GENESIS 18:26 - Edisana ñwed Abasi Ibom

²⁶ Ndien Jehovah ɔdɔhɔ, ete, Mma ŋkut edinen owo aba ye duop, ke Sodom ke esit obio, nyedahado nnɔ ofuri ebiet mbaŋa mmɔ.

GENESIS 18:26 Referans Kwoze

JEREMIAH 5:1

MBUFO ekanare mme efak Jerusalem, enyuŋ ese, enyuŋ efiɔk, enyuŋ eyom ke mme aŋwa esie, Mbufo ema ekut owo, owo eke anamde edinen ido, onyuŋ oyomde akpanikɔ, ama odu, ndien nyedahado nnɔ enye.

MATTHEW 24:22

Ndien ke mikpesibeke mme usen oro emuhɔ, baba owo kiet ikpɔbɔhɔke; edi kabaŋa ndimek ikɔt Abasi eyesibe mme usen oro emuhɔ.

EZEKIEL 22:30

Ndien ami nyom owo eke edinamde ɔkɔ, onyuŋ adade ke ebiet emi owurede ke iso mi, ke abaŋa isɔŋ, man enye okubiara: edi ŋkwe.

ISAIAH 65:8

Ntem ke Jehovah ɔdɔhɔ, ete, Kpa nte ekutde obufa wine ke etuek vine, owo onyuŋ ɔdɔhɔ ete, Kusobo enye: koro eti ŋkpɔ odude enye ke esit: kpa ntre ke ndinam mbaŋa ikɔt mi, man ŋkusobo kpukpru.

ISAIAH 19:24

Ke usen oro Israel eyenam ita ye Egypt ye Assyria, edi ŋkpɔ eke ɔdiɔŋde owo ke ufɔt ererimbot:

ISAIAH 10:22

Koro okposuk edi nte nditɔ fo, O Israel, ewakde nte ntan inyaŋ, esisit mmɔ ikpɔŋ edifiak: nsobo ɔmɔwuhɔ eke edinamde edinen ikpe ɔyɔhɔ nte mmɔŋ.

ISAIAH 6:13

Edi ɔyɔhɔ ubak duop eyesuk odu enye (isɔŋ) ke esit, ndien emi eyetɔŋɔ ntak edi se editade, kpa nte terebinth, ye nte ofriyo, eke etak odude ke esit, ke ekpide mmɔ eduɔk: etak esie (oro) eyedi edisana mkpasip.

GENESIS 18:17

Ndien Jehovah ɔdɔhɔ, ete, Nte ndedip Abraham se ami nyomde ndinam;