isɔŋ Canaan, ke afo edibuk mi do. Mmɔdo, mbɔk, yak ndɔk ŋkɔbuk ete mi, ndien

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 13:18

Edi Abasi ada mbio oro akabare ke usuŋ wilderness Ididuot Inyaŋ. Ndien nditɔ Israel etim idem eto ke isɔŋ Egypt edɔk.

RUTH 1:6

Ndien enye adaha ye iban nditɔ esie, ɔnyɔŋ ɔkpɔŋ isɔŋ Moab: koro enye okokopde ke isɔŋ Moab, ete ke Jehovah ama ɔkɔfɔn ye ikɔt esie, onyuŋ ɔnɔ mmɔ udia.