GENESIS 45:1 - Edisana ñwed Abasi Ibom

¹ NDIEN Joseph ikwe nte odopde ke iso kpukpru mmɔ emi edade ye enye: ndien enye ofiori, ete, Enam kpukpru owo ewɔŋɔ ekpɔŋ imɔ. Ndien baba owo kiet idaha ye enye, ke ini Joseph ayararede idem esie ɔnɔ nditɔ-ete esie.

GENESIS 45:1 Referans Kwoze

MATTHEW 18:15

Edi edieke eyen-ete fo eduede fi, ka kasua ndudue esie nɔ enye, suk fi ye enye ikpɔŋ.

1 ŊWED CORINTH 13:5

ima inamke inua, ikohokere idem, inamke ido eke midotke, iyomke ufɔn esiemɔ, isɔpke iyaresit, ikamake udu.

UTOM MME APOSTLE 10:41

onyuŋ ɔnɔ Enye ete owut Idem, idige ke enyin kpukpru owo edi ke enyin mme ntiense emi Abasi ekebemde iso emek, oro edi nnyin, emi ikadiade inyuŋ iŋwɔŋde ŋkpɔ ye Enye ke Enye ama ekeset ke mkpa.

JEREMIAH 20:9

Ndien ndɔhɔ nte, Ndisiakke aba enye, ndinyuŋ ndɔhɔke aba ke enyiŋ esie. Ndien ŋkpɔ odu mi ke esit nte ikaŋ eke asakde, esine mi ke ɔkpɔ, ndien ŋŋwana ndimum idem mi ŋkama, tutu akak:

ISAIAH 42:14

Mma ndop uyo tutuko; (nte) ndisioroke uyo, nyemum idem mi ŋkama: nyefiori nte ŋwan uman; esit eyekibe mi, nyenyuŋ ŋkot ibifik ini kiet.

2 SAMUEL 1:20

Mbufo ekutiŋ ke Gath, ekubuk mbuk ke aŋwa Ashkelon; mbak nditɔ mme Philistine iban edidat esit, mbak nditɔ mbon-edut iban edibre mbre.

UTOM MME APOSTLE 7:13

Ndien ke utɔŋɔ-ntak ini Joseph ayarare idem ɔnɔ nditɔ-ete esie; Pharaoh onyuŋ ɔfiɔk oruk Joseph.

GENESIS 44:34

Koro ndinam didie ndɔk ntiene ete mi, ndien eyen oro midige ye ami, mbak ndikut idiɔk-ŋkpɔ eke edinamde ete mi.

2 SAMUEL 13:9

Ndien enye ada ŋkpɔ usaŋ uyo aŋwaŋa mmɔ ke iso esie; edi enye esin ndidia. Ndien Amnon ɔdɔhɔ ete, Yak kpukpru owo ewɔŋɔ ekpɔŋ mi. Ndien kpukpru owo ewɔŋɔ ekpɔŋ enye.

GENESIS 42:24

Ndien enye ɔwɔŋɔre ɔkpɔŋ mmɔ akatua eyet; onyuŋ afiak etiene mmɔ, ndien ɔdɔhɔ ikɔ ye mmɔ, onyuŋ ɔbɔ mmɔ Simeon, ɔkɔbi ke iso mmɔ.

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte