GENESIS 11:4 - Edisana ñwed Abasi Ibom

⁴ Ndien mmɔ edɔhɔ ete, Ekam eyak nnyin ibɔp obio inɔ idem nnyin, ye edikoŋ ufɔk eke ibuot esie edisimde ke enyɔn; inyuŋ inam enyiŋ inɔ idem nnyiŋ, mbak idisuana ke iso ofuri ererimbot.

GENESIS 11:4 Referans Kwoze

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

LUKE 1:51

Enye akada ubɔk Esie ayarare odudu; Enye akasuan mbon ntaŋidem ke ekikere esit mmɔ.

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

MME ŊKE 10:7

Ke ini etide eti owo, eyetoro enye: edi enyiŋ mme idiɔk owo eyebu.

DEUTERONOMY 9:1

O ISRAEL kop: afo ɔmɔŋ edibe Jordan mfin emi okoduk, man ada mme idut emi ekponide enyuŋ esɔŋde ekan fi, enyene, ikpɔ obio emi enyenede ŋkokoŋo ibibene.

2 SAMUEL 8:13

Ndien David ɔwɔrɔ etop ke adaŋemi enye ama oto ndiwot Aram tɔsin owo efureta ke itihere inuŋ afiak edi.

DANIEL 4:11

Eto oro ɔkɔri onyuŋ ɔsɔŋɔ, idaha esie onyuŋ osim ke enyɔŋ, ndise esie onyuŋ osim utit ofuri ererimbot: ikɔŋ esie eye,

GENESIS 6:4

Ata ikpɔ owo ekedu ke isɔŋ ke ini oro; ndien ke nditɔ iren Abasi ema eketiene nditɔ-iban owo ŋko, mmɔ enyuŋ emande nditɔ enɔ mmɔ, mmɔ edi ata mkpɔsɔŋ owo uko, emi edude ke eyo oko, mbon etop.

DANIEL 4:22

O edidem, edi enye emi oforode onyuŋ ɔsɔŋɔde, uforo fo onyuŋ ɔdɔdiɔŋ aka iso tutu osim ikpaenyɔŋ, ubɔŋ fo onyuŋ osim utit ererimbot.

ŊWED MME PSALM 92:9

Koro sese, mme asua fo, O Jehovah, koro, sese, eyesobo mme asua fo; kpukpru mme anam-idiɔk eyesuana.

DEUTERONOMY 4:27

Ndien Jehovah eyesuan mbufo ke otu mme idut, ndien mbufo eyesuhɔ esisit ke otu mme idut emi Jehovah adade mbufo aka do.

ŊWED MME PSALM 107:26

Mmɔ edɔk ke enyɔŋ, esuhɔre ke udem: ukpɔŋ atara mmɔ ke nnaenyin.

JEREMIAH 51:53

Koro Babylon ɔdɔkde ke enyɔŋ, koro enye onyuŋ ɔsɔŋɔde edikoŋ odudu esie, owo eke edibiatde eyeto mi esim enye. Emi edi uyo Jehovah.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.