GENESIS 38:10 - Edisana ñwed Abasi Ibom

¹⁰ eyen-eka esie eyen. Ndien se enye anamde ɔdiɔk ke iso Jehovah; ndien Enye owot enye nde.

GENESIS 38:10 Referans Kwoze

GENESIS 46:12

Ye nditɔ Judah; Er, ye Onan, ye Shelah, ye Pherez, ye Zerah: edi Er ye Onan ekekpaŋa ke isɔŋ Canaan. Nditɔ Perez enyuŋ edi Hezron ye Hamul.

NUMBERS 26:19

Er ye Onan nditɔ Judah: ndien Er ye Onan ema ekekpa ke isɔŋ Canaan.

NUMBERS 11:1

NDIEN adaŋemi mbio oro enamde nsukuyo, ɔdiɔk Jehovah ke utɔŋ: ndien Jehovah okop, onyuŋ ayat esit; ikaŋ Jehovah onyuŋ obumere ke otu mmɔ, onyuŋ ata owo ke utit nna.

HAGGAI 1:13

Ndien Haggai isuŋutom Jehovah ada uyo Jehovah ɔdɔhɔ kpukpru owo, ete, Ami ndu ye mbufo, edi uyo Jehovah.

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

MME ŊKE 24:18

Mbak Jehovah edikut, ndien ese oro ke idiɔk; ndien odorore enye iyaresit ke idem efep.

MME ŊKE 14:32

Idiɔk ido idiɔk owo onuk enye efep: edi eti owo enyene mbuɔtidem ke mkpa esie.

1 CHRONICLES 21:7

Ndien ŋkpɔ emi ɔdiɔk ke iso Abasi: mmɔdo enye amiade Israel.

2 SAMUEL 11:27

Ekem adaŋemi utua-eyet okurede, David ɔdɔŋ ekeda enye edi ke ufɔk esie, ndien enye akabare edi ŋwan esie, onyuŋ aman eyen ɔnɔ enye. Edi ŋkpɔ oro David akanamde ntre ayat Jehovah esit.

NUMBERS 22:34

Ndien Balaam ɔdɔhɔ angel Jehovah, ete, Mmanam idiɔk: koro nmeŋkɔfiɔkke nte afo amada ke usuŋ ndibiɔŋɔ mi: ndien ke emi mifɔnke fi ke enyin, kam yak mfiak edem.

1 SAMUEL 2:25

Edieke owo eduede ye owo, Abasi eyekpe ikpe esie; edi edieke owo eduede ye Jehovah, anie edikpe ubɔk inɔ enye? Edi mmɔ ikopke uyo ete mmɔ, koro Jehovah amade ndiwot mmɔ.

1 NDIDEM 17:20

Ndien enye eseme ɔnɔ Jehovah, ete, O Jehovah Abasi mi, nte afo onyuŋ ada idiɔk-ŋkpɔ etiene ebe-akpa emi nduŋde ye enye, ke eriwot eyen esie?

1 CHRONICLES 2:3

Nditɔ Judah; Er, ye Onan, ye Shelah: eyen Shua eyen-aŋwan a Canaan aman mmɔ mbita ɔnɔ enye. Ndien Er, akpan Judah, ɔdiɔk ke iso Jehovah; ndien Enye owot enye.