GENESIS 21:1 - Edisana ñwed Abasi Ibom

¹ NDIEN Jehovah ese Sarah nte emi enye ɔkɔdɔhɔde, Jehovah onyuŋ anam ye Sarah

GENESIS 21:1 Referans Kwoze

ŊWED MME PSALM 12:6

Mme ikɔ Jehovah edi ndisana ikɔ, nte silver eke etarade ke eso mbat, eke eduhɔde utim ikatiaba.

GENESIS 18:10

Ndien enye ɔdɔhɔ, ete, Nditreke ndifiak ntiene fi ke adaŋemi isua akabarede; ndien, sese, Sarah ŋwan fo eyeman eyen-eren. Sarah ɔmɔŋ onyuŋ adada ke enyin usuŋ tent okop, enye onyuŋ odu Enye ke edem.

GENESIS 18:14

ndide akani aŋwan? Nte ŋkpɔ ɔsɔŋ akan Jehovah? Ke ini emi enimde, nyefiak ntiene fi, ke ukabare isua, ndien Sarah eyenyene eyen.

GENESIS 17:19

ke iso fo. Ndien Abasi ɔdɔhɔ ete, Sarah ŋwan fo iditreke ndiman eyen nnɔ fi, afo eyenyuŋ osio enye enyiŋ Isaac. Ami nyenyuŋ nnam ediomi mi ada ye enye ye ubon esie ŋko eke editienede enye edem, nte nsinsi ediomi.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

ŊWED MBON GALATIA 4:23

Eyen emi otode ofin aŋwan akamana nte ido obukidem edide, edi enye emi otode amana-isɔŋ akamana oto uŋwɔŋɔ Abasi.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

1 SAMUEL 2:21

Koro Jehovah esede Hannah; ndien enye oyomo, onyuŋ aman nditɔ-iren ita ye nditɔ-iban iba. Ndien Samuel eyen oro ɔkɔri ke iso Jehovah.

ŊWED MBON GALATIA 4:28

Nditɔ-ete, mbufo edi nditɔ uŋwɔŋɔ nte Isaac ekedide.

RUTH 1:6

Ndien enye adaha ye iban nditɔ esie, ɔnyɔŋ ɔkpɔŋ isɔŋ Moab: koro enye okokopde ke isɔŋ Moab, ete ke Jehovah ama ɔkɔfɔn ye ikɔt esie, onyuŋ ɔnɔ mmɔ udia.

GENESIS 50:24

Ndien Joseph ɔdɔhɔ nditɔ-ete esie, ete, Ami mmɔŋ ŋkpa: ndien Abasi eyedi ndise mbufo, eyenyuŋ osio mbufo ke isɔŋ emi, ɔdɔk aka ke isɔŋ emi Enye ɔkɔŋwɔŋɔde ɔnɔ Abraham, ye Isaac, ye Jacob.

GENESIS 17:21

Nyenyuŋ nnam ediomi mi ada ye Isaac, emi Sarah edimande ɔnɔ fi, ke adaŋa emi isua ebem eke edide.

GENESIS 17:16

Nyenyuŋ ndiɔŋ enye, nnyuŋ nnɔ fi eyen eke otode enye ke idem ŋko; nnyuŋ ndiɔŋ enye, ndien enye eyekabare edi eka idut; ndidem idut eyeto enye ke idem.

LUKE 1:68

Itoro enyene Jehovah Abasi Israel; Koro Enye emedi ndise ikɔt Esie, onyuŋ afak mmɔ;

EXODUS 4:31

Ndien kpukpru owo enim ke akpanikɔ: ndien adaŋemi mmɔ ekopde, ete ke Jehovah ɔmɔŋ ekere nditɔ Israel, onyuŋ ese ukut mmɔ, mmɔ enuhɔ, enyuŋ etuak ibuot.

ŊWED MME PSALM 106:4

O Jehovah, da mfɔnido ikɔt fo ti mi; da erinyaŋa fo tiene mi:

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

EXODUS 3:16

Ka kosop ye mme ebio-owo Israel, nyuŋ dɔhɔ mmɔ ete, Jehovah Abasi mme ete mbufo, Abasi Abraham, ye eke Isaac, ye eke Jacob okowut mi idem, ete, Mmotim nse mbufo, ye se enamde mbufo ke Egypt:

LUKE 19:44

eyenyuŋ esuhɔre fi enim ke isɔŋ, ye nditɔ fo emi eduŋde fi ke esit; ndien idikpɔŋke itiat kiet ke enyɔŋ itiat eken ke esit fo; koro afo mukɔdiɔŋɔke ini eke Abasi edide edise fi.

GENESIS 24:36

ifin iban, ye camel, ye ass. Sarah ŋwan ete mi, onyuŋ aman eyen-eren ɔnɔ ete mi, ke enye ama ɔkɔsɔŋ, ndien enye ɔnɔ eyen oro kpukpru se enye enyenede.

1 SAMUEL 1:19

Ekem eyo esiere, mmɔ ebak edemere, etuak ibuot ke iso Jehovah, ndien efiak eka ke ufɔk mmɔ ke Ramah. Ndien Elkanah ɔfiɔk Hannah ŋwan esie; Jehovah onyuŋ eti enye;

2 NDIDEM 4:17

Ekem ŋwan oro oyomo, onyuŋ aman eyen-eren ke ini nte enye okodoride, ke ebem, kpa nte Elisha ɔkɔdɔhɔde enye.