EZRA 1:3 - Edisana ñwed Abasi Ibom

³ Anie owo mbufo odu ke otu kpukpru ikɔt esie, yak Abasi esie odu ye enye; yak enye onyuŋ ɔdɔk ke Jerusalem emi odude ke Judah, onyuŋ ɔdiɔŋ ufɔk Jehovah Abasi Israel (enye edi Abasi), emi odude ke Jerusalem.

EZRA 1:3 Referans Kwoze

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

ISAIAH 45:5

Ami ndi Jehovah, ndien efen iduhe du, Abasi iduhe ke mibɔhɔke ami, mbɔbɔ fi mbɔbɔ, ndien afo ufiɔkke mi:

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

DEUTERONOMY 32:31

Koro itiat mmɔ mibietke Akwa Itiat nnyin, edi mme asua nnyin edomo ese.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

1 NDIDEM 8:23

O Jehovah Abasi Israel, Abasi eke ebietde fi iduhe du ke enyɔŋ ke heaven, ye ke isɔŋ ke idak, eke onimde ediomi ye mfɔn ɔnɔ ikɔt fo eke esaŋade ke iso fo ke ofuri esit mmɔ:

1 NDIDEM 18:39

Ndien kpukpru owo ekut, enyuŋ eduɔŋɔ ke isɔŋ, ekubi iso mmɔ: ndien mmɔ edɔhɔ ete, Jehovah edi Abasi! Jehovah edi Abasi!

EZRA 1:4

Ndien ama edi kpukpru owo eke esuhɔde ke ebiet ekededi eke mmɔ eduŋde do, yak mbon ebiet mmɔ oro eŋwam mmɔ ke silver, ye ke gold, ye ke inyene, ye ke ufene, ekɔrɔ ye enɔ ima ufɔk Abasi emi odude ke Jerusalem.

EZRA 5:3

Ke kpasuk ini oro Tattenai, emi akarade edem akpa emi, ye Shethar-bozenai, ye mme nsaŋa mmɔ, edi ke ɔtɔ mmɔ, edidɔhɔ mmɔ ntem, ete, Anie owo ɔkɔnɔ mbufo item, ete ebɔp ufɔk emi, enyuŋ enam ibibene emi ema?

ISAIAH 37:16

O Jehovah mme udim, Abasi Israel, emi oduŋde ke otu mme cherubim, edi afo ke idem fo ikpɔŋ-ikpɔŋ edi Abasi kpukpru mme idut ererimbot: edi afo akanam enyɔŋ ye isɔŋ.

EZRA 4:3

Edi Zerubbabel, ye Jeshua, mme etubom mme ete Israel emi esuhɔde, edɔhɔ mmɔ, ete, mbufo isaŋake ye nyin ke eribɔp ufɔk nnɔ Abasi nnyin; edi nnyin ke idem nnyin iyebɔp inɔ Jehovah Abasi Israel, kpa nte edidem Cyrus, edidem Persia, okowukde nnyin.

EZRA 5:13

Edi ke akpa isua Cyrus edidem Babylon, edidem Cyrus owuk ewuhɔ, ete ebɔp ufɔk Abasi emi.

EZRA 6:7

eyak utom ufɔk Abasi emi etie suŋ; yak ɔbɔŋ mme Jew, ye mbiowo mme Jew ebɔp ufɔk Abasi emi ke itie esie.

ŊWED MME PSALM 132:13

Koro Jehovah emekde Zion; onyuŋ oyom enye ke iduŋ ke idem esie.

ISAIAH 44:28

emi ɔdɔhɔde abaŋa Cyrus, ete, Ekpemerɔŋ mi, ndien enye eyenam kpukpru se mmade ama: eyenyuŋ ɔdɔhɔ Jerusalem, ete, Eyediɔŋ fi; ɔdɔhɔ temple, ete, Eyetɔŋɔ ndibɔp fi.