GENESIS 34:25 - Edisana ñwed Abasi Ibom

²⁵ Edikem, ke ɔyɔhɔ usen ita, ke mmɔ ekopde ubiak, ndien nditɔ-iren Jacob iba, Simeon ye Levi, nditɔ eka Dinah, eda ofut mmɔ, edi ke obio uko-uko, ediwot kpukpru iren owo.

GENESIS 34:25 Referans Kwoze

MME ŊKE 4:16

Koro mmɔ midehe idap, ke minamke idiɔk; idap onyuŋ atiam mmɔ, ke mmɔ minamke owo ɔduɔ.

2 CHRONICLES 32:25

Edi Hezekiah inamke usiene ke ufɔŋ emi efɔnde enye; koro esit esie emenerede ke enyɔŋ: mmɔdo iyaresit odorode enye ke idem, ye ke idem Judah ye Jerusalem.

JOSHUA 5:8

Ekem ke adaŋemi mmɔ ema ekenim kpukpru owo mbobi, mmɔ etie suŋ ke itie mmɔ ke nna, tutu idem ɔsɔŋ mmɔ.

JOSHUA 5:6

Koro nditɔ Israel esaŋade ke wilderness ke isua aba, tutu kpukpru owo ke otu mbon ekɔŋ oro eketode ke Egypt, ekure, koro mmɔ mikekopke uyo Jehovah: emi Jehovah ɔkɔŋwɔŋɔde abaŋa mmɔ, ete ke imɔ idiwutke mmɔ isɔŋ oro Jehovah ɔkɔŋwɔŋɔde ɔnɔ mme ete mmɔ, ete iyenɔ nnyin, isɔŋ emi ɔfiɔrɔde mmɔŋ-eba ye aran-ɔkwɔk.

NUMBERS 31:17

Mbufo ewot, ndien kpukpru iren owo ke otu nditɔwɔŋ, enyuŋ ewot kpukpru iban emi efiɔkde owo, ke eridaŋ ye eren-owo.

NUMBERS 31:7

Ndien mmɔ eŋwana ekɔŋ ye Midian, kpa nte emi Jehovah okowukde Moses; enyuŋ ewot kpukpru iren owo.

GENESIS 34:26

Mmɔ enyuŋ ewot Hamor ye Shechem eyen esie ke iso ofut, enyuŋ esio Dinah ke ufɔk Shechem, ndien ewɔŋɔ.