GENESIS 3:19 - Edisana ñwed Abasi Ibom

¹⁹ Ke ibibiak iso fo ke afo edidia udia, tutu edifiak ke isɔŋ emi esiode fi ke esit: koro afo edide ntan, eyenyuŋ afiak ke ntan.

GENESIS 3:19 Referans Kwoze

ECCLESIASTES 12:7

Ndien ntan eyefiak ke ntan, kpa nte ekedide: spirit eyefiak etiene Abasi emi ɔkɔnɔde enye.

ŊWED JOB 34:15

Ofuri obukidem eyekpa ini kiet: owo onyuŋ afiak ke ntan.

ŊWED MME PSALM 104:29

Afo odip iso fo, nsia oyomo mmɔ: ataŋ ibifik mmɔ, mmɔ enime, enyuŋ efiak ke ntan mmɔ.

GENESIS 2:7

Ndien Jehovah Abasi obot owo ke ntan-isɔŋ, onyuŋ ɔduɔk ibifik uwem esin ke odudu ibuo esie; ndien owo akabare edi ukpɔŋ eke odude uwem.

ŊWED MME PSALM 90:3

Afo anam owo afiak ke ntan; onyuŋ ɔdɔhɔ ete, Mbufo, nditɔ owo, efiak (ke ntan).

ŊWED MBON EPHESUS 4:28

edi yak enye akam anam ɔkpɔsɔŋ utom, ada ubɔk esie anam eti utom, man enye enyene se adade ɔnɔ owo eke odude ke unana.

ECCLESIASTES 3:20

Kpukpru eka ɔtɔ kiet: kpukpru eto ke ntan: kpukpru eyenyuŋ efiak ke ntan.

GENESIS 18:27

Ndien Abraham ɔbɔrɔ, ete, Sese, mbɔk, mmodomo ndidɔhɔ ye Ɔboŋ mi, ndien ami ndi ntan ye ntɔŋ:

DANIEL 12:2

Ndien ediwak mmɔ emi edede idap ke ntan isɔŋ eyedemere: usuk eyedemere eduk ke nsinsi uwem, usuk ke but ye nsinsi esuene.

ECCLESIASTES 1:3

Owo adia nso udori ke ofuri ɔkpɔsɔŋ utom esie emi enye anamde ke idak utin?

ŊWED MME PSALM 22:15

Nsɔŋidem mi amasat nte mkpasip usiɔŋ; edeme mi adiana mi ke mbaŋ ŋko; afo eyenyuŋ ada mi esin ke ntan mkpa.

GENESIS 23:4

nditɔ Heth, ete, Ami ndi esen ye oduduŋ ke otu mbufo: mbufo enɔ mi itie ubuk owo, nda nnyene ke otu mbufo, man mmen akpa mkpa mi mfep ke iso mi ŋkobuk.

2 ŊWED THESSALONICA 3:10

Koro kpa ke adaŋemi nnyin ikodude ye mbufo, nnyin inɔ mbufo uyo ite, Edieke owo minyimeke ndinam utom, enye okunyuŋ adia ŋkpɔ.

ŊWED MME PSALM 103:14

Koro enye ɔfiɔkde nte iborode; emeti ete ke nnyin idi ntan.

1 ŊWED THESSALONICA 2:9

Nditɔ-ete, mbufo emeti ɔkpɔsɔŋ utom eke nnyin ikanamde, ye nte nnyin ikakpade mba; ke erinam ubɔkutom nnyin okoneyo ye uwemeyo, mbak nnyin ididi mbiomo inɔ owo mbufo ekededi, nnyin ikɔkwɔrɔ gospel Abasi inɔ mbufo.

ECCLESIASTES 5:15

Kpa nte enye okotode eka esie ke idibi, kpa ntre ke enye edida iferi ɔnyɔŋ aka, kpasuk nte emi enye ekedide, ndien enye idibɔhɔ baba ŋkpɔ kiet ke ɔkpɔsɔŋ utom esie, eke enye akamade ke ubɔk aka.

ECCLESIASTES 1:13

Ndien nsin esit mi, nda ifiɔk nyom, nnyuŋ ntim nse kpukpru se enamde ke idak ikpa-enyɔŋ. Idiɔk utom kiet emi ke Abasi ɔmɔnɔ nditɔ owo, ete esin ubɔk ke esit.

MME ŊKE 21:16

Owo eke ɔkpɔŋde usuŋ ɔniɔŋ ediyo; eyetak ke esop mme akpaŋa mkpa.

ŊWED MME PSALM 22:29

Kpukpru ikpɔ owo ererimbot eyedia, enyuŋ etuak ibuot: kpukpru mmɔ eke esu-hɔrede ke ntan eyenuhɔ ke iso esie: ye owo eke minimke uwem esiemɔ.

ŊWED JOB 21:26

Mmɔ esuhɔre ena ɔtɔ kiet ke ntan, ndɔŋ enyuŋ efuk mmɔ idem.

ŊWED JOB 19:26

Ndien ke ikpɔhidem mi ama abiara ama, nyedu ke obukidem mi ŋkut Abasi:

ŊWED JOB 1:21

Enye onyuŋ ɔdɔhɔ ete: Ŋkoto iferi ke idibi eka mi ŋwɔrɔ, nyenyuŋ mfiak do iferi: edi Jehovah ɔkɔnɔ, Jehovah onyuŋ ɔbɔ; ekɔm enyiŋ Jehovah.

1 ŊWED CORINTH 15:47

Akpa owo okoto isɔŋ, eke ntan-isɔŋ; udiana-akpa owo oto ke heaven.

MME HEBREW 9:27

Ndien kpa nte ema enim enɔ owo ndikpa ini kiet, ndinyuŋ nda ke itie-ikpe ke oro ebede;

GENESIS 3:18

enye eyenyuŋ otibe akpap ye mbara ŋkukwɔ-inɔ ɔnɔ fi; afo eyenyuŋ adia ikɔŋ iŋwaŋ ŋko.

ŊWED JOB 4:19

Ŋwaŋwa ediso mme oduŋ ufɔk mbat, emi edorode ke ntan! Enuak mmɔ kpa nte ɔfɔŋekpo!

ŊWED MME PSALM 104:23

Owo ɔwɔrɔ aka utom esie, ye se enye anamde tutu osim ke mbubreyo.

ŊWED MME PSALM 127:2

Mbufo ndibak ndemere, nnyuŋ mbigi nditie, nnyuŋ nta uyo ukut, edi ikpikpu: ntem ke enye ɔnɔ ima esie idap.

GENESIS 5:5

ndien ofuri ini uwem Adam emi enye odude, edi isua ikie usukkiet ye edip ye duop: ndien enye akpa.

ŊWED JOB 10:9

Mbɔk, ti ete ke afo akanam mi nte mbat-eso, ndien ɔmɔŋ anam mi mfiak ke ntan!