EXODUS 3:5 - Edisana ñwed Abasi Ibom

⁵ Ndien enye ɔdɔhɔ ete, Kusaŋa ukpere ken; sio ikpa-ukot fo ke ukot fo fep: koro ɔtɔ oro afo adade ke esit edi edisana isɔŋ.

EXODUS 3:5 Referans Kwoze

JOSHUA 5:15

Ndien etubom mbon - ekɔŋ Jehovah ɔdɔhɔ Joshua, ete, Sio ikpa-ukot fo ke ukot fo fep: koro ebiet emi afo adade ke esit edide edisana. Ndien Joshua anam ntre.

UTOM MME APOSTLE 7:33

Edi Jehovah ɔdɔhɔ enye ete, Sio ikpa-ukot fo ke ukot fo fep: koro ɔtɔ oro afo adade ke esit edi edisana isɔŋ.

EXODUS 19:12

Nyuŋ nim adaŋa nɔ kpukpru owo kanare kuk, ete, Mbufo ekpeme idem, ekudɔk ke ɔbot emi, ekunyuŋ etuk mben esie: kpukpru se itukde obot enyene ndikpa.

ECCLESIASTES 5:1

KPEME ukot fo ke adaŋemi afo akade ke ufɔk Abasi, ndien ndisaŋa ŋkpere man okop, ɔfɔn akan uwa eke ndisime owo awade: koro mmɔ mikereke ite ke mmimɔ inam idiɔk.

MME HEBREW 12:20

koro mmɔ mikemeke ndibɔ ewuhɔ emi enɔde, ete, Edieke kpa unam otukde obot oro, eyetɔŋɔ enye ke itiat ewot.

EXODUS 19:21

Ndien Jehovah ɔdɔhɔ Moses, ete, Suhɔre, kowuk kpukpru owo, mbak mmɔ edibe edi ndise Jehovah, ndien ediwak mmɔ ekpaŋa.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

2 PETER 1:18

nnyin ke idem nnyin ikokop uyo oro, nte otode ke enyɔŋ ɔwɔrɔ, ke ini nnyin idude ye Enye ke edisana obot oro.

DEUTERONOMY 23:14

Koro Jehovah Abasi fo asaŋade ke esit fo, ete inyaŋa fi, inyuŋ ida mme asua fo inim fi ke iso: ndien nna fo edi edisana: mbak enye edikut mbubiam ke otu fo, ndien akabare ɔkpɔŋ fi.

JEREMIAH 30:21

Ndien ɔbɔŋ mmɔ eyeto ke otu idem mmɔ: andikara mmɔ eyenyuŋ oto ke ufɔt mmɔ ɔwɔrɔ; ndien ami nyeyak enye asaŋa ekpere, ndien enye eyesim mi: koro anie owo edi emi onimde esit esie ubiɔŋ man osim mi?

EXODUS 4:28

Ndien Moses emen kpukpru ikɔ Jehovah emi Enye ɔkɔdɔŋde enye utom, ye kpukpru mme idiɔŋɔ emi Enye eketemede enye, etiŋ ɔnɔ Aaron.