GENESIS 4:13 - Edisana ñwed Abasi Ibom

¹³ Ndien Cain ɔdɔhɔ Jehovah ete, Ufen mi okpon akan mi ndibiom.

GENESIS 4:13 Referans Kwoze

ŊWED JOB 15:22

Enye isehe ke akpanikɔ, ite ke imɔ idito ke ekim inyɔŋ idi, ndien emesio enye enim enɔ ofut.

ERIYARARE 16:9

Akwa ufiop onyuŋ ɔfɔp owo; ndien mmɔ esuŋi enyiŋ Abasi emi enyenede odudu ndida mme ufen oro mmia owo; inyuŋ ikabakere esit inɔ Enye ubɔŋ.

ERIYARARE 16:11

enyuŋ esuŋi Abasi heaven, ebaŋa ubiak ye oyo mmɔ; mmɔ inyuŋ ikabakere esit ikpɔŋ mme utom mmɔ.

ERIYARARE 16:21

Ikpɔ edim itiat, eke udop mmɔ edide pound aba ye duop aba ye duop, eto ke enyɔŋ edep eduɔŋɔ owo ke idem. Owo enyuŋ esuŋi Abasi ke ntak ufen edim-itiat oro; koro ufen edimitiat ɔsɔŋ eti-eti.

GENESIS 4:12

Ke ini afo ofuŋde isɔŋ, enye idinɔŋɔ aba fi odudu esie; afo eyedi nyoŋ ye andiyo ke isɔŋ.

GENESIS 4:14

Sese afo ke ebin mi ke idut emi efep mfin emi; nyenyuŋ ndibe fi ke iso; nnyuŋ ndi nyoŋ ye andiyo ke isɔŋ; ndien ama ekem, kpukpru owo eke ekutde mi eyewot mi.

EZEKIEL 16:58

Jehovah ɔdɔhɔ ete, Ama edi oburobut ido fo ye mbubiam fo, afo obiom mmɔ.