GENESIS 17:14 - Edisana ñwed Abasi Ibom

¹⁴ Ndien ama edi owo edut emi misibeke enye edut ifep, yak esibe ukpɔŋ oro efep ke oruk esie; enye abiat ediomi mi.

GENESIS 17:14 Referans Kwoze

EXODUS 12:19

Yak ekukut baba leaven ke ufɔk mbufo ke ofuri usen itiaba: koro owo ekededi ama adia se leaven odude ke esit, eyesibe ukpɔŋ oro efep ke esop nditɔ Israel,

1 ŊWED CORINTH 11:29

koro owo eke adiade onyuŋ ɔŋwɔŋde, ke enye midiɔŋɔke ikpɔhidem, ke adia onyuŋ ɔŋwɔŋ ubiom-ikpe odoro idem esie.

1 ŊWED CORINTH 11:27

Mmɔdo owo ekededi eke edidiade uyo Ɔbɔŋ edinyuŋ ɔŋwɔŋde cup Ɔbɔŋ ke usuŋ eke midotke, eyenyene isop abaŋa ikpɔhidem ye iyip Ɔbɔŋ.

JEREMIAH 31:32

idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

JEREMIAH 11:10

Mmɔ efiak edem ke mme idiɔk ido akpa mme ete mmɔ oro mikenyimeke ndikop ikɔ mi; ndien mmɔ ebine abasi efen enyuŋ enam ŋkpɔ mmɔ: ufɔk Israel ye ufɔk Judah emebiat ediomi mi oro ŋkanamde ye mme ete mmɔ.

ISAIAH 33:8

Mme ɔkpɔ-usuŋ ena ikpikpu, owo isaŋ etre; enye abiat ediomi, esin mme obio ke ndek, ibatke owo ke ŋkpɔ.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

ŊWED MME PSALM 55:20

Enye amada ubɔk esie odori mme ufan esie: amabiat ediomi esie.

LEVITICUS 19:8

Ndien owo eke atade eyebiom ukwaŋ-ŋkpɔ esie: koro enye abiatde edisana ŋkpɔ Jehovah: ndien yak esibe ukpɔŋ oro efep ke otu mbio-obio mmɔ.

LEVITICUS 18:29

Koro ama edi kpukpru owo eke enamde mbubiam ŋkpɔ oro ekededi, yak esibe kpa ukpɔŋ eke enamde, efep ke otu mbio-obio mmɔ.

LEVITICUS 7:27

Owo ekededi ama adia iyip ekededi, yak esibe owo oro efep ke otu oruk esie.

LEVITICUS 7:25

Ke adaŋemi owo ekededi atade ikpɔŋ eke otode ke unam eke esiode enye uwa ikaŋ enɔ Jehovah, yak esibe owo eke atade ke oruk esie efep.

EXODUS 30:38

Owo anam se ibietde enye ete iŋwune enye, yak esibe enye efep ke otu mbio-obio mmɔ.

EXODUS 30:33

Ama edi owo eke edibuakde se ibietde enye, ye owo ŋko eke adade enye eyet esen owo ke idem, yak esibe enye efep ke otu mbio-obio mmɔ.

EXODUS 12:15

Mbufo edita uyo eke leaven miduhe ke usen itiaba; esioŋo leaven efep ke ufɔk mbufo ke akpa usen: koro owo ekededi amadia se leaven odude ke esit, toto ke akpa usen tutu osim ke ɔyɔhɔ usen itiaba, eyesibe ukpɔŋ oro efep ke Israel.

GENESIS 17:15

Ndien Abasi ɔdɔhɔ Abraham, ete, Ama edi Sarai ŋwan fo, kukot aba enyiŋ esie ete, Sarai, koro Sarah edide enyiŋ esie.

GENESIS 34:14

ndien mmɔ edɔhɔ mmɔ ete, Nnyin ikwe nte inamde ŋkpɔ emi, ndida eyen-ete nnyin aŋwan nnɔ owo emi edide edut; koro enye edide ŋkpɔ but

LEVITICUS 23:29

Koro ama edi owo ekededi eke misukke idem esie ke usen emi, yak esibe enye ke otu mbio-obio mmɔ efep.

NUMBERS 9:13

Edi ama edi owo eke asanade, minyuŋ ikaha idut, ndien etre ndinim passover, yak mmɔ esibe ukpɔŋ oro ke mbio-obio mmɔ efep: owo oro enyene ndibiom idiɔk ido esie, koro enye mikadaha enɔ Jehovah idi ke ekem ini esie.

EZEKIEL 44:7

koro mbufo emade mbon idut emi minaŋa mbobi ke esit, minyuŋ inaŋa mbobi ke obukidem, eduk, man mmɔ edu ke edisana ebiet mi, enyuŋ esabare ufɔk mi, ke adaŋemi mbufo edade uyo mi, ye ikpɔŋ, ye iyip edisɔk; ndien mmɔ ebiat ediomi mi, oto ke kpukpru mbubiam mbufo.