EZRA 9:2 - Edisana ñwed Abasi Ibom

² Koro mmɔ edade nditɔ-iban mmɔ enɔ idem mmɔ ye nditɔ-iren mmɔ edɔ: ema enyuŋ ebuak edisana mbon ye mbon mme idut: ndien ubɔk mbɔŋ ye eke mme ebierikpe edi etubom ke idiɔk ido emi.

EZRA 9:2 Referans Kwoze

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

EXODUS 34:16

onyuŋ ada nditɔ-iban mmɔ ɔnɔ nditɔ-iren fo, ndien nditɔ-iban mmɔ etiene mme abasi mmɔ enam use, enyuŋ eda mme nditɔ-iren fo etiene mme abasi mmɔ enam use.

EZRA 10:2

Ndien Shecaniah eyen Jehiel, eyen Elam kiet, ɔbɔrɔ Ezra, ete, Nnyin ima idue Abasi nnyin, ima inyuŋ idɔ isen iban emi etode ke mbio mme idut: edi ke emi Israel enyene idorenyin ke ŋkpɔ emi.

1 ŊWED CORINTH 7:14

Koro ebe eke minimke ke akpanikɔ ama akabare edi edisana ke ŋwan esie, ŋwan eke minimke ke akpanikɔ ama onyuŋ akabare edi edisana ke eyen-ete oro: midige ntre, nditɔ mbufo ikpasanake; edi kemi mmɔ esana.

MALACHI 2:15

Ndien nte Enye ikanamke kierakiet? Ndien spirit ɔsuhɔ ɔnɔ Enye. Ndien anam didie edi kiet oro? Enye okoyom ubon Abasi. Mbufo ekpeme ndien spirit mbufo, owo baba kiet okunyuŋ abiaŋa ŋwan uyen esiemɔ.

MALACHI 2:11

Judah anam abiaŋa, owo enyuŋ enam mbubiam ke Israel ye ke Jerusalem; koro Judah amabiat edisana ŋkpɔ Jehovah emi enye amade, onyuŋ ɔdɔ eyen esen abasi kiet.

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

EXODUS 22:31

Mbufo enyuŋ edi edisana ikɔt mi; ekunyuŋ eta unam eke ewaide ke ikɔt; mbufo etop enye enɔ ebua.

EXODUS 19:6

Mbufo eyenyuŋ enyene mi nte obio oku, ye nte edisana idut. Mme ikɔ emi ke afo editiŋ ɔnɔ nditɔ Israel.

2 ŊWED CORINTH 6:14

Ekubɔp idem utiŋe-utiŋe ye mmɔ eke minimke ke akpanikɔ.

GENESIS 6:2

enyuŋ emanade enɔ mmɔ, ndien nditɔ-iren Abasi ekut ndito-iban owo nte eyede, ndien mmɔ eda iban kpukpru eke mmɔ emekde edɔ.

ISAIAH 6:13

Edi ɔyɔhɔ ubak duop eyesuk odu enye (isɔŋ) ke esit, ndien emi eyetɔŋɔ ntak edi se editade, kpa nte terebinth, ye nte ofriyo, eke etak odude ke esit, ke ekpide mmɔ eduɔk: etak esie (oro) eyedi edisana mkpasip.

NEHEMIAH 13:28

Ndien eyen Joiada, eyen Eliashib akamba oku, kiet okokoro ukot ye Sanballat Horonite: mmɔdo mbinde enye ke idem mi mfep.

NEHEMIAH 13:17

Ndien ntɔhɔ ye mbɔŋ Judah, nnyuŋ ndɔhɔ mmɔ, nte, Nso idiɔk ido edi emi mbufo enamde, enyuŋ ebiat usen sabbath?

JOSHUA 23:12

Koro edieke mbufo efiakde, enyuŋ eyirede ye mme idut emi esuhɔde, kpa mmɔ emi esuhɔde ke otu mbufo, enyuŋ edɔ ndɔ ke otu mmɔ, enyuŋ eduk ke otu mmɔ, mmɔ eyenyuŋ eduk ke otu mbufo ŋko;

EZRA 9:12

mbufo ekuda ndien nditɔ-iban mbufo enɔ nditɔ-iren mmɔ, ekunyuŋ eda nditɔ-iban mmɔ esɔk nditɔ-iren mbufo, ekunyuŋ eyom emem ye mfɔn enɔ mmɔ tutu amama: man mbufo esɔŋ, enyuŋ edia mfɔn isɔŋ oro, enyuŋ eda enye enɔ nditɔ mbufo enyene ke nsinsi.

EZRA 9:14

nte nnyin iditɔŋɔ ntak ibiat mbet fo, inyuŋ ikoro ukot ye mbio mbubiam emi? Nte afo uduyatke esit ye nnyin, tutu osobo nnyin ama, tutu baba owo kiet eke ɔbɔhɔde isuhɔke?

LEVITICUS 21:15

Enye okunyuŋ abiat ubon esie ke otu oruk esie: koro edi ami Jehovah nnam enye asana.

JOSHUA 22:15

Ekem mmɔ edisim nditɔ Reuben, ye nditɔ Gad, ye ubak esien Manasseh, ke isɔŋ Gilead,

1 NDIDEM 11:1

NDIEN edidem Solomon ama ediwak isen iban, ɔkɔrɔ ke eyen Pharaoh aŋwan, kpa iban Moab, ye eke Ammon, ye eke Edom, ye eke Zidon, ye eke Heth;