EZRA 3:1 - Edisana ñwed Abasi Ibom

¹ EKEM adaŋemi ekemde ke ɔyɔhɔ ɔfiɔŋ itiaba, nditɔ Israel enyuŋ edude ke mme obio mmɔ, kpukpru owo esop idem ke Jerusalem, nte owo kiet.

EZRA 3:1 Referans Kwoze

1 ŊWED CORINTH 1:10

Edi mmada enyiŋ Ɔbɔŋ nnyin Jesus Christ ŋkpe mbufo ubɔk, nditɔ-ete, nte mbufo kpukpru enyene ikɔ-inua kiet, ubahare okunyuŋ odu ke otu mbufo; edi mbufo etɔŋɔ ntak ekabare efɔn ema ke erinyene esit kiet ye ekikere kiet.

UTOM MME APOSTLE 4:32

Edi otu mmɔ emi enimde ke akpanikɔ enyene esit kiet ye spirit kiet: baba owo mmɔ kiet inyuŋ idɔhɔke ite ŋkpɔ ekededi eke imɔ inyenede edi eke imɔ; edi mmɔ ebabuana kpukpru ŋkpɔ.

LEVITICUS 23:24

Dɔhɔ nditɔ Israel, ete, ke ɔyɔhɔ ɔfiɔŋ itiaba, ke akpa usen ɔfiɔŋ, ke mbufo edinim sabbath, eke efuride ukorowo enam owo eti, edisana esop.

UTOM MME APOSTLE 2:46

Ndien ke usen ke usen mmɔ enyene iwuk edu ke temple ye esit kiet, enyuŋ ebuŋ uyo ke ufɔk, mmɔ edia udia ke idaresit ye esit kiet, etoro Abasi; kpukpru owo enyuŋ enen iso ye mmɔ.

ZEPHANIAH 3:9

Koro ke ini oro nyekabare edisana mkpɔk-inua nnɔ mme idut: man kpukpru mmɔ ekot enyiŋ Jehovah, man enam ŋkpɔ enɔ enye ke esit kiet.

NEHEMIAH 8:14

Ndien mmɔ ekut nte ewetde ke ŋwed mbet oro Jehovah okowukde ke ubɔk Moses, ete, Yak nditɔ Israel eduŋ ke ataya ke usɔrɔ ɔyɔhɔ ɔfiɔŋ itiaba:

NEHEMIAH 7:73

Ntre mme oku, ye mme Levite, ye mme etie-usuŋ, ye mme ɔkwɔ-ikwɔ, ye ubak mbio-obio, ye mme Nethinim, ye ofuri Israel, eduŋ ke mme obio mmɔ: ndien, ekem ke ɔyɔhɔ ɔfiɔŋ itiaba, nditɔ Israel edu ke mme obio mmɔ.

JUDGES 20:1

EKEM kpukpru nditɔ Israel ewɔŋɔ, mbio-esop enyuŋ ebono nte owo kiet, ɔtɔŋɔde ke Dan tutu osim ke Beer-sheba, ye isɔŋ Gilead, etiene Jehovah ke Mizpah.

LEVITICUS 16:29

Ndien eyedi nsinsi ewuhɔ mbufo, ke ɔyɔhɔ ɔfiɔŋ itiaba ke ɔyɔhɔ usen ɔfiɔŋ oro duop, mbufo esuhɔre esit mbufo, ekunyuŋ enam baba ubɔk-utom kiet, ekpedi eyen isɔŋ, onyuŋ edi esen owo eke oduŋde ke otu mbufo.

NEHEMIAH 8:1

EKEM kpukpru owo esop idem ɔtɔ kiet, nte owo kiet, ke aŋwa emi odude ke iso inua-otop mmɔŋ; ndien mmɔ edɔhɔ Ezra, ɔfiɔk-ŋwed, ete enye ada ŋwed mbet Moses, emi Jehovah okowukde Israel, edi.

DEUTERONOMY 16:16

Yak kpukpru iren-owo fo ewut Jehovah idem mmɔ utim ikata ke isua ke ebiet emi enye edimekde; ke usɔrɔ uyo eke leaven miduhe, ye ke usɔrɔ mme urua, ye ke usɔrɔ mme ataya: ndien yak owo okudi ke iso Jehovah ubɔk-ubɔk:

NEHEMIAH 7:72

Ndien se mbio-obio efen enɔde edi tɔsin dram o-gold edip, ye tɔsin pound silver iba, ye ɔfɔŋ idem oku ata ye itiaba.