GENESIS 1:16 - Edisana ñwed Abasi Ibom

¹⁶ Ndien Abasi anam ikpɔ mme uŋwana mbiba oro; akamba uŋwana ete akara uwemeyo, ye ekpri uŋwana ete akara okoneyo: ye mme ntantafiɔŋ.

GENESIS 1:16 Referans Kwoze

DEUTERONOMY 4:19

mbak afo edinyuŋ emenere enyin fo ese enyɔŋ, onyuŋ okut utin, ye ɔfiɔŋ, ye ntantafiɔŋ, kpa ofuri udim enyɔŋ, ndien enuk fi awaha akatuak ibuot ɔnɔ mmɔ, onyuŋ anam ŋkpɔ ɔnɔ mmɔ emi Jehovah Abasi fo ama ekedeme ɔnɔ kpukpru mme idut ke idak enyɔŋ.

ŊWED MME PSALM 8:3

Ke adaŋemi nsede enyɔŋ, utom nnuenubɔk fo, ɔfiɔŋ ye ntantafiɔŋ emi afo owukde;

ISAIAH 40:26

Emenere enyin mbufo ke enyɔŋ, enyuŋ ese! Anie okobot mme mmɔ emi? Anie ada otu mmɔ ɔwɔrɔ ke ibat mmɔ? Enye osio kpukpru mmɔ enyiŋ: koro nsɔŋidem esie okponde, enye onyuŋ ɔsɔŋ odudu; baba owo mmɔ kiet isopke.

ŊWED MME PSALM 148:5

Yak mmɔ etoro Jehovah: koro enye okowukde, ndien mmɔ eboro:

ŊWED MME PSALM 74:16

Uwemeyo edi okuomɔ, okoneyo onyuŋ edi okuomɔ; afo omotim uŋwana ye utin.

ŊWED MME PSALM 148:3

Utin ye ɔfiɔŋ, mbufo etoro enye: kpukpru ntantafiɔŋ uŋwana, etoro enye.

ŊWED JOB 38:7

Ke ini mme ntantafiɔŋ usen-ubɔk ekwɔde uyo kiet, kpukpru nditɔ Abasi enyuŋ esiode mkpo.

1 ŊWED CORINTH 15:41

Ubɔŋ utin edi oruk ubɔŋ kiet, ubɔŋ ɔfiɔŋ edi oruk ubɔŋ efen, ubɔŋ ntantafiɔŋ onyuŋ edi oruk ubɔŋ efen; koro ntatafiɔŋ kiet ɔkpuhɔrede ye ntantafiɔŋ efen ke ubɔŋ.

MATTHEW 27:45

Edi ɔtɔŋɔde ke ufɔt uwemeyo tutu osim hour ita ke uwemeyo, ekim ofuk ɔfuri isɔŋ.

HABAKKUK 3:11

Uŋwana idaŋ fo nte eduɔde, uyama eduat fo nte emineŋde, esin utin ye ɔfiɔŋ etuak eda ke iduŋ mmɔ.

ISAIAH 45:7

Mbot uŋwana, nnyuŋ mbot ekim: nnam emem, nnyuŋ mbot idiɔk: ami Jehovah nnam kpukpru ŋkpɔ emi.

ISAIAH 13:10

Koro mme ntantafiɔŋ enyɔŋ ye mme constellation midiyamake: utin eyekim ke ini enye ɔwɔrɔde, ɔfiɔŋ idinyuŋ iyakke uŋwana esie ayama.

ŊWED MME PSALM 19:6

Enye ɔwɔrɔ ke utit ikpa-enyɔŋ kiet, onyuŋ akan akabare ke utit esie eken: baba ŋkpɔ kiet eke odibede ufiop esie inyuŋ iduhe.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.

ISAIAH 24:23

Ndien but eyenam ɔfiɔŋ, utin eyenyuŋ ofuk but iso, koro Jehovah mme udim adade ubɔŋ ke obot Zion, ye ke Jerusalem, ubɔŋ onyuŋ odu ke iso mbiowo esie.

ŊWED JOB 31:26

Edieke ŋkesede utin adaŋemi enye ayamade, ye ɔfiɔŋ nte enye asaŋade ataitai;

MATTHEW 24:29

Edi ukut mme usen oro ama ekebe, idaha oro utin eyekabare okim, ɔfiɔŋ idinyuŋ inɔŋɔ uŋwana esie, mme ntantafiɔŋ eyeyuŋ eto ke ikpa-enyɔŋ eduɔŋɔ, eyenuŋ enyeŋe mme odudu ikpa-enyɔŋ.

GENESIS 1:15

Yak mmɔ enyuŋ edi nte mme uŋwana ke ikpa-enyɔŋ, ndiyama nnɔ isɔŋ: ndien edi ntre.

JEREMIAH 31:35

Ntem ke Jehovah emi onimde utin ke uŋwana ke uwemeyo, ye ewukde ɔfiɔŋ ye ntantafiɔŋ ke uŋwana ke okoneyo, emi osukde odut inyaŋ, ke ini enye adahade, Jehovah mme udim edi enyiŋ esie, ɔdɔhɔ ete,