GENESIS 49:8 - Edisana ñwed Abasi Ibom

⁸ Afo Judah! nditɔ-usɔ eyetoro fi; ubɔk fo eyedu ke itɔŋ mme andisua fi; nditɔ-usɔ eyenuhɔ enɔ

GENESIS 49:8 Referans Kwoze

MME HEBREW 7:14

Koro aŋwaŋa ete Ɔbɔŋ nnyin okoto ke Judah; ndien akanam Moses itiŋke baba ŋkpɔ kiet eke abaŋade oku idian esien emi.

GENESIS 27:29

wine: mme idut eyenam ŋkpɔ enɔ fi, obio eyenyuŋ atuak ibuot enɔ fi: eyediɔk ye mmɔ eke ediɔkde ye afo, eyenyuŋ ɔfɔn ye mmɔ eke efɔnde ye afo.

1 CHRONICLES 5:2

koro Judah akande nditɔ-ete esie, ndien akpan ɔbɔŋ oto enye ke idem; edi itie-akpan enyene Joseph:)

JOSHUA 10:24

Edikem ke mmɔ ema ekesio mbɔŋ oro eda esɔk Joshua, Joshua okot kpukpru owo Israel edi, onyuŋ ɔdɔhɔ mme etubom mbon-ekɔŋ emi esaŋade ye enye, ete, Mbufo esaŋa ekpere, enyuŋ eda ukot mbufo edori mbɔŋ emi ke itɔŋ. Ndien mmɔ esaŋa ekpere, enyuŋ eda ukot mmɔ edori mmɔ oro ke itɔŋ.

DEUTERONOMY 33:7

Ndien emi edi eke Judah: ndien enye ɔdɔhɔ ete, O Jehovah, kop uyo Judah, nyuŋ da enye sɔk oruk esie: ubɔk esie eŋwana enɔ enye; afo eyenyuŋ anyaŋa enye osio mme asua esie ke ubɔk.

GENESIS 29:35

Ndien enye ɔtɔŋɔ ntak oyomo, onyuŋ aman eyen-eren; ndien ɔdɔhɔ ete, Ke ini emi nyetoro Jehovah: mmɔdo esiode enye enyiŋ Judah; ndien enye etre uman.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 5:5

Edi kiet ke otu mbiowo ɔdɔhɔ mi ete, Kutua; sese, Lion emi otode ke esien Judah, kpa Oruŋ David, amakan, adaŋa nte enyenede ukeme ndikibɔre ŋwed oro nnyuŋ ndianare mme ufik-ŋkpɔ itiaba.

MME HEBREW 10:13

ɔtɔnɔre ke ini oro Enye ebebet tutu enam mme asua Esie ekabare edi udori-ukot Esie.

EZEKIEL 21:29

ke ini mmɔ ekutde nsu enɔ fi, ke ini mmɔ ebrede idiɔŋ abiaŋa enɔ fi, man enye (ofut) emen fi odori ke itɔŋ mme idiɔk owo emi ekpaŋade afai, emi usen mmɔ edide ke akpatre idiɔk ido.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

ŊWED MME PSALM 76:1

EMEFIƆK Abasi ke Judah; enyiŋ esie omokpon ke Israel.

2 CHRONICLES 30:11

Edi ndusuk owo emi etode ke Asher, ye ke Manasseh, ye ke Zebulun, esuhɔre idem mmɔ enim, enyuŋ edi ke Jerusalem.

2 CHRONICLES 17:2

Enye onyuŋ onim mbon-ekɔŋ ke kpukpru mkpɔsɔŋ obio Judah, onyuŋ onim mbon-ukpeme ke isɔŋ Judah, ye ke mme obio Ephraim, emi Asa ete esie akadade.

2 CHRONICLES 15:9

Enye onyuŋ obon ofuri Judah, ye Benjamin, ye isen owo emi edude ye mmɔ, emi etode ke Ephraim ye Manasseh, ye ke Simeon: koro ediwak owo etode ke Israel edi edidian idem mmɔ ye enye, ke ini mmɔ ekutde nte Jehovah Abasi esie adade ye enye:

2 CHRONICLES 14:8

Ndien Asa enyene mbon-ekɔŋ eke ekamade otu-ekɔŋ ye eduat, eke Judah, tɔsin owo ikie ita; ye nditɔ Benjamin, eke ekamade ŋkpri otu-ekɔŋ enyuŋ etopde utiga, tɔsin owo itie ikie iba ye tɔsin anaŋ: kpukpru mmɔ emi edi mbon-uko.

2 SAMUEL 24:9

Ndien Joab ada ibat owo oro mmɔ ekebatde esɔk edidem: ndien Israel edi tɔsin mbon-uko emi esiɔŋode ofut ke itie ikie itiaita; iren-owo Judah enyuŋ edi tɔsin ke itie ikie ition.

2 SAMUEL 22:41

Afo omonyuŋ ada itɔŋ mme asua mi ɔnɔ mi, man nsobo mbon utɔk mi.

2 SAMUEL 5:3

Ntre ke kpukpru mbiowo Israel etiene edidem ke Hebron; ndien edidem David onyuŋ odiomi ediomi ye mmɔ ke Hebron ke iso Jehovah: ndien mmɔ eyet David aran enim ke edidem Israel.

JUDGES 20:18

Ekem mmɔ edaha ke enyɔŋ edɔk ke Beth-el, ekebup Abasi. Ndien nditɔ Israel edɔhɔ, ete, Mme anie owo nnyin edibem iso edɔk ekeŋwana ekɔŋ ye nditɔ Benjamin? Ndien Jehovah ɔdɔhɔ ete, Judah edibem iso.

NUMBERS 26:22

Mme mmɔ emi edi ubon Judah, nte mbio mmɔ emi ekebatde esaŋade, tɔsin ata ye efure-kiet, ye ikie ition.

NUMBERS 10:14

Ɔfɔŋ etak ubom nna nditɔ Judah ebem iso adaha nte mme udim mmɔ edide: ndien Nahshon eyen Amminadab onyuŋ edi etubom ke udim esie.

NUMBERS 1:27

mme mmɔ emi ekebatde ke otu mmɔ, ke esien Judah, edi tɔsin ata ye duopenaŋ, ye ikie itiokiet.

GENESIS 46:12

Ye nditɔ Judah; Er, ye Onan, ye Shelah, ye Pherez, ye Zerah: edi Er ye Onan ekekpaŋa ke isɔŋ Canaan. Nditɔ Perez enyuŋ edi Hezron ye Hamul.

GENESIS 42:6

Joseph onyuŋ edi andikara isɔŋ oro, edi enye anyam ibokpot ɔnɔ kpukpru mbio-obio; ndien nditɔ ete Joseph edi edinuhɔ enɔ enye, ekubi iso mmɔ ke isɔŋ.

NUMBERS 26:20

Ndien nditɔ Judah ke ubon, ke ubon; eke Shelah, ubon nditɔ Shelah: eke Perez, ubon nditɔ Perez: eke Zerah, ubon nditɔ Zerah.

1 CHRONICLES 28:4

Edi Jehovah Abasi Israel ekemek mi, ke edidem ofuri israel ɔkpɔŋ ofuri ufɔk ete mi, ete ndi edidem Israel ke nsinsi: koro enye emekde Judah onim ke ɔbɔŋ; onyuŋ emek ufɔk ete mi ke otu ufɔk Judah; onyuŋ ama mi ke otu nditɔ-ete mi, ndien onim mi

JOSHUA 15:20

Emi edi udeme esien nditɔ Judah, ke ubon, ke ubon.