GENESIS 19:24 - Edisana ñwed Abasi Ibom

²⁴ Ndien Jehovah anam brimstone ye ikaŋ oto Jehovah ke enyɔŋ edep ke Sodom ye Gomorrah:

GENESIS 19:24 Referans Kwoze

DEUTERONOMY 29:23

nte ofuri isɔŋ esie edide brimstone, ye inuŋ, ye edisak ikaŋ, itɔhɔ ŋkpɔ ke esit, ŋkpɔ itibeke ke isɔŋ, baba ikɔŋ kiet inyuŋ ikɔrike ke esit, ebiet nsobo Sodom, ye eke Gomorrah, ye eke Admah, ye eke Zeboiim, emi Jehovah okosobode ke iyaresit esie ye ke ifiopesit esie:

ISAIAH 13:19

Ndien Babylon, uyai mme idut, mbana ye ŋkpɔ iseri mme Chaldee, eyebiet nsobo oro Abasi okosobode Sodom ye Gomorrah.

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.

2 PETER 2:6

edieke Enye onyuŋ ɔfɔpde mme obio Sodom ye Gomorrah ekabare ntɔŋ, ke ini Enye adade nsobo obiom mmɔ ikpe onyuŋ anamde mmɔ edi uwut-ŋkpɔ ɔnɔ mmɔ eke midibakke Abasi;

AMOS 4:11

Ami nyut ndusuk mbufo ŋkabare nnim, kpasuk nte Abasi okoyutde Sodom ye Gomorrah, mbufo enyuŋ ekabare ebiet ifia eke edabarede ke ikaŋ: edi mbufo ifiakke edem itiene mi; uyo Jehovah edi emi.

JEREMIAH 50:40

Jehovah ɔdɔhɔ, ete, Kpa nte Abasi okosobode Sodom ye Gomorrah ye mbɔhiduŋ mmɔ, kpa ntre ke owo ididuŋke do, eyen owo idinyuŋ idaŋke ke esit.

ZEPHANIAH 2:9

Jehovah mme udim Abasi Israel ɔdɔhɔ, ete, Ma uwem mi, mmɔdo Moab miditreke ndi-biet Sodom: nditɔ Ammon idinyuŋ itreke ndibiet Gomorrah: ebiet eke nettle ɔkɔride, ye obube inuŋ, ye nsinsi ndon: ikɔt mi eke edisuhɔde eyebume mmɔ, nditɔ idut mi eke esuhɔde eyeda mmɔ enyene.

ŊWED ESEME 4:6

Idiɔk ido adiaha oruk mi onyuŋ okpon akan ukwaŋ-ŋkpɔ Sodom, emi okosobode ke idaha kiet, ndien idige ubɔk owo otuk enye.

JEREMIAH 20:16

Yak owo oro onyuŋ ebiet mme obio eke Jehovah okosobode, ndien mituaha mkpɔfiɔk: enye onyuŋ okop mfiori ke usenubɔk, ye mkpo ke ini ufɔt uwemeyo.

ŊWED JOB 18:15

Ŋkpɔ eke minyeneke enye eduŋ ke tent esie: enyuŋ ewari enye brimstone ke iduŋ.

HOSEA 11:8

O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

JEREMIAH 49:18

Jehovah ɔdɔhɔ ete, kpa nte ke ini ekewuride Sodom ye Gomorrah ye mbɔhiduŋ mmɔ, kpa ntre owo ididuŋke do, eyen owo idinyuŋ itiehe do.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ŊWED MME PSALM 11:6

Enye eyenam afia edep anam mme idiɔk owo; ikaŋ, ye brimstone, ye edifiop ofum edi udeme cup mmɔ.

LUKE 10:12

Mmɔdɔhɔ mbufo nte, Ŋkpɔ eyefɔn ye Sodom ke usen ikpe akan ye obio oro.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

GENESIS 13:10

Ndien Lot emenere enyin esie, ese ofuri una isɔŋ Jordan, nte mmɔŋ awakde ke esit kpukpru, ke Jehovah mika isoboke kaŋa Sodom ye Gomorrah, nte iŋwaŋ Jehovah, nte isɔŋ Egypt, ke edem Zoar.

GENESIS 13:12

Abram etie ke isɔŋ Canaan, Lot onyuŋ etie ke obio una-isɔŋ oro, onyuŋ owuk tent esiemɔ osim Sodom.

GENESIS 18:17

Ndien Jehovah ɔdɔhɔ, ete, Nte ndedip Abraham se ami nyomde ndinam;

GENESIS 19:23

Utin asiaha ɔnɔ isɔŋ ke ini Lot odukde Zoar.

EXODUS 9:23

Ndien Moses emenere esaŋ esie ke enyɔŋ; ndien Jehovah atuak enyɔŋ, onyuŋ anam edim-itiat ɔduɔt, ikaŋ onyuŋ asak asaŋa ke isɔŋ; Jehovah onyuŋ anam edim-itiat ɔduɔt ke isɔŋ Egypt.

ŊWED JOB 1:16

Ke adaŋemi enye emi osuk ɔdɔhɔde, owo efen oduk edidɔhɔ ete, Ikaŋ abasi omoto ke enyɔŋ ɔduɔ edifɔp ŋkpri ufene, ye mkparawa fo, onyuŋ ata mmɔ; ndien suk ami ikpɔŋ-ikpɔŋ mbɔhɔ nditiŋ nnɔ fi.

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

DEUTERONOMY 28:24

Jehovah eyenam edim isɔŋ fo akabare edi obu ye ntan: eyeto ke ikpa-enyɔŋ edep fi ke idem, tutu afo abiara ama.

DEUTERONOMY 29:22

ndien emana nditɔ mbufo emi editienede mbufo edem edaha da ke ini iso, ye esen owo ŋko eke editode ke anyan idut, eyedɔhɔ, ke ini mmɔ edikutde ufen isɔŋ oro, ye udɔŋɔ esie eke Jehovah anamde enye ɔdɔŋɔ;

JEREMIAH 23:14

ndien ŋkut ata ŋkpɔ ndidien ke mme prophet Jerusalem; ke esin efibe, ke esaŋa ke nsu; mmɔ enyuŋ esɔŋɔ mme idiɔk owo ubɔk, ndien owo ndomo kiet ikabakede ikpɔŋ idiɔk ido esie; kpukpru mmɔ etie ye ami nte Sodom, mme andiduŋ enye enyuŋ ebiet Gomorrah.