EZRA 1:5 - Edisana ñwed Abasi Ibom

⁵ Ndien mme etubom mme ete Judah ye Benjamin, ye mme oku, ye mme Levite, ye kpukpru mmɔ eke Abasi edemerede esit mmɔ, edaha ke enyɔŋ, ete idɔk ikɔbɔp ufɔk Jehovah emi odude ke Jerusalem.

EZRA 1:5 Referans Kwoze

EZRA 1:1

EDIKEM ke akpa isua Cyrus edidem Persia, man se Jehovah akadade inua Jeremiah ɔdɔhɔ ekpekem, Jehovah edemere spirit Cyrus, edidem Persia, ndien enye owuk ofuri edem emi enye akarade, onyuŋ esin ke ŋwed ŋko, ete,

ŊWED MBON PHILIPPI 2:13

koro edi Abasi esine mbufo ke idem anam mbufo enyime enyuŋ enam, man eti uduak Esie ediwɔrɔ.

2 ŊWED CORINTH 8:16

Edi ekɔm enyene Abasi, emi ɔdɔŋde ke esit Titus ekikere mbaŋa mbufo nte nnyenede.

NEHEMIAH 2:12

Ekem ami ndaha ke enyɔŋ ke okoneyo, owo esisit enyuŋ esaŋa ye ami: ndien ŋkɔdɔhɔke baba owo kiet se Abasi mi ekesinde mi ke esit, ete nnam ke Jerusalem: unam baba kiet inyuŋ iduhe ye ami, ke mibɔhɔke unam emi ndorode ke esit.

2 CHRONICLES 36:22

Ekem ke akpa isua Cyrus edidem Persia, man se Jehovah akadade inua Jeremiah ɔdɔhɔ ekpekem, Jehovah edemere Cyrus edidem Persia spirit, ndien enye ɔdɔŋ ewuhɔ ke ofuri edem emi enye akarade, onyuŋ esin ke ŋwed ŋko, ete,

3 JOHN 1:11

Edima, kukpebe se idiɔkde, edi kpebe se ifɔnde. Owo eke anamde se ifɔnde edi owo Abasi; owo eke anamde se idiɔkde ikekwe Abasi.

MME ŊKE 16:1

UDUAK esit edi eke owo: edi ibɔrɔ edeme oto Jehovah.

EZRA 1:2

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot, omonyuŋ eteme mi, ete ndiɔŋ ufɔk Jerusalem emi odude ke Judah nnɔ imɔ.

EZRA 1:4

Ndien ama edi kpukpru owo eke esuhɔde ke ebiet ekededi eke mmɔ eduŋde do, yak mbon ebiet mmɔ oro eŋwam mmɔ ke silver, ye ke gold, ye ke inyene, ye ke ufene, ekɔrɔ ye enɔ ima ufɔk Abasi emi odude ke Jerusalem.

HAGGAI 1:14

Ndien Jehovah edemere spirit Zerubbabel eyen Shealtiel, ɔbɔŋ Judah, ye spirit Joshua eyen Jehozadak, akamba oku, ye spirit kpukpru mmɔ eke esuhɔde; ndien mmɔ edi edinam utom ke ufɔk Jehovah mme udim, Abasi mmɔ,