GENESIS 16:6 - Edisana ñwed Abasi Ibom

⁶ Ndien Abram ɔdɔhɔ Sarai, ete, Sese ofin aŋwan fo odu fi ke ubɔk, nam ye enye nte afo amade. Ndien Sarai ofik enye, ndien enye efehe ɔkpɔn enye,

GENESIS 16:6 Referans Kwoze

JEREMIAH 38:5

Ndien edidem Zedekiah ɔdɔhɔ ete, Sese, enye mmɔdo ke ubɔk mbufo: koro midige edidem ekeme ŋkpɔ ye mbufo.

1 PETER 3:7

Kpasuk ntre, mbufo mme ebe edu uwem ye iban mbufo nte mme enyene-ibuot owo; enɔ iban ukpono, nte mmɔ emi ememde ekan mbufo, sia mmɔ enyuŋ etienede mbufo, ebuana ke ufɔn uwem; mbak ŋkpɔ edibiɔŋɔ akam mbufo.

ECCLESIASTES 10:4

Edieke edidem ayatde esit ye afo, kudaha ke ebiet fo; koro mmem-ibuot osukde ikpɔ ndudue.

MME ŊKE 29:19

Idige ke ikɔ ke editeme ofin: koro enye eyetim ɔfiɔk, edi idibɔrɔke bɔrɔ.

MME ŊKE 27:8

Ntarusuŋ eke oyode ɔkpɔŋ efɔk esie, ebiet owo eke oyode ɔkpɔŋ ebiet esie.

MME ŊKE 15:1

SUŊ-SUŊ ibɔrɔ akabare ifiopesit efep: edi uyat ikɔ edemere iyaresit.

MME ŊKE 14:29

Owo eke misɔpke iyaresit enyene akwa asian: edi owo ifiopesit emenere ndisime ke enyɔŋ.

ŊWED JOB 2:6

Ndien Jehovah ɔdɔhɔ Satan, ete, Sese, enye odu fi ke ubɔk; edi kpeme uwem esie ikpɔŋ-ikpɔŋ.

EXODUS 2:15

Ekem, adaŋemi Pharaoh okopde ikɔ emi, enye oyom Moses ndiwot. Edi Moses efehe ɔbɔhɔ iso Pharaoh, aka okoduŋ ke isɔn Midian: ndien enye ɔsuhɔre etie do ke mben obube mmɔŋ.

GENESIS 24:10

emi. Ekem owo oro ada camel duop ke mme camel ete esie, ada kpukpru oruk nti ŋkpɔ ete esie ke ubɔk, aka; ndien enye adaha ke enyɔŋ aka ke Mesopotamia,

GENESIS 16:9

Ndien angel Jehovah ɔdɔhɔ enye ete, Fiak, tiene uka, nyuŋ suk

JOSHUA 9:25

Ndien ke emi, se nnyin ke ubɔk fo: nam nte afo esede ete ɔfɔn, onyuŋ enen ndinam ye nnyin.