EZRA 4:12 - Edisana ñwed Abasi Ibom

¹² Yak edidem ɔfiɔk, ete ke mme Jew emi eketode ke edem fo etiene nnyin, emesim Jerusalem, ke enyuŋ ebɔp obio nsɔŋibuot ye idiɔk ido oro, emenyuŋ ema ibibene esie, enyuŋ ediɔŋ isɔŋ ibibene.

EZRA 4:12 Referans Kwoze

EZRA 5:9

Ndien nnyin ibup mbiowo oro, idɔhɔ mmɔ ntem, ite, Anie owo ɔkɔnɔ mbufo item, ete ebɔp ufɔk emi, enyuŋ ema ibibene emi?

EZRA 5:3

Ke kpasuk ini oro Tattenai, emi akarade edem akpa emi, ye Shethar-bozenai, ye mme nsaŋa mmɔ, edi ke ɔtɔ mmɔ, edidɔhɔ mmɔ ntem, ete, Anie owo ɔkɔnɔ mbufo item, ete ebɔp ufɔk emi, enyuŋ enam ibibene emi ema?

2 CHRONICLES 36:13

Enye onyuŋ ɔsɔŋ ibuot ye edidem Nebuchadnezzar, emi akanamde enye otomo Abasi: enye onyuŋ ɔsɔŋ obot-itɔŋ esie, onyuŋ ɔsɔŋ esit esie, ete ikufiak itiene Jehovah Abasi Israel.

1 ŊWED THESSALONICA 5:22

Ebet kpukpru oruk idiɔk-ŋkpɔ.

UTOM MME APOSTLE 24:5

Koro nnyin imokut ite owo emi edi owo afanikɔŋ; enye edemere nsɔŋ-ibuot ke otu kpukpru mme Jew emi edude ke ofuri ererimbot, onyuŋ edi ebe-iso owo ke otu ŋka emi etienede Jesus eyen Nazareth.

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.

JEREMIAH 52:3

Koro osude ntre ye Jerusalem ye Judah abaŋa iyaresit Jehovah, tutu enye emen mmɔ ke iso esie ɔduɔk. Ndien Zedekiah ɔsɔŋ ibuot ye edidem Babylon.

NEHEMIAH 1:3

Ndien mmɔ edɔhɔ mi, ete, Mme mmɔ oro eketode ke itie ntaŋ-mfep esuhɔ ko ke province, ke etie ke akwa ukut, ye ke esuene: ibibene Jerusalem onyuŋ owure, itim esie ema enyuŋ eta ikaŋ.

EZRA 4:19

Ndien ami ŋwuk ewuhɔ, ndien mmɔ eduŋɔre, ekut, ete ke obio emi ama emenere idem esie, aŋwana ye ndidem toto ke eyo oko, ekenyuŋ enam nsɔŋibuot ye ndutime ke esit.

EZRA 4:15

man owo ɔduŋɔre ŋwed ŋkpɔ eyo mme usɔ; ndien afo eyekut ke ŋwed ŋkpɔ eyo oro, onyuŋ ɔfiɔk, ete ke obio emi edi obio nsɔŋibuot, onyuŋ abiat ŋkpɔ ndidem, ye eke mme province, mmɔ ekenyuŋ enam nsɔŋibuot ke esit toto ke eyo oko; oro esin ekebiatde obio emi.

2 NDIDEM 24:1

KE eyo esie Nebuchadnezzar edidem Babylon ɔdɔk edi, ndien Jehoiakim akabare edi owo esie ke isua ita, ndien akabare ɔsɔŋ ibuot ye enye.

2 NDIDEM 18:20

Afo ɔdɔhɔ (edi edi ikɔ ikpɔk-inua) ete, Mmenyene item ye odudu ekɔŋ. Afo ɔbuɔt idem fo ye anie, ndien, eke esinde fi ɔsɔŋɔ ibuot ye ami?

EZRA 4:11

Emi edi se ekekaŋade ke ŋwed oko enɔde esɔk enye, kpa Artaxerxes edidem. Ikɔt fo, mbio edem akpa emi, ye ntre ntre.

ESTHER 3:8

Ekem Haman ɔdɔhɔ edidem Ahasuerus, ete, Mbio kiet mmɔdo emi esuanade enyuŋ ebaharede ke otu mme andiduŋ kpukpru mme province emi afo akarade; ndien ido mmɔ edi isio ye kpukpru mme idut; mmɔ inyuŋ inimke mme ewuhɔ edidem: mmɔdo mifɔnke edidem ndiyak mmɔ.

DANIEL 3:8

Mmɔdo ndo-ndo oro ndusuk owo mme Chaldean esaŋa ekpere edibia mme Jew.

NEHEMIAH 6:6

ekewet ke esit, ete, Ke ekop ke otu mme idut, Gashmu onyuŋ ɔdɔhɔ, ete ke afo ye mme Jew ekere ndisɔŋ ibuot: oro esin afo ɔbɔp ibibene, afo onyuŋ akabare edi edidem mmɔ, kpa nte mme ikɔ emi esaŋade.