GENESIS 3:5 - Edisana ñwed Abasi Ibom

⁵ koro Abasi ɔmɔfiɔk ete, ke usen eke mbufo ediade ke esit, ndien enyin mbufo eyetara; mbufo eyenyuŋ etie nte Abasi, efiɔk eti ye idiɔk.

GENESIS 3:5 Referans Kwoze

EZEKIEL 28:2

Ntem ke Ɔbɔŋ Jehovah ɔdɔhɔ ete, Koro esit fo okoŋde, afo onyuŋ ɔdɔhɔ, ete, Ami ndi abasi kiet; ntie ke itie Abasi ke ufɔt inyaŋ; ndien afo edi owo, udige Abasi; onyuŋ onim esit fo nte esit Abasi:

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.

GENESIS 2:17

Edi ama edi eto ifiɔk, eti ye idiɔk, kudia ke esit: koro ke usen eke afo adiade ke esit afo eyekpa mkpa.

2 ŊWED CORINTH 11:3

Edi mmefehe ndik, mbak ke usuŋ ekededi, nte urukikɔt akabiaŋade Eve ke ŋkari esie, edibiat ekikere mbufo, enam mbufo etre ndinyene esit akpanikɔ ye eti ido ye Christ.

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

MATTHEW 6:23

Edi edieke enyin fo ɔdiɔkde, ofuri ikpɔhidem fo eyekim. Ntre edieke uŋwana emi odude fi ke idem edide ekim, ekim emi odude fi ke idem ɔsɔŋ adaŋa didie!

GENESIS 3:22

Ndien Jehovah Abasi ɔdɔhɔ ete, Sese, owo amakabare edi nte nnyin kiet, ke erifiɔk eti ŋkpɔ ye idiɔk: mmɔdo, mbak enye edinyan ubɔk esie, onyuŋ ada eto uwem ŋko adia, ndien odu uwem ke nsinsi:

GENESIS 3:10

Ndien enye ɔdɔhɔ ete, ŋkokop uyom fo ke iŋwaŋ, ndien mfehe ndik, koro ami ndide iferi; ndien ŋkedibe.

GENESIS 3:7

Ndien enyin mmɔ mbiba etara, mmɔ enyuŋ efiɔk ete ke mmimɔ idi iferi; ndien mmɔ ekim ikɔŋ fig edian, enam mbɔbɔ ke idem mmɔ.

ERIYARARE 13:14

Enye onyuŋ ada idiɔŋɔ, emi enɔde enye ndinam ke iso unam oro, abiaŋa mme andiduŋ ke isɔŋ; onyuŋ ɔnɔ mme andiduŋ ke isɔŋ uyo, ete, mmɔ enam mbiet unam oro enyenede nde ofut ke idem, edi osuk odude uwem.

ERIYARARE 13:4

enyuŋ etuak ibuot enɔ dragon, koro enye ama akayak nsɔŋ-uyo esie ɔnɔ unam oro; mmɔ enyuŋ etuak ibuot enɔ unam oro, ete, Anie ebiet unam oro? anie onyuŋ ekeme ndiŋwana ye enye?

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

ISAIAH 14:14

nyedɔk ŋkan ŋkokoŋo mbubit enyɔŋ; nyenim idem mi nte Ata Edikoŋ.”

1 NDIDEM 22:6

Ndien edidem Israel obon mme prophet, owo ikie inaŋ, ɔtɔ kiet, ndien obup mmɔ, ete, Nte ŋka ekɔŋ ke Ramoth-gilead, mme ŋkuka? Ndien mmɔ ebɔrɔ ete, Dɔk: ndien Ɔbɔŋ eyeda enye esin edidem ke ubɔk.

EXODUS 20:7

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

DANIEL 6:7

Kpukpru ikpɔ owo obio, ye mme andikara, ye mbɔŋ, ye mme andinɔ item, ye mme etubom emediomi ete iwuk ewuhɔ edidem, inyuŋ inam isɔŋ-ikɔ, ite, Emen owo ekededi eke edibeŋede abasi mme owo ekededi ebeŋe, ke ofuri usen edip ye duop, ke midige afo ikpɔŋ ke ebeŋe, O edidem, eda enye eduɔk ke obube mme lion.

EZEKIEL 28:9

Nte afo eyedɔhɔ, ete, Ami ndi Abasi ke iso enye emi owotde fi? Ndien afo edi owo, udige Abasi, ke ubɔk enye emi owotde fi.

EZEKIEL 13:22

Koro mbufo edade nsu eyat edinen owo esit, emi ami mmenyatke; enyuŋ esɔŋde mme idiɔk owo ubɔk, man enye okukpɔŋ idiɔk ido esie afiak, man enim enye uwem:

ŊWED MME PSALM 12:4

Eke edɔhɔde ete, Nnyin iyenam uko ke edeme nnyin: mkpɔk-inua nnyin enyene idem nnyin: anie edi ɔbɔŋ nnyin?

2 CHRONICLES 32:15

Mbufo, ndien, ekuyak Hezekiah abiaŋa mbufo, ekunyuŋ eyak enye esin mbufo enam ntem, mbufo ekunyuŋ enim uyo esie ke akpanikɔ: koro baba abasi idut ekededi, mme eke obio ekededi akanam mikemeke ndisio ikɔt mmɔ ke ubɔk mi, ye ke ubɔk mme ete mi: ŋwaŋwa ediso Abasi mbufo idikemeke ndisio mbufo ke ubɔk mi?

EZEKIEL 29:3

Dɔhɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo Pharaoh edidem Egypt, akamba fiom emi anade ke ufɔt mme akpa mmɔŋ esie, emi ɔdɔhɔde, ete, Akpa mi edi okimmɔ, ami ŋkonyuŋ nnam enye nnɔ idem mi.

EZEKIEL 28:12

Eyen owo, men ikwɔ eseme baŋa edidem Tyre, nyuŋ dɔhɔ enye, ete, Ntem ke Ɔbɔŋ Jehovah ɔdɔhɔ, ete, Afo efik idiɔŋɔ mfɔn-mma, ɔmɔyɔhɔ ifiɔk, omonyuŋ eye ama.

GENESIS 2:9

Jehovah Abasi onyuŋ anam isɔŋ otibe kpukpru eto eke enemde ndise enyuŋ efɔnde ndidia; ye eto uwem ŋko ke ufɔt iŋwaŋ, ye eto ifiɔk eti ye idiɔk.

JUDGES 3:2

man mme emana nditɔ Israel edi edifiɔk, man enyuŋ eteme mmɔ ekɔŋ, kpa mmɔ eke mikebemke iso ifiɔk enye;