EXODUS 6:6 - Edisana ñwed Abasi Ibom

⁶ Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

EXODUS 6:6 Referans Kwoze

DEUTERONOMY 26:8

ndien Jehovah ada ɔkpɔsɔŋ ubɔk, ye edimenere ubɔk, ye akamba ndik, ye mme idiɔŋɔ, ye utibe ŋkpɔ, osio nnyin ke Egypt;

1 CHRONICLES 17:21

Ndien anie ebiet ikɔt fo Israel, idut kiet ke ererimbot, emi Abasi akade akafak, ada ke ikɔt esiemɔ, man anam enyiŋ eke okponde, onyuŋ enyenede ndik ɔnɔ idem fo, ke eribin idut mfep ke iso ikɔt fo, emi afo akafakde ke Egypt osio?

DEUTERONOMY 7:8

edi koro Jehovah amade mbufo, onyuŋ etiŋde enyin ke uŋwɔŋɔ emi enye ɔkɔŋwɔŋɔde ɔnɔ mme ete mbufo, esin Jehovah akada ɔkpɔsɔŋ ubɔk osioŋo mbufo efep, onyuŋ afak mbufo osio ke ubɔk ufin, ye ke ubɔk Pharaoh edidem Egypt.

EXODUS 7:4

Edi Pharaoh idikopke inɔ mbufo, ndien nyemenere ubɔk mi ndori Egypt ke idem, nyenyuŋ nda ŋkpɔ ufen nsioŋo mme udim mi, ikɔt mi nditɔ Israel, mfep ke isɔŋ Egypt.

NEHEMIAH 1:10

Ndien mme mmɔ emi edi ifin fo, emi afo akafakde ke akwa odudu fo, ye ke ɔkpɔsɔŋ ubɔk fo.

ŊWED MME PSALM 81:6

Mbiomore enye mbiomo ke afara; ubɔk esie ekpɔŋ akpasa.

DEUTERONOMY 15:15

Nyuŋ ti nte afo ekedide ofin ke isɔŋ Egypt, nte Jehovah Abasi fo okonyuŋ afakde fi; mmɔdo ami ntemede fi ŋkpɔ emi mfin emi.

EXODUS 15:13

Ima fo esin fi ada ikɔt emi afo akafakde ɔwɔrɔ; ada odudu fo eteme mmɔ usuŋ edisana ebiet fo.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

2 NDIDEM 17:36

ke mibɔhɔke Jehovah emi akadade mbufo ke isɔŋ Egypt ɔdɔk, ke akamba odudu ye ke edinyanare ubɔk, mbufo ebak enye, enyuŋ etuak ibuot enɔ enye, enyuŋ ewa uwa enɔ enye.

DEUTERONOMY 4:23

Mbufo ekpeme idem, mbak edifre ediomi Jehovah Abasi mbufo, emi enye okodiomide ye mbufo, ndien eka ekenam edisɔi mbiet ŋkpɔ ekededi ke idem mbufo, emi Jehovah Abasi fo akpande fi.

ISAIAH 9:21

Manasseh ata Ephraim: Ephraim onyuŋ ata Manasseh; mmɔ mbiba enam ikɔ ye Judah. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

EXODUS 6:29

Ami ndi Jehovah: men kpukpru se ami ntiŋde nnɔ fi, tiŋ nɔ Pharaoh edidem Egypt.

EXODUS 6:8

Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.

EXODUS 6:2

Ndien Abasi eneme ye Moses, onyuŋ ɔdɔhɔ enye ete, Ami ndi Jehovah:

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

UTOM MME APOSTLE 13:17

Mbio Israel, ye mbufo emi ebakde Abasi, ekop. Abasi mbio Israel emi ekemek mme ete nnyin, onyuŋ ofori mbio emi ke ini mmɔ edide nte isen ke isɔŋ Egypt, onyuŋ ada edimenere ubɔk emen mmɔ ɔwɔrɔ ke esit.

EXODUS 1:11

Ndien mmɔ edori mme etubom mbon utom, ete ese mmɔ, man efik mmɔ ke mbiomo mmɔ. Ndien mmɔ ebɔp obio unim-ŋkpɔ enɔ Pharaoh, kpa Pithom ye Raamses.

EXODUS 2:11

Edikem ke usen oro, ke Moses ama okokpon, enye ɔwɔrɔ aka ke ɔtɔ nditɔ-ete esie, ekese mbiomo mmɔ; ndien enye okut eyen Egypt kiet amiade eyen mme Hebrew, owo nditɔ-ete esie kiet.

EXODUS 12:41

Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ.

EXODUS 12:51

Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.

EXODUS 13:3

Ndien Moses ɔdɔhɔ kpukpru owo, ete, Mbufo eti usen emi mbufo ewɔŋɔde ke Egypt, ke ufɔk ufin; koro Jehovah adade ɔkpɔsɔŋ ubɔk osio mbufo ke ebiet emi: mbufo ekudia baba se leaven odude ke esit.

EXODUS 13:14

Ndien ama ekem, adaŋemi eyen fo edibupde fi ke ini iso, ete, Emi edi nso? ndien, dɔhɔ enye, ete, Jehovah akada ɔkpɔsɔŋ ubɔk osioŋo nnyin ke Egypt, ke ufɔk ufin;

EXODUS 16:6

Ndien Moses ye Aaron edɔhɔ kpukpru nditɔ Israel, ete, Ke mbubreyo ndien mbufo eyefiɔk ete ke Jehovah akada mbufo ɔwɔrɔ ke isɔŋ Egypt:

EXODUS 18:1

EKEM adaŋemi Jethro oku Midian, ukot Moses, okopde kpukpru se Abasi akanamde ɔnɔ Moses, ye Israel ikɔt esie, ete ke Jehovah ama osio Israel efep ke Egypt:

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

DEUTERONOMY 5:15

Nyuŋ ti nte afo ekedide ofin ke isɔŋ Egypt, ndien Jehovah Abasi akada ɔkpɔsɔŋ ubɔk ye edimenere ubɔk osio fi ke esit: mmɔdo Jehovah Abasi fo okowukde fi ete onim usen sabbath.

DEUTERONOMY 6:12

ndien kpeme idem fo mbak afo edifre Jehovah, emi okosiode fi ke isɔŋ Egypt, ke ufɔk ufin efep.

JEREMIAH 21:5

Ndien ami nyeŋwana ekɔŋ ye mbufo ke edinyanare ita, ye ke ɔkpɔsɔŋ ubɔk, ye ke akwa iyaresit ye ifuresit ye ikpahesit.

JEREMIAH 32:21

onyuŋ ada ikɔt fo Israel ke isɔŋ Egypt ɔwɔrɔ, ke mme idiɔŋɔ, ye ke mme utibe ŋkpɔ, ye ke ɔkpɔsɔŋ ita, ye ke edimenere ubɔk, ye ke akwa ndik;

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

EXODUS 7:5

Ndien nditɔ Egypt eyefiɔk ete ke ami ndi Jehovah, ke ini ami nnyanarede ubɔk mi ndori Egypt ke idem, nnyuŋ nsioŋode nditɔ Israel ke otu mmɔ mfep.

EXODUS 13:16

Ndien enye eyedu fi ke ubɔk nte idiɔŋɔ, eyenyuŋ odu fi ke ufɔt enyin nte frontlet: koro Jehovah akadade ɔkpɔsɔŋ ubɔk osioŋo nnyin efep ke Egypt.

EXODUS 32:11

Ndien Moses ekpe Jehovah Abasi esie ubɔk, ete, O Jehovah, nsinam iyaresit fo asakde ntem ye ikɔt fo, emi afo okosiode mmɔ ke isɔŋ Egypt, ke akwa odudu, ye ke ɔkpɔsɔŋ ubɔk?

DEUTERONOMY 7:19

ikpɔ ndomo emi enyin fo okokutde, ye mme idiɔŋɔ, ye mme utibe ŋkpɔ, ye ɔkpɔsɔŋ ubɔk, ye edimenere ubɔk, emi Jehovah Abasi fo akadade osio fi; kpasuk ntre ke Jehovah Abasi fo edinam ye kpukpru mme idut emi ndik mmɔ edinamde fi.

DEUTERONOMY 9:29

Edi mmɔ edi ikɔt fo, ye udeme fo, emi afo akadade akwa odudu fo ye edimenere ubɔk fo osio mmɔ efep.

DEUTERONOMY 11:2

koro mendɔhɔke nditɔ mbufo emi mikɔfiɔkke, emi mikonyuŋ ikwe eritunɔ emi Jehovah Abasi mbufo ɔkɔtunɔde, ye ubom esie, ye ɔkpɔsɔŋ ubɔk esie,

1 NDIDEM 8:42

(koro mmɔ edikopde ebaŋa akwa enyiŋ fo, ye ɔkpɔsɔŋ ita fo, ye edimenere ubɔk fo;) ndien edi edibɔŋ akam ke ufɔk emi;

ŊWED MME PSALM 77:16

Mmɔŋ okokut fi, O Abasi; mmɔŋ okokut fi; mmɔŋ edikhe, mme udem enyuŋ enyek eti-eti.

ŊWED MME PSALM 81:7

Afo ekeseme ke itie ukut, ndien mbabare fi: ntie ke itie udibe obuma nyere fi: Ndomo fi ke ɔtɔ mmɔŋ Meribah. [Selah.]

ŊWED MME PSALM 81:11

Edi ikɔt mi ikopke uyo mi: Israel inyuŋ inyimeke inɔ mi.

JEREMIAH 27:5

Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

EZEKIEL 20:33

Ɔbɔŋ Jehovah ɔdɔhɔ ete. Ma uwem mi, nditreke ndikara mbufo ke ɔkpɔsɔŋ ita, ye ke edimenere ubɔk, ye ke ifuresit eke eŋwaŋade.