GENESIS 43:30 - Edisana ñwed Abasi Ibom

³⁰ koro itɔŋ eyen-eka esie ɔdɔŋde enye; ndien enye oyom ɔtɔ eke atuade; ndien enye oduk ubet, atua do.

GENESIS 43:30 Referans Kwoze

GENESIS 42:24

Ndien enye ɔwɔŋɔre ɔkpɔŋ mmɔ akatua eyet; onyuŋ afiak etiene mmɔ, ndien ɔdɔhɔ ikɔ ye mmɔ, onyuŋ ɔbɔ mmɔ Simeon, ɔkɔbi ke iso mmɔ.

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

ŊWED MBON PHILIPPI 2:1

EDIEKE odudu ndidemere mbufo odude ke Christ, edieke ima ekemede ndituk mbufo esit, edieke mbufo enyenede nsaŋa ye Spirit, edieke ima ye mbɔm odude mbufo ke esit, enam nnyene idaresit ɔyɔhɔ-ɔyɔhɔ.

ŊWED MBON PHILIPPI 1:8

Koro Abasi edi ntiense mi, ete, kpukpru mbufo edɔŋ mi ye mbɔm Christ Jesus.

HOSEA 11:8

O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

1 NDIDEM 3:26

Ndien ŋwan emi odu-uwem eyen edide esie, ɔdɔhɔ edidem, koro itɔŋ eyen esie ɔdɔŋde enye, ete, Mbɔk, ɔbɔŋ mi, mbufo enɔ enye odu-uwem eyen, kuwot enye baba; edi enye eken ɔdɔhɔ ete, Okunyene mi, okunyuŋ enyene fi: mbufo ebahare.

GENESIS 45:2

Ndien Joseph emen uyo atua eyet:

1 JOHN 3:17

Edi owo eke enyenede inyene ererimbot emi, onyuŋ okutde eyen-ete esie ke unana, onyuŋ eberide mbɔm abaha enye, ima Abasi ekeme didie ndiduŋ owo oro ke esit?

2 ŊWED TIMOTHY 1:4

ke ɔdɔdɔŋ mi ndikut fi, ke adaŋemi ntide mmɔŋeyet fo, man nyɔhɔ ye idaresit.

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

UTOM MME APOSTLE 20:37

Kpukpru mmɔ etua eti-eti, enyuŋ ewaŋa Paul ke itɔŋ etim enye inua;

UTOM MME APOSTLE 20:31

Ekpeme ndien, enyuŋ eti ete ofuri isua ita ŋketreke nditeme kpukpru owo ke okoneyo ye uwemeyo ye mmɔŋ-eyet.

UTOM MME APOSTLE 20:19

ke ufɔt mmɔŋ-eyet ye idomo eke otode mme odu mme Jew osim mi.

GENESIS 46:29

edi ke isɔŋ Goshen. Ndien Joseph otim chariot esie, onyuŋ ɔdɔk okosobo ye Israel ete esie ke Goshen, ndien owut enye idem; onyuŋ ɔkɔŋɔ enye ke itɔŋ, atua