GENESIS 10:10 - Edisana ñwed Abasi Ibom

¹⁰ Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar.

GENESIS 10:10 Referans Kwoze

GENESIS 11:9

Mmɔdo enyiŋ esie ekerede Babel; koro Jehovah etimerede usem ofuri ererimbot do: Jehovah onyuŋ anam mmɔ edaha do esuana ke iso ofuri ererimbot.

GENESIS 11:2

Ekem ke mmɔ ema ekedaha ke edem usiaha utin mmɔ edisim ke una isɔŋ kiet ke isɔŋ Shinar; ndien etie do.

MICAH 4:10

Kop ubiak, nyuŋ man eyen, O adiaha Zion, kpa nte ŋwan uman: koro afo eyeto ke obio ɔwɔrɔ ke idahemi, eyenyuŋ oduŋ ke iŋwaŋ, onyuŋ osim Babylon: eyenyaŋa fi do: do ke Jehovah edifak fi osio mme asua fo ke ubɔk.

GENESIS 14:1

EDIKEM, ke usen Amraphel edidem Shinar, Arioch edidem Ellasar, Chedorlaomer edidem Elam, ye eke Tidal edidem mme idut;

ZECHARIAH 5:11

Ndien enye ɔbɔrɔ mi, ete, Ndibɔp ufɔk ke isɔŋ Shinar nnɔ enye: ndien eyewuk enye, enyuŋ ediɔk enye do ke itie esiemɔ.

MICAH 5:6

ndien mmɔ eyedia isɔŋ Assyria ke ofut, ye isɔŋ Nimrod ke inua-otop esie: ndien enye eyenyaŋa nnyin osio Assyria ke ubɔk ke adaŋemi enye odukde ke isɔŋ nnyin, ke enye onyuŋ edigide ŋkpɔ ke esit adaŋa nnyin.

AMOS 6:2

Mbufo ebe eka Calneh ekese; enyuŋ eto do eka ke akamba Hamath; ndien esuhɔre ke Gath mme Philistine: nte mmɔ efɔn ekan mme idut emi? Nte adaŋa mmɔ okpon akan adaŋa mbufo?

JEREMIAH 50:21

Dɔk ka ekɔŋ ye isɔŋ Mera-thaim, ka ekɔŋ ye enye ye mme andiduŋ Pekod. Jehovah ɔdɔhɔ, ete, Bine mmɔ, sobo, nyuŋ wuri, nyuŋ nam kpukpru kpa nte ŋketemede fi.

ISAIAH 39:1

KE ini oro Merodach-baladan eyen Baladan, edidem Babylon, ɔnɔ ŋwed ye enɔ esɔk Hezekiah; enye onyuŋ okop ete ke enye ɔkɔdɔŋɔ, ndien okop idem.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 10:9

Nte Calno ibietke Carchemish? Nte Hamath ibietke Arpad? Nte Samaria ibietke Damascus?

DANIEL 1:2

Ndien Ɔbɔŋ emen Jehoiakim edidem Judah esin enye ke ubɔk, ye ubak mkpoduoho ufɔk Abasi; ndien enye ada mmɔ ɔnyɔŋ ke edem shinar ke ufɔk abasi esie; onyuŋ ada mkpoduoho oro esin ke ufɔk unim-ŋkpɔ abasi esie.

GENESIS 10:9

Enye edi ata-utop ke iso Jehovah; mmɔdo edɔhɔde ete, Nte Nimrod ata-utop ke iso Jehovah.

JEREMIAH 21:2

Mbɔk, bup Jehovah baŋa nnyin: koro Nebuchadrezzar edidem Babylon ke aŋwana ekɔŋ ye nnyin; mme Jehovah eyenam ye nnyin nte asaŋade ye kpukpru mme utibe ŋkpɔ esie, man enye ɔkpɔŋ nnyin ɔdɔk.

JEREMIAH 50:1

UYO emi ke Jehovah ɔkɔdohɔ abaŋa Babylon ye isɔŋ mme Chaldean ke ubɔk Jeremiah prophet.

EZEKIEL 27:23

Haran ye Canneh ye Eden, ye mbon-urua Sheba ye Asshur ye Chilmad edi mbon-urua fo.