EZRA 1:6 - Edisana ñwed Abasi Ibom

⁶ Ndien kpukpru mmɔ eke ekande mmɔ ekuk eda ŋkpɔ silver, ye gold, ye inyene, ye ufene, ye ŋkpɔ-uto esɔŋɔ mmɔ ubɔk, ekɔrɔ ye kpukpru se enɔde ke ima esit.

EZRA 1:6 Referans Kwoze

2 ŊWED CORINTH 9:7

Yak kpukpru owo kiet kiet ɔnɔ nte enye akaduakde ke esit esie: okunɔ ye mfuhɔ-esit, okunyuŋ ɔnɔ oto ke erinyenyik; koro Abasi amama owo eke ɔnɔde ke inemesit.

ŊWED MME PSALM 110:3

Ikɔt fo edi enɔ ima-esit ke usen odudu fo, ke edisana mbanaoto ke idibi usiere, afo emenyene mbara uyen fo.

EZRA 8:33

Ndien ke ɔyɔhɔ usen inaŋ mmɔ edomo silver, ye gold, ye mkpoduoho oro ke ufɔk Abasi nnyin, esin ke ubɔk Meremoth eyen Uriah oku; Eleazar eyen Phinehas onyuŋ ada ye enye; Jozabad eyen Jeshua, ye Noadiah eyen Binnui, Levite, enyuŋ edu ye mmɔ;

EZRA 1:4

Ndien ama edi kpukpru owo eke esuhɔde ke ebiet ekededi eke mmɔ eduŋde do, yak mbon ebiet mmɔ oro eŋwam mmɔ ke silver, ye ke gold, ye ke inyene, ye ke ufene, ekɔrɔ ye enɔ ima ufɔk Abasi emi odude ke Jerusalem.

NEHEMIAH 6:9

Koro kpukpru mmɔ enamde nnyin idikhe, ete, “Ubɔk eyemem mmɔ ke utom, man ekunam enye.” Sɔŋ mi ubɔk, ndien, O Abasi.

ISAIAH 35:3

Mbufo esɔŋ mmeme ubɔk, enyuŋ esin odudu ke edɔŋ eke efumde.

EXODUS 12:35

Nditɔ Israel enyuŋ enam ke uyo Moses; mmɔ enyuŋ ebeŋe nditɔ Egypt ŋkpɔ silver, ye ŋkpɔ gold, ye edisine-ŋkpɔ.

EXODUS 12:36

Ndien Jehovah esin nditɔ Egypt enen iso ye mmɔ, enyuŋ enɔ mmɔ ke ima. Ntre ke mmɔ ebume ŋkpɔ nditɔ Egypt.

1 CHRONICLES 29:9

Ndien kpukpru owo edat esit, koro mmɔ etatde ubɔk: koro mmɔ etatde ubɔk enɔ Jehovah ke ofuri esit: David edidem ŋko onyuŋ adat esit eti-eti.

ŊWED MME PSALM 106:46

Ndien enye esin kpukpru mmɔ oro etaŋde mmɔ efep etua mmɔ mbɔm.