GENESIS 13:8 - Edisana ñwed Abasi Ibom

⁸ Ndien Abram ɔdɔhɔ Lot, ete, Mbɔk, kuyak utɔk odu ke ufɔt mi ye afo, ye ke ufɔt mme ekpeme ufene mi ye mme ekpeme ufene fo; koro nnyin idide nditɔ ete kiet.

GENESIS 13:8 Referans Kwoze

UTOM MME APOSTLE 7:26

Ke usen eŋwen ŋko, enye ɔbiɔŋɔre owo iba ke iso nte mmɔ eŋwanade eŋwan, ndien ɔdɔŋ enye ndinam mmɔ etɔŋɔ ntak etie ke emem; ntre ke enye ete, Mbufo edi nditɔ-ete; nsinam mbufo enamde kiet eken se mifɔnke?

ŊWED MME PSALM 133:1

IDUŊ nditɔ-ete ke idem ɔtɔ kiet ɔfɔn didie! onyuŋ eye didie!

2 PETER 1:7

ye uteŋe Abasi ke ime, ye iman ke uteŋe Abasi, ye ima ke iman.

1 PETER 4:8

Akan kpukpru ŋkpɔ, enyene ufiop-ufiop ima ke otu idem mbufo; koro ima ofukde ekese idiɔk-ŋkpɔ.

1 PETER 3:8

Ke akpatre itie, mbufo kpukpru enyene esit kiet, ekop mbɔm ye kiet eken, etie ima-ima nte nditɔ-ete, enyene mfefere esit, enyuŋ esuhɔre idem.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

MME ŊKE 20:3

Owo nditre utɔk edi ukpono: edi kpukpru ndisime owo ebumere eduk ke esit.

MME ŊKE 15:1

SUŊ-SUŊ ibɔrɔ akabare ifiopesit efep: edi uyat ikɔ edemere iyaresit.

GENESIS 45:24

Ndien enye ayak nditɔ-ete esie enyɔŋɔ: onyuŋ ɔdɔhɔ mmɔ ete mbufo ekutɔhɔ utɔk ke usuŋ.

1 JOHN 4:7

Ndima, eyak nnyin ima kiet eken; koro ima oto Abasi; kpukpru owo eke emade-ma, edi Abasi okobon mmɔ, mmɔ enyuŋ efiɔk Abasi.

1 PETER 2:17

Ekpono kpukpru owo. Ema nditɔ-ete. Eteŋe Abasi. Ekpono edidem.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

MME HEBREW 13:1

YAK ima mbufo ye nditɔ-ete osuk amana ada.

MME HEBREW 12:14

Etiŋ enyin esaŋa ke emem ye kpukpru owo; enyuŋ esaŋa ke edisana ido; koro esiode oro efep, baba owo kiet idikwe Ɔbɔŋ.

1 ŊWED THESSALONICA 4:9

Inaŋa nte ŋwet ŋkpɔ nnɔ mbufo mbaŋa ima nditɔ-ete: koro Abasi ke Idem Esie ke ekpep mbufo ndima kiet eken;

ŊWED MBON PHILIPPI 2:14

Ke erinam kpukpru ŋkpɔ etre nsuk-uyo ye eneni;

MATTHEW 5:9

Ɔfɔfɔn ɔnɔ mme anam emem: koro eyekot mmɔ nditɔ Abasi.

MME ŊKE 15:18

Owo iyaresit edemere utɔk: edi owo eke misɔpke iyaresit omum eŋwan.

EXODUS 2:13

Enye onyuŋ ɔwɔrɔ edem usen, ndien, sese, Hebrew iba eŋwana eŋwan; ndien enye ɔdɔhɔ andidue, ete, Nsinam afo amiade eyen usɔ?

GENESIS 13:9

Nte ofuri isɔŋ inaŋa fi ke iso? Dianare ye ami, mbɔk; afo ama aka ke ubɔk ufien, ndien nyeka ke ubɔk nnasia; edi afo ama aka nnasia, ndien nyeka ufien.

GENESIS 46:34

Ndien mbufo edidɔhɔ ete, Nnyin ikɔt fo idi mbon-ufene ɔtɔŋɔde ke ini uyen nnyin tutu osim emi, ye nnyin, ye mme ete nnyin, kpaŋ mbufo ekpetie ke isɔŋ Goshen; koro nditɔ Egypt esuade kpukpru mme ɔbɔk-ufene.

GENESIS 14:14

Ekem, Abram okop ete ke ekemum eyen ete imɔ enyɔŋɔ, ndien enye osio nditɔ ufɔk esie, emi enye ekekpepde mmɔ ekɔŋ, owo ikie ita ye efureta, ekebine tutu osim ke Dan.

JUDGES 9:26

Ekem Gaal eyen Ebed edi ye nditɔ-ete, esie edibe aka Shechem: ndien mme enyene Shechem ebuɔt idem mmɔ ye enye.