GENESIS 3:4 - Edisana ñwed Abasi Ibom

⁴ Ndien urukikɔt ɔdɔhɔ ŋwan ete, Mbufo idikpaha:

GENESIS 3:4 Referans Kwoze

2 ŊWED CORINTH 11:3

Edi mmefehe ndik, mbak ke usuŋ ekededi, nte urukikɔt akabiaŋade Eve ke ŋkari esie, edibiat ekikere mbufo, enam mbufo etre ndinyene esit akpanikɔ ye eti ido ye Christ.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

1ŊWED TIMOTHY 2:14

Inyuŋ idige Adam ke ekabiaŋa, edi ŋwan ke ekabiaŋa enam ɔduɔ abiat ibet:

2 ŊWED CORINTH 2:11

mbak Satan edikan nnyin ke baba usuŋ kiet; koro nnyin minanake ifiɔk ibaŋa ŋkari ye ŋkukan esie.

GENESIS 3:13

Ndien Jehovah Abasi ete ŋwan, Nso ke afo akanam emi? Ndien ŋwan ete, Urukikɔt akabiaŋa mi, ndien ndia.

ŊWED MME PSALM 10:11

Enye ɔdɔhɔ ke esit esie, ete, Abasi emefre: omodip iso esie; idikwe ke nsinsi.

2 NDIDEM 8:10

Ndien Elisha ɔdɔhɔ enye, ete, Ka kɔdɔhɔ ete, “Idikureke kure”. Jehovah omonyuŋ asian mi, ete ke enye iditreke ndikpa.

2 NDIDEM 1:16

Ndien enye ɔdɔhɔ enye, Ntem ke Jehovah ɔdɔhɔ ete, Koro afo ɔkɔdɔŋde mme isuŋ-utom ekebup Baal-zebub abasi Ekron, ndi koro Abasi miduhe ke Israel eke ekpebupde uyo esie? Mmɔdo mudutoho ke bed emi afo ɔkɔdɔkde, usuhɔre, edi udutreke ndikpa.

2 NDIDEM 1:6

Owo kiet oto edibiɔŋɔre ke iso nnyin, onyuŋ ɔdɔhɔ nnyin, ete, Mbufo efiak etiene edidem emi ɔkɔdɔŋde mbu-tom, enyuŋ edɔhɔ enye, ete, Ntem ke Jehovah ɔdɔhɔ ete, Ndi koro Abasi miduhe ke Israel, esin afo ɔdɔŋ ekebup Baal-zebub abasi Ekron?

2 NDIDEM 1:4

Mmɔdo ntem ke Jehovah ɔdɔhɔ ete, Afo udutoho ke bed oro afo ɔkɔdɔkde, usuhɔre, edi eyekpa mkpa. Ndien Elijah adaha.

DEUTERONOMY 29:19

ndien ama ekem ke ini enye okopde uyo uŋwɔŋɔ emi, enye ɔkɔm idem esie ke esit esiemɔ, ete, Ke eyefɔn imɔ, okposuk edi eke imɔ isaŋade ke itun esit imɔ, inyuŋ idiande uyuhɔ mmin ye nsat-itɔŋ:

GENESIS 3:3

Nnyin idadia mfri eto iŋwaŋ: edi ama edi mfri eto emi odude ke ufɔt iŋwaŋ, Abasi ama ɔdɔhɔ ete, Mbufo ekudia ke esit, ekunyuŋ etuk enye, mbak edikpaŋa.

2 CHRONICLES 18:21

Ndien Jehovah obup enye, ete, Ke nso? Ndien enye ɔbɔrɔ ete, Nyewɔrɔ ŋkedi spirit nso ke inua kpukpru prophet esie. Ndien Enye ete, Afo eyetap enye, eyenyuŋ ekeme: wɔrɔ, ka kanam ntre.