GENESIS 1:21 - Edisana ñwed Abasi Ibom

²¹ Ndien Abasi obot ikpɔ unam mmɔŋ, ye kpukpru unam eke edude uwem eke esaŋade, eke eyɔhɔde ke mmɔŋ, ke oruk mmɔ, ye kpukpru inuen mba ke oruk mmɔ: ndien Abasi okut ete efɔn.

GENESIS 1:21 Referans Kwoze

GENESIS 1:25

Ndien Abasi anam unam obot ke oruk mmɔ, ye ufene ke oruk mmɔ, ye kpukpru andinyɔni ke isɔŋ ke oruk mmɔ; ndien Abasi okut ete efɔn.

GENESIS 8:19

Kpukpru unam ye kpukpru mme andinyɔni ye kpukpkru inuen, kpukpru se inyɔnide ke isɔŋ, ke oruk mmɔ eto ke ubom ewɔŋɔ.

GENESIS 8:17

Sioŋo kpukpru unam emi edude ye afo, ye kpukpru obukidem, ke inuen, ye ke ufene, ye ke mme andinyɔni eke enyɔnide ke isɔŋ; ndien yak mmɔ esiaha ke isɔŋ, enyuŋ etɔt, enyuŋ ewak ke isɔŋ.

EXODUS 8:3

Ndien ikwɔt eyeyɔhɔ ke akpa: eyenyuŋ edɔk eduk ke ufɔk fo, ye ke ubet nna fo, ye ke ufɔk ikɔt fo, ye ke idem mbio-obio fo, ye ke usaŋ-uyo fo, ye ke unuak-uyo fo:

EXODUS 1:7

Ndien nditɔ Israel etɔt, enyuŋ esiaha, enyuŋ ewak, enyuŋ esɔŋ eti-eti; ndien mmɔ eyɔhɔ ke isɔŋ oro.

GENESIS 9:7

Ndien mbufo etɔt enyuŋ ewak; esiaha ke isɔŋ, enyuŋ ewak ke esit.

GENESIS 7:14

ye kpukpru unam ke oruk mmɔ, ye kpukpru ufene ke oruk mmɔ ye kpukpru mme andinyɔni eke enyɔnide ke isɔŋ ke oruk mmɔ, ye kupkpru inuen ke oruk mmɔ, kpukpru ŋkpri inuen akpaimɔ mba.

GENESIS 6:20

Ke inuen ke oruk mmɔ, ye ke ufene ke oruk mmɔ, ye ke kpukpru se inyɔnide ke isɔŋ ke oruk mmɔ, iba iba ke kpukpru editiene fi, kpaŋ okponim mmɔ uwem.

ŊWED JOB 26:5

Mme ekpo enyek idem; (ebiet emi odude) ke idak mmɔŋ, ye mmɔ emi eduŋde ke esit.

ŊWED JOB 7:12

Nte ami ndi inyaŋ ibom, mme kukubarakpa, emi afo onimde owo, ete ekpeme mi?

GENESIS 1:31

Ndien Abasi okut kpukpru se enye akanamde, ndien, sese efɔn eti eti. Ndien mbubreyo ye usenubɔk edi ɔyɔhɔ usen itiokiet.

GENESIS 1:18

enyuŋ ekara uwemeyo ye okoneyo, enyuŋ edianare uŋwana ye ekim: ndien Abasi okut ete efɔn.

MATTHEW 12:40

Koro nte Jonah okodude ke idibi akamba iyak uwemeyo ita ye okoneyo ita, ntre ke Eyen Owo eyedu ke esit isɔŋ uwemeyo ita ye okoneyo ita.

JONAH 1:17

Ndien Jehovah ama okonim akamba iyak kiet, ete, emen Jonah esin ke idibi. Ndien Jonah odu iyak oro ke idibi ke uwemeyo ita ye okoneyo ita.

EZEKIEL 32:2

Eyen owo, men ikwɔ eseme baŋa Pharaoh edidem Egypt, nyuŋ dɔhɔ enye, ete, Afo ekebiet akparawa lion mme idut, afo onyuŋ edi ofiom ke akwa mmɔŋ, onyuŋ oto ke mme akpa mmɔŋ fo obumere ɔwɔrɔ, onyuŋ etimere mmɔŋ ke ukot fo, onyuŋ anam mmɔŋ mmɔ edehe.

JONAH 2:10

Ndien Jehovah ɔdɔhɔ iyak oro, ndien iyak ɔkpɔhi Jonah ɔduɔk ke obot.

GENESIS 1:20

Ndien Abasi ɔdɔhɔ, ete, Yak mmɔŋ ɔyɔhɔ udim-udim unam eke edude uwem, yak inuen enyuŋ efefe ekpɔŋ isɔŋ ke iso ikpa-enyɔŋ.

GENESIS 1:22

Ndien Abasi ɔdiɔŋ mmɔ, ete, Mbufo etɔt, enyuŋ ewak, enyun eyɔhɔ ke mmɔŋ ke akamba inyaŋ; yak inuen enyuŋ ewak ke isɔŋ.

GENESIS 9:2

Ndien kpukpru unam obot ye kpukpru inuen enyɔŋ, ye kpukpru se inyɔnide ke isɔŋ, ye kpukpru iyak ke mmɔŋ eyebak mbufo, eyenyuŋ eteŋe mbufo: mmɔ esine mbufo ke ubɔk.

ŊWED MME PSALM 148:7

Mbufo mme dragon, ye kpukpru udem, etie ke isɔŋ etoro Jehovah.

GENESIS 2:19

Ndien Jehovah Abasi obot kpukpru unam obot ke ikoneto, ye kpukpru inuen enyɔŋ: ndien ada mmɔ ɔsɔk Adam, ete ise nte Adam edikotde mmo: ndien kpukpru se Adam okotde unam eke edude uwem, oro edi enyiŋ mmɔ.

ŊWED JOB 12:7

Edi bup naŋa mme unam, ndien mmɔ eyeteme fi, (nyuŋ bup) inuen enyɔŋ, ndien mmɔ eyesian fi.