EXODUS 4:9 - Edisana ñwed Abasi Ibom

⁹ Ndien ama ekem, edieke midibuɔtke idem ye uyo idem idiɔnɔ mbiba emi, minyuŋ ikopke uyo fo, ndien afo edida mmɔŋ ke akpa ɔduɔk ke obot: ndien mmɔŋ emi afo edidade ke akpa, eyekabare iyip ke obot.

EXODUS 4:9 Referans Kwoze

EXODUS 1:22

Ndien Pharaoh owuk kpukpru ikɔt esiemɔ, ete, Mbufo emen kpukpru nditɔ-iren eke emanade, eduɔŋɔ ke akpa, edi enim kpukpru nditɔ-iban ke uwem.

MATTHEW 7:2

Koro nte mbufo esioŋode owo ndo, kpa ntre ke edisioŋo mbufo ndo. Ndien udomo eke mbufo edade edomo, ke edida edomo enɔ mbufo.

EXODUS 4:8

Ama ekem, edieke mmɔ midibuɔtke idem ye afo, midinyuŋ ikopke uyo mbemiso idiɔnɔ oro, mmɔ eyebuɔt idem ye uyo udiana akpa idiɔŋɔ.

EXODUS 7:17

Ntem ke Jehovah ɔdɔhɔ ete, Ŋkpɔ emi eyenam fi ɔfiɔk ete ke ami ndi Jehovah: sese, ami nyeda esaŋ ke ubɔk mi nyibi mmɔŋ emi odude ke akpa emi, ndien enye eyekabare edi iyip.