EXODUS 8:1 - Edisana ñwed Abasi Ibom

¹ NDIEN Jehovah ɔdɔhɔ Moses, ete, Ka ke ebiet Pharaoh, nyuŋ dɔhɔ enye ete, Ntem ke Jehovah ɔdɔhɔ ete, Sana ikɔt mi yak, man eka ekenam ŋkpɔ enɔ mi.

EXODUS 8:1 Referans Kwoze

EXODUS 3:18

Ndien mmɔ eyekop uyo fo: ndien afo ye mme ebio-owo Israel eka ke ɔtɔ edidem Egypt, ekedɔhɔ enye ete, Jehovah Abasi mme Hebrew okosobo ye nnyin: mbɔk, ndien, yak nnyin ida isaŋ usen ita ke wilderness, ikawa uwa inɔ Jehovah Abasi nnyin.

EXODUS 3:12

Ndien Enye ɔdɔhɔ ete, Nditreke ndidu ye afo; ndien emi eyedi idiɔŋɔ fo, ete ke edi ami ndɔŋ fi utom: ke ini afo ama ada mbio oro ke Egypt ɔwɔrɔ, mbufo eyenam ŋkpɔ enɔ Abasi ke akamba obot emi.

EXODUS 5:1

EKEM Moses ye Aaron edi edidɔhɔ Pharaoh, ete, Ntem ke Jehovah Abasi Israel ɔdɔhɔ, ete, Yak ikɔt mi eka, man mmɔ ekenam usɔrɔ enɔ mi ke wilderness.

EXODUS 7:16

Afo edinyuŋ ɔdɔhɔ enye ete, Jehovah Abasi mme Hebrew ɔkɔdɔŋ mi ntiene fi, ete, Yak ikɔt imɔ eka, kpaŋ ekpenam ŋkpɔ enɔ imɔ ke wilderness: edi, sese, afo ukopke, tutu osim emi.

EXODUS 4:23

ndien ndɔhɔ fi, nte, Sana eyen mi yak, man enye anam ŋkpɔ ɔnɔ mi: ndien munyimeke enye ndiyak, sese, ami nyewot eyen fo, kpa akpan fo.

EXODUS 5:3

Mfiɔkke Jehovah, ndinyuŋ nyakke Israel eka. Ndien mmɔ edɔhɔ ete, Abasi mme Hebrew okosobo ye nnyin: mbɔk, yak nnyin ida isaŋ usen ita ika ke wilderness, ikawa uwa inɔ Jehovah Abasi nnyin, mbak enye edida idiɔk udɔŋɔ, mme ofut etiene nnyin.

EXODUS 7:25

Ekem ɔyɔhɔ usen itiaba nte Jehovah akamia akpa.

EXODUS 8:2

Ndien ama edi nte afo munyimeke ndiyak mmɔ, sese, ami nyeda ikwɔt mmia ofuri adaŋa fo.

EXODUS 8:20

Ndien Jehovah ɔdɔhɔ Moses, ete, Babak ke usenubɔk daha ke enyɔŋ, kada ke iso Pharaoh; sese, enye ɔwɔrɔ aka mmɔŋ; nyuŋ dɔhɔ enye ete, Ntem ke Jehovah ɔdɔhɔ ete, Yak ikɔt mi eka ekenam ŋkpɔ enɔ mi:

EXODUS 9:1

NDIEN Jehovah ɔdɔhɔ Moses ete, Ka ke ɔtɔ Pharaoh, nyuŋ dɔhɔ enye ete, Ntem ke Jehovah Abasi mme Hebrew ɔdɔhɔ, ete, Yak ikɔt mi eka, man ekenam ŋkpɔ enɔ mi.

JOSHUA 8:18

Ndien Jehovah ɔdɔhɔ Joshua, ete, Da eduat emi odude fi ke ubɔk nyan se Ai: koro nyeda enye nsin fi ke ubɔk. Ndien Joshua ada eduat emi odude enye ke ubɔk, anyan ese obio.

ŊWED MME PSALM 105:30

Ikwɔt ɔnyɔk ke isɔŋ mmɔ, ke ubet ndidem mmɔ.