GENESIS 22:9 - Edisana ñwed Abasi Ibom

⁹ mbiba esaŋa ɔtɔ kiet. Ekem mmɔ edisim ebiet oro Abasi ɔkɔdɔhɔde enye; ndien Abraham anam itie-uwa do, onyuŋ otim obon ifia, ndien ɔbɔp Isaac eyen esie emen odori ke itie-uwa ke enyɔŋ ifia.

GENESIS 22:9 Referans Kwoze

JAMES 2:21

Nte ikabatke ite, ikpe etebe Abraham ete nnyin oto ke erinam ŋkpɔ ke ini enye akayakde Isaac eyen esie ɔnɔ ke itie-uwa?

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

UTOM MME APOSTLE 8:32

Itie emi enye okotde ke ŋwed Abasi edi emi, Eda enye nte eyen erɔŋ eka ndiwot; Ndien kpa nte eyen-erɔŋ misioroke uyo ke iso andifat enye idet, Kpa ntre enye inyuŋ itatke inua esie:

MARK 15:1

EKEM eyo ekesesiere, ikpɔ oku ye mbiowo ye mme scribe ye ofuri esop esobo ibuot, ebɔp Jesus, eda Enye edaha ekeyak enɔ Pilate.

MATTHEW 27:2

ndien mmɔ ebɔp Enye ubɔk, eda Enye edaha ekayak enɔ Pilate andikara.

ŊWED MME PSALM 118:27

Jehovah edi Abasi, enye omonyuŋ aŋwaŋa nnyin. Mbufo eda uruk etebe uwa tutu esim ke nduk itie-uwa.

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 8:20

Ekem, Noah anam itie-uwa ɔnɔ Jehovah, onyuŋ osio ndusuk ke kpukpru oruk edisana unam, ye ke kpukpru oruk edisana inuen, awa uwa ke itie-uwa oro.

GENESIS 12:8

Ekem, enye adaha do aka akamba obot kiet ke edem Beth-el emi utin asiahade, ndien owuk tent esie, Beth-el ke ada ke edem usop utin, ye Ai ke edem usiaha utin: ndien enye anam itie uwa do ɔnɔ Jehovah, onyuŋ okot Jehovah ke enyiŋ.

GENESIS 13:18

Ndien Abram ɔwɔrɔ iduŋ, ndien edi ediduŋ ke ɔtɔwɔk eto Mamre, emi odude ke Hebron, onyuŋ anam itie uwa do ɔnɔ Jehovah.

GENESIS 22:8

edi enye eyen erɔŋ uwa? Ndien Abraham ɔdɔhɔ ete, Eyen mi, Abasi eyeyom eyen erɔŋ uwa ɔnɔ idem esie; ntem ke mmɔ

GENESIS 22:10

Ndien Abraham anyan ubɔk esie, ada ikwa ete iwot eyen esie.

1 NDIDEM 18:33

Ndien enye ɔdiɔŋ onim ifia onyuŋ abak enaŋ, emen odori ke ifia; ndien enye ɔdɔhɔ ete,