EXODUS 9:4 - Edisana ñwed Abasi Ibom

⁴ Jehovah eyenyuŋ adianare ufene Israel ke ufene Egypt: baba ŋkpɔ nditɔ Israel kiet idinyuŋ ikpaha.

EXODUS 9:4 Referans Kwoze

EXODUS 8:22

Ndien ke usen oro nyedianare isɔŋ Goshen, emi ikɔt mi eduŋde ke esit, mfep, man nduyip ekudu do; man afo ɔfiɔk ete ke ami ndi Jehovah ke ufɔt ererimbot.

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

EXODUS 12:13

Ndien iyip oro eyedi idiɔŋɔ mbufo ke mme ufɔk eke mbufo edude do: ndien nyekut iyip oro, nnyuŋ mbe mbufo, ufen idinyuŋ isimke mbufo, nte nsobo, ke ini ami ndibiatde isɔŋ Egypt.

EXODUS 10:23

kiet ikwe kiet, owo inyuŋ idahake ke ebiet esie ke ofuri usen ita: edi kpukpru nditɔ Israel ekut uŋwana ke iduŋ mmɔ.

EXODUS 9:5

Jehovah onyuŋ onim ini ete, Mkpɔŋ Jehovah eyenam ŋkpɔ emi ke isɔŋ emi.

EXODUS 9:6

Ndien Jehovah anam ŋkpɔ oro mkpɔŋ, ndien kpukpru ufene Egypt ekpaŋa: edi ufene Israel baba kiet ikpaha.

EXODUS 9:26

Edi edim itiat oro ikoduhe ke isɔŋ Goshen, emi nditɔ Israel edude do.

AMOS 4:7

Ndien ŋko ami ŋkesin mbufo edim, ke ɔsuhɔde kaŋa ɔfiɔŋ ita nte ekpekemde ke ini ukpeŋe: ami nnyuŋ nnam edim edep ke obio kiet, edi nyakke edep ke obio eken: edim edep ke ubak kiet, ndien ubak eke midepke ke esit asat.

EXODUS 8:19

Ndien mbia-idiɔŋ edɔhɔ Pharaoh ete, Nnuenubɔk Abasi edi emi; edi esit Pharaoh osuk ɔsɔsɔŋ, enye inyuŋ ikopke inɔ mmɔ; kpa suk nte emi Jehovah ɔkɔdɔhɔde.