EXODUS 9:6 - Edisana ñwed Abasi Ibom

⁶ Ndien Jehovah anam ŋkpɔ oro mkpɔŋ, ndien kpukpru ufene Egypt ekpaŋa: edi ufene Israel baba kiet ikpaha.

EXODUS 9:6 Referans Kwoze

ŊWED MME PSALM 78:48

Enye onyuŋ ayak enaŋ mmɔ ɔnɔ edim itiat, onyuŋ ayak ufene mmɔ ɔnɔ ikaŋ obuma.

ŊWED MME PSALM 78:50

Enye asiak usuŋ ɔnɔ iyaresit esie, inimke ukpɔŋ mmɔ, ite ekukpa, edi ayak uwem mmɔ ɔnɔ idiɔk udɔŋɔ;

EXODUS 9:25

Ndien edim-itiat oro ɔduɔt ke ofuri isɔŋ Egypt, ɔbɔŋ kpukpru se idude ke iŋwaŋ, ɔtɔŋɔ ke owo osim unam; edim-itiat oro onyuŋ anuak kpukpru mbiet iŋwaŋ, onyuŋ obuŋ kpukpru eto iŋwaŋ.

EXODUS 8:22

Ndien ke usen oro nyedianare isɔŋ Goshen, emi ikɔt mi eduŋde ke esit, mfep, man nduyip ekudu do; man afo ɔfiɔk ete ke ami ndi Jehovah ke ufɔt ererimbot.

EXODUS 9:4

Jehovah eyenyuŋ adianare ufene Israel ke ufene Egypt: baba ŋkpɔ nditɔ Israel kiet idinyuŋ ikpaha.

EXODUS 9:5

Jehovah onyuŋ onim ini ete, Mkpɔŋ Jehovah eyenam ŋkpɔ emi ke isɔŋ emi.

EXODUS 9:26

Edi edim itiat oro ikoduhe ke isɔŋ Goshen, emi nditɔ Israel edude do.

EXODUS 12:29

Edikem ke ufɔt okoneyo, Jehovah owot kpukpru akpan ke isɔŋ Egypt, ɔtɔŋɔde ke akpan Pharaoh, emi etiede ke ebekpo esie, tutu osim akpan ofin eke odude ke obube; ye kpukpru akpa nditɔ ufene.

EXODUS 12:12

Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah.