12 adian ye nditɔ. Afo okonyuŋ ɔdɔhɔ ete, Ami nyefɔfɔn ye afo, nyenyuŋ nnam ubon fo etie nte ntan inyaŋ emi mikemeke ndibat ke uwak.
Ntre sia Abasi oyomde mmɔ emi edidade uŋwɔŋɔ enyene etim ekut ete Enye idikpuhɔkere uduak Esie, Enye ada uŋwɔŋɔ edisin:
Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;
Edieke nnyin minamke akpanikɔ, Enye osuk edi anam-akpanikɔ; Koro Enye mikemeke ndikpuhɔre ŋkpɔŋ uduot Esie.
Enyɔŋ ye isɔŋ eyebe efep, edi ikɔ Mi idibehe ifep.
eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:
Ndien ŋko Odudu Israel idisuhe nsu, idinyuŋ ikabakere esit: koro enye midige owo eke akabarede esit.
Abasi idige owo eke enye okposude nsu, inyuŋ idige eyen owo eke enye ɔkpɔkpuhɔre. Nte enye ɔdɔhɔ, ndien etre ndinam?
Ti Abraham, ye Isaac, ye Israel, ikɔt fo emi afo ɔkɔŋwɔŋɔde ma idem fo ɔnɔ mmɔ, okonyuŋ ɔdɔhɔde mmɔ ete, Nyenam ubon mbufo ewak nte ntantafiɔŋ enyɔŋ; nyenyuŋ nda ofuri isɔŋ emi ŋkɔdɔhɔde mbaŋa, nnɔ ubon mbufo, ndien mmɔ eyeda enye enyene ke nsinsi.
Ekem, mme isuŋ-utom oro efiak etiene Jacob, ete, Nnyin ima isim Esau eyen-uka, enye onyuŋ asaŋa edi ndisobo ye afo, owo ikie inaŋ enyuŋ esaŋa ye enye.
mmɔdo ndien ke idem owo kiet, emi etiede nte ukem-ukem ye akpa-mkpa, ediwak nditɔ ewɔŋɔ emana, ewak udim nte ntantafiɔŋ ke ikpa-enyɔŋ, enyuŋ ekak ibat nte ntan mben inyaŋ.
Judah ye Israel ekewak, nte ntan emi odude ke mben inyaŋ ke uwak, ke edia ŋkpɔ, enyuŋ eŋwɔŋ, enyuŋ edaresit.
Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.