GENESIS 15:9 - Edisana ñwed Abasi Ibom

⁹ Ndien Enye ete, Sio uman enaŋ isua ita, ye uman ebot isua ita, ye okukim erɔŋ isua ita, ye mbomoŋkuku kiet, ye eyen ibiom kiet nɔ mi.

GENESIS 15:9 Referans Kwoze

LUKE 2:24

ndinyuŋ ŋwa uwa, nte ibet Jehovah etemede, mbomo ŋkuku iba, me nditɔ ibiom iba.

LEVITICUS 14:30

Ndien yak enye awa mbomo ŋkuku oro kiet, mme eyen ibiom kiet, eke ubɔk ekemde enye;

LEVITICUS 14:22

ye mbomo ŋkuku iba, mme nditɔ ibiom iba, nte ubɔk ekemde enye; kiet edi ke uwa idiɔk ido, ye kiet eken ke edifɔp uwa.

LEVITICUS 9:2

enye onyuŋ ɔdɔhɔ Aaron ete, Da eyen enaŋ eyen ufene ke idem fo ke uwa idiɔk ido, ye okukim eke ɔfɔnde ama, ke edifɔp uwa, ndien da mmɔ di ke iso Jehovah.

LEVITICUS 3:6

Ndien edieke enɔ esie eke enye adade ɔnɔ Jehovah ke uwa emem, otode ke ŋkpri ufene, edide ayara, onyuŋ edide uman, yak enye ada se mibiomoke ndo edi.

LEVITICUS 3:1

NDIEN edieke enɔ esie edide uwa emem edieke osiode enye ke otu enaŋ edi, edide ayara, onyuŋ edide uman, yak enye ada se mibiomoke ndo edi ke iso Jehovah.

LEVITICUS 1:14

Ndien edieke edifɔp uwa emi enye ɔnɔde Jehovah, otode ke inuen, yak enye ada mbomoŋkuku, mme nditɔ ibiom ɔnɔ ke enɔ esie.

ISAIAH 15:5

Esit mi ke eseme abaŋa Moab; nditɔ esie emi ebɔhɔde emesim ke Zoar, ke Eglath-shelishiyah: koro edɔkde obot Luhith etua eyet; koro ke usuŋ Horonaim ke mmɔ emenere eseme nditaha.

ŊWED MME PSALM 50:5

“Mbufo ebon ikɔt ima mi enɔ mi, kpa mmɔ eke ekedade uwa ediomi ediomi ye ami.”

LEVITICUS 12:8

Ndien edieke ubɔk mikemke enye ke eyen erɔŋ, yak enye ada mbomo ŋkuku iba, mme nditɔ ibiom iba, edi; kiet ke eke edifɔp uwa, kiet eken ke eke uwa idiɔk ido: ndien yak oku osio isop ɔnɔ enye, ndien enye edidi edisana.

LEVITICUS 9:4

ye okukim, ye mme uwa emem, eke ewade ke iso Jehovah; ye inuak-udia mbuaha ye aran: koro mfin emi ke Jehovah ediwut mbufo idem.

LEVITICUS 1:10

Ndien enɔ esie ama oto ke ŋkpri ufene, mme ke erɔŋ, mme ke ebot, ke eke edifɔp uwa, yak enye ada ayara eke ɔfɔnde ama ɔsɔk.

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

GENESIS 22:13

Ndien Abraham emenere enyin esie ese, ndien, sese okukim ke edem, emi nnuk esie ɔkɔmɔde ke mfuhɔ ikɔt: ndien Abraham aka okomum okukim oro, onyuŋ awa enye ke uwa ke itie eyen esie.

GENESIS 15:8

Ndien enye ɔdɔhɔ, ete, Jehovah Ɔbɔŋ, nda nso mfiok nte nyenyene?

GENESIS 15:10

Ndien enye osio kpukpru mmɔ emi ɔnɔ Enye, onyuŋ asiak mmɔ ukem-ukem, onyuŋ onim ubak kiet ana ukem ye eken, edi isiakke mme inuen.

LEVITICUS 12:6

Ndien ke ekemde ke usen eke enye asanade, edide eke eyen-eren, onyuŋ edide eke eyen-aŋwan, yak enye ada eyen erɔŋ isua kiet ke edifɔp uwa, ye eyen ibiom, mme mbomoŋkuku, ke uwa idiɔk ido, edi ke enyin-usuŋ efe esop, edisɔk oku:

IKWƆ SOLOMON 2:12

Ekut mme flower ke isɔŋ; ini ikwɔ emedi, enyuŋ ekop uyo turtle ke edem nnyin;