EXODUS 7:9 - Edisana ñwed Abasi Ibom

⁹ Adaŋemi Pharaoh edidɔhɔde mbufo ete, Mbufo ewut mme utibe ŋkpɔ ke idem mbufo: ndien afo edidɔhɔ Aaron ete, Men esaŋ fo duɔk ke iso Pharaoh, ndien esaŋ eyekabare edi urukikɔt.

EXODUS 7:9 Referans Kwoze

JOHN 2:18

Ntre ke mme Jew ebɔrɔ Enye ete, Owut nnyin nso idiɔŋɔ emi Afo anamde ŋkpɔ emi?

ISAIAH 7:11

Beŋe Jehovah Abasi fo idiɔŋɔ ke idem fo, beŋe enye ke ntuŋɔ, mme ke ata enyɔŋ.

EXODUS 4:2

Ndien Jehovah obup enye ete, Nsidi oro ke ubɔk fo?

JOHN 6:30

Ntem ke mmɔ edɔhɔ ete, Afo anam nso nte idiɔŋɔ naŋa, man nnyin ikut, inyuŋ inim Fi ke akpanikɔ?

EXODUS 4:17

Nyuŋ da esaŋ emi afo edidade anam mme idiɔŋɔ oro, kama ke ubɔk fo.

EXODUS 10:13

Ndien Moses anyan esaŋ esie ke isɔŋ Egypt, ndien Jehovah anam ofim ikɔrabak abara ke isɔŋ ke ofuri uwemeyo oro, ye ke ofuri okoneyo; ndien ke adaŋemi eyo esierede, ikɔrabak ada ŋkukuŋkpɔyɔriyɔ edi.

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

MATTHEW 12:39

Edi Enye ɔbɔrɔ mmɔ ete, Idiɔk emana eke amade efibe oyom idiɔŋɔ; ndien idinɔŋɔ enye idiɔŋɔ, ibɔhɔke idiɔŋɔ prophet Jonah.

EZEKIEL 29:3

Dɔhɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo Pharaoh edidem Egypt, akamba fiom emi anade ke ufɔt mme akpa mmɔŋ esie, emi ɔdɔhɔde, ete, Akpa mi edi okimmɔ, ami ŋkonyuŋ nnam enye nnɔ idem mi.

EXODUS 9:23

Ndien Moses emenere esaŋ esie ke enyɔŋ; ndien Jehovah atuak enyɔŋ, onyuŋ anam edim-itiat ɔduɔt, ikaŋ onyuŋ asak asaŋa ke isɔŋ; Jehovah onyuŋ anam edim-itiat ɔduɔt ke isɔŋ Egypt.

EXODUS 4:20

Ndien Moses ada ŋwan esie ye nditɔ iren esie, odori ke ass, onyuŋ afiak aka ke isɔŋ Egypt. Moses onyuŋ akama esaŋ Abasi ke ubɔk esie.

EXODUS 7:8

Ekem Jehovah ɔdɔhɔ Moses ye Aaron, ete,

EXODUS 4:3

Ndien enye ete, Esaŋ. Ndien Enye ete, Men enye duɔk ke isɔŋ. Ndien enye emen esaŋ ɔduɔk ke isɔŋ, ndien esaŋ akabare edi urukikɔt; ndien Moses efehe ɔkpɔŋ enye.