GENESIS 44:16 - Edisana ñwed Abasi Ibom

¹⁶ Ndien Judah ɔdɔhɔ ete, Nnyin ididɔhɔ didie ye ɔbɔŋ mi? nnyin iditiŋ nso? inam didie ikaŋ idem nnyin? Abasi ama okut idiɔk-ŋkpɔ ifin fo: sese, nnyin idi ifin ɔbɔŋ mi, ye nnyin, ye owo emi ekutde enye cup ke ubɔk.

GENESIS 44:16 Referans Kwoze

GENESIS 44:9

Owo ke otu ifin fo emi cup odude ye enye, yak enye akpa, ndien nnyin ŋko iyedi ifin usɔ.

DANIEL 9:7

O Ɔbɔŋ, edinen ido enyene fi, edi but iso enyene nnyin kpa nte mfin emi, enyene mbio Judah, ye mme andiduŋ Jerusalem, ye ofuri Israel mkpet-mkpet ye nsan-nsan, ke kpukpru mme idut eke afo ekebinde mmɔ eka do, ebaŋa mme idiɔk ido emi ekenamde ye afo.

LUKE 12:2

Edi ŋkpɔ iduhe eke efukde fuk, eke midiyarakere; ŋkpɔ inyuŋ iduhe eke edipde dip, eke owo midifiɔkke.

NUMBERS 32:23

Edi edieke mbufo midinyimeke ndinam ntem, sese, mbufo enam idiɔk ye Jehovah: ndien mbufo etim efiɔk ete ke idiɔk ido mbufo eyesim mbufo.

UTOM MME APOSTLE 2:37

Kadaŋemi mmɔ ekopde ikɔ emi, esit amia mmɔ, mmɔ enyuŋ edɔhɔ Peter ye mme apostle eken ete, Nditɔ-ete, inam didie?

MATTHEW 7:2

Koro nte mbufo esioŋode owo ndo, kpa ntre ke edisioŋo mbufo ndo. Ndien udomo eke mbufo edade edomo, ke edida edomo enɔ mbufo.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

ISAIAH 5:3

Mbufo mme andiduŋ Jerusalem, ye mbio Judah, edi ndien edikpe ikpe ye ami, ye iŋwaŋ-vine mi.

MME ŊKE 28:17

Yak owo eke iyip obiomde efehe aka obube; owo okukpan enye.

MME ŊKE 17:15

Eke akaŋde mme idiɔk owo, ye eke anamde ikɔ otip eti owo, Jehovah abat mbiba ke mbubiam.

ŊWED JOB 40:4

Sese, mmedehe; ndibɔrɔ fi didie? nda ubɔk mi ŋkubi inua mi.

EZRA 9:15

O Jehovah Abasi Israel, afo emenen: koro nnyin emi ibɔhɔde imesuhɔ, nte edide mfin emi: sese, nnyin imedu ke iso fo ke isop nnyin: koro ŋkpɔ emi miyakke baba owo kiet ekeme ndida fi ke iso.

EZRA 9:10

Ndien ke emi, O Abasi nnyin, nnyin ididɔhɔ didie ke ŋkpɔ emi ama ebe? koro nnyin ima ikpɔŋ mme ewuhɔ fo:

JUDGES 1:7

Ndien Adoni-bezek ɔdɔhɔ, ete, Ndidem ata ye duop, emi ekekpokde mmɔ obodom nnuenubɔk ye obodom nnuenukot etetaŋ ŋkpɔ ke idak okpokoro mi: kpa nte ŋkanamde, kpa ntre ke Abasi onyuŋ anam mi usiene. Ndien mmɔ eda enye edi ke Jerusalem, ndien enye akpa do.

JOSHUA 7:18

Ndien enye ada ufɔk esie owo kiet kiet, edi; ndien eda Achan, eyen Carmi, eyen Zabdi, eyen Zerah, owo esien Judah.

JOSHUA 7:1

EDI nditɔ Israel ebiat mbet ke ikɔ ŋkpɔ nsobo: koro Achan, eyen Carmi, eyen Zabdi, eyen Zerah, owo esien Judah, akadade ndusuk ŋkpɔ nsobo: ndien Jehovah ayat esit ye nditɔ Israel.

DEUTERONOMY 25:1

KE adaŋemi ikɔ ediwɔrɔde ke otu owo, ndien mmɔ edi ikpe, man ekpe ikpe mmɔ yak ikpe asana owo eke enende, onyuŋ otip owo eke eduede.

GENESIS 44:32

Koro ofin fo eketiede ubiɔŋ ke eyen emi ye ete mi, nte, Mmendaha enye nsɔk fi, ndien nyenyene ikɔ ye ete mi ke nsinsi.

GENESIS 37:9

Ndien enye ɔtɔŋɔ ntak adaba ndap efen, emen enye etiŋ ɔnɔ nditɔ-ete esie, ete, Sese, mma ndaba ndap efen; ndien, sese, utin ye ɔfiɔŋ, ye ntantafiɔŋ duop-

GENESIS 37:7

ŋkadabade: Sese, ŋkɔm nnyin ikɔbɔp ebek ke iŋwaŋ, ndien, sese, ebek mi adaha ke enyɔŋ, onyuŋ atuak ada ŋko, ndien, sese, ebek mbufo ekan ekuk, enyuŋ

GENESIS 44:17

Ndien Joseph ete, Nsa mi! nnamke ŋkpɔ emi: owo oro ekekutde enye cup oro ke ubɔk, eyedi ofin mi; edi mbufo esaŋa ke ifure edɔk etiene ete mbufo.

1 NDIDEM 17:18

Ndien eka ɔdɔhɔ Elijah, ete, Ami nsaŋa nso ye afo, O owo Abasi? Nte afo emedi ke ufɔk mi, nditi mi idiɔk ido mi, nnyuŋ ŋwot eyen mi?