GENESIS 25:21 - Edisana ñwed Abasi Ibom

²¹ Ndien Isaac ekpe Jehovah ubɔk ɔnɔ Rebekah ŋwan esie, koro enye edide ada: ndien Jehovah onyime mkpe ubɔk esie, ndien Rebekah

GENESIS 25:21 Referans Kwoze

EZRA 8:23

Ntem ke nnyin iketre udia, inyuŋ ikpe Abasi nnyin ubɔk ibaŋa ŋkpɔ emi; ndien enye okop ɔnɔ nnyin.

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

ISAIAH 58:9

Ndien afo eyekot, ndien Jehovah eyeyere; afo eyeseme, ndien enye eyedɔhɔ ete, Se mi. Ke afo ama osio ɔkpɔnɔ, ye erinyanare nnuen-ubɔk, ye oburobut nneme ke otu mbufo efep;

2 CHRONICLES 33:13

onyuŋ ɔbɔŋ akam ɔnɔ enye: ndien enye okop uyo esie, onyuŋ ekpaŋ utɔŋ ke eseme esie, ndien ada enye afiak ke Jerusalem ke itie ubɔŋ esie. Ndien Manasseh ɔfiɔk ete ke edi Jehovah edi Abasi.

1 CHRONICLES 5:20

Ndien enyaŋa mmɔ ke eriŋwana ye mmɔ eken, enyuŋ eda mme Hagrite, ye kpukpru mmɔ eke edude ye mmɔ, esin mmɔ ke ubɔk: koro mmɔ esemede enɔ Abasi ke ekɔŋ, ndien enye okop uyo mmɔ: koro mmɔ ebuɔtde idem mmɔ ye enye.

1 SAMUEL 1:27

Ŋkekpe Jehovah ubɔk mbeŋe eyen emi, ndien Jehovah ɔmɔnɔ mi ebeŋe mi emi ŋkebeŋede enye:

LUKE 1:7

Ndien mmɔ inyeneke eyen, koro Elisabeth edide ada; mmɔ mbiba enyuŋ esɔŋ.

ISAIAH 45:11

Emi edi uyo Jehovah Edisana Abasi Israel, ye andibot enye; mbufo ebup mi ŋkpɔ edidide: ama edi nditɔ mi, ye utom ubɔk mi, mbufo eyak mi ŋkere mmɔ.

MME ŊKE 10:24

Se idiɔk owo efehede, oro edisim enye: edi eyenɔ se nti owo eyomde.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

GENESIS 11:30

Ndien Sarai edi ada; imanke eyen.

ŊWED MME PSALM 145:19

Enye eyenam se mme andibak enye emade: onyuŋ okop eseme mmɔ, onyuŋ anyaŋa mmɔ.

ŊWED MME PSALM 127:3

Sese, nditɔ edi udeme Jehovah,: mfri idibi onyuŋ edi ŋkpɔ eyen utom.

ŊWED MME PSALM 65:2

Afo emi okopde akam, kpukpru obukidem eyetiene fi.

ISAIAH 65:24

Ndien ama ekem, ke mmɔ mika-ikotke kaŋa, ami nyeyere: ke mmɔ esuk edɔhɔde ikɔ, ami nyekop.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

1 SAMUEL 1:11

Ndien enye akaŋa akaŋa onyuŋ ɔdɔhɔ ete, Jehovah mme udim, edieke afo edisede ukut eyen fo aŋwan, onyuŋ etide mi, munyuŋ ufreke eyen fo aŋwan, edi ama ɔnɔ eyen fo aŋwan eyen-eren, nyeda enye nnɔ Jehovah kpukpru usen uwem esie, ndien akaraŋ iditukke enye ibuot.

1 SAMUEL 1:2

Ndien enye enyene iban iba; kiet ekere Hannah, kiet eken ekere Peninnah: ndien Peninnah enyene nditɔ, edi Hannah inyeneke nditɔ.

GENESIS 16:2

Ndien Sarai ɔdɔhɔ Abram ete, Sese mbɔk, Jehovah akpan mi ete ŋkuman; mbɔk, tiene ofin aŋwan mi, mme nyenyene nditɔ eke etode enye ke idem.

1 SAMUEL 1:17

Ndien Eli ɔbɔrɔ ete, Nyɔŋ ke ifure: ndien Abasi Israel osuk ɔnɔ fi ebeŋe emi afo ekebeŋede enye.

GENESIS 30:22

Edikem, Abasi eti Rachel, Abasi onyuŋ okop uyo esie, onyuŋ