GENESIS 1:3 - Edisana ñwed Abasi Ibom

³ Ekem Abasi ɔdɔhɔ ete, Yak uŋwana odu: ndien uŋwana odu.

GENESIS 1:3 Referans Kwoze

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

JOHN 1:5

Ndien uŋwana oro ayama ke ekim; ekim inyuŋ ikanke enye.

ISAIAH 45:7

Mbot uŋwana, nnyuŋ mbot ekim: nnam emem, nnyuŋ mbot idiɔk: ami Jehovah nnam kpukpru ŋkpɔ emi.

ISAIAH 60:19

Utin ididige aba uŋwana fo ke uwemeyo; ɔfiɔŋ idinyuŋ idaha uŋwana iŋwaŋa fi: ndien Jehovah eyedi nsinsi uŋwana fo, Abasi fo eyenyuŋ edi uyai fo.

1 JOHN 1:5

Ndien emi edi etop eke ikokopde ke inua Esie, inyuŋ isian mbufo, ite, Abasi edi uŋwana, ekim inyuŋ iduhe ke Enye.

ŊWED MBON EPHESUS 5:8

Koro mbufo ekedi ekim totoko, edi emewɔrɔ edi uŋwana ke Ɔbɔŋ ke emi:

JOHN 1:9

Ata uŋwana emi anamde enyin aŋwaŋa kpukpru owo okododuk ke ererimbot.

JOHN 3:19

Ndien emi edi ke ererimbot, edi owo emama ekim ekan uŋwana; koro utom mmɔ ɔdiɔkde.

ŊWED MME PSALM 33:6

Ekeda uyo Jehovah enam enyɔŋ; ekeda ibifik inua esie enam kpukpru udim mmɔ.

ŊWED MME PSALM 148:5

Yak mmɔ etoro Jehovah: koro enye okowukde, ndien mmɔ eboro:

ŊWED MME PSALM 97:11

Emetɔ uŋwana ke isɔŋ enɔ ndinen owo, etɔ idaresit enɔ mbon esit kiet.

ŊWED MME PSALM 33:9

Koro edi enye ɔkɔdɔhɔ, ndien ɔwɔrɔ: edi enye okowuk, ndien ada.

1 JOHN 2:8

Edi ŋwet obufa ibet ŋko nnɔ mbufo, emi ɔwɔrɔde osu ke uwem Esie ye ke uwem mbufo ŋko; koro ekim ke ebebe efep, ata uŋwana onyuŋ ɔtɔtɔŋɔ ndiyama.

ŊWED MBON EPHESUS 5:14

koro sededi eke eyararede akabare edi uŋwana. Mmɔdo ɔdɔhɔde ete, Demere, afo emi edede idap, Nyuŋ set ke mkpa, Ndien Christ eyeyama ɔnɔ fi.

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

ŊWED JOB 38:19

Enye usuŋ emi uŋwana oduŋde? Ekim ŋko-enye ɔtɔ esie,

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

ŊWED MME PSALM 118:27

Jehovah edi Abasi, enye omonyuŋ aŋwaŋa nnyin. Mbufo eda uruk etebe uwa tutu esim ke nduk itie-uwa.

ŊWED JOB 36:30

Sese, enye ada uŋwana esie ebri enye ke enyɔŋ, onyuŋ ɔfiɔk isɔŋ akwa mmɔŋ.

JOHN 11:43

Ndien ke Enye ama ɔkɔdɔhɔ ntem, Enye ofiori ke ɔkpɔsɔŋ uyo, ete, Lazarus, wɔrɔ di.

MATTHEW 8:3

Ndien Jesus anyan ubɔk, otuk enye, ete, Mmonyime, sana. Ndien ndo-ndo oro owo oro asana ɔbɔhɔ akpa-mfia esie.

GENESIS 2:4

Mme mmɔ emi edi emana enyɔŋ ye isɔŋ ke ebotde mmɔ, ke usen emi Jehovah Abasi anamde isɔn ye enyɔŋ.