EXODUS 27:1 - Edisana ñwed Abasi Ibom

¹ NDIEN da eto shittim nam itie-uwa, uniɔŋ esie, ibio idomo-okuk ition, ye ubom esie, ibio idomo-okuk ition; uniɔŋ itie-uwa ye ubom esie edide ukem-ukem: ndien idaha esie edidi ibio idomo-okuk ita.

EXODUS 27:1 Referans Kwoze

MME HEBREW 13:10

Nnyin imenyene itie-uwa eke mmɔ emi esaŋade utom ke Ataya minyeneke unen ndidia ŋkpɔ ke esit.

2 CHRONICLES 4:1

NDIEN enye ada okpoho anam itie-uwa; uniɔŋ esie edi ibio-idomo-okuk edip, ubom esie edi ibio-idomo-okuk edip, ye idaha esie ibio-idomo-okuk duop.

2 SAMUEL 24:18

Ndien Gad aka ke ɔtɔ David ke usen oro, ɔkɔdɔhɔ enye, ete, Dɔk kanam itie-uwa nɔ Jehovah ke ɔtɔ ubek ibokpot Araunah Jebusite.

EXODUS 40:29

Onyuŋ ɔdiɔk itie-ufɔp uwa, ekpere enyin-usuŋ ebiet-iduŋ efe esop; ndien awa edifɔp uwa ye inuak-udia ke esit; nte emi Jehovah eketemede Moses.

EXODUS 40:10

Ndien yet itie-ufɔp uwa, ye kpukpru ŋkpɔ esie, nyuŋ nam itie-uwa asana; ndien enye eyedi ata edisana itie-uwa.

EXODUS 24:4

Ndien Moses ewet kpukpru ikɔ Jehovah, onyuŋ abak edemere ke usenubɔk, anam itie-uwa ke ukot obot, ye ndaha duopeba, ekem ke mme esien Israel duopeba.

EXODUS 35:16

ye itie-ufɔp uwa, ye grating okpoho esie, ye mme esaŋ esie, ye kpukpru ŋkpɔ esie, ye akpaŋkpaŋ,

NUMBERS 3:31

Ndien se mmɔ edikpemede edi ekebe, ye okpokoro, ye uwuk-utuenikaŋ, ye mme itie uwa, ye ŋkpoduoho edisana ebiet eke edade enam ŋkpɔ ke esit, ye ukara, ye kpukpru se enamde ke esit.

NUMBERS 4:13

Ndien yak esio ntɔŋ ke itie-uwa efep, enyuŋ eda ididuot ɔfɔŋ efuk enye.

2 NDIDEM 16:14

Ndien enye emen itie-uwa okpoho oro odude ke iso Jehovah, efep ke iso ufɔk, ke ufɔt (obufa) itie-uwa ye ufɔk Jehovah, ada enye onim ke edem edere itie-uwa oro.

1 CHRONICLES 6:49

Ndien Aaron ye nditɔ-iren esie efɔp uwa ke itie edifɔp uwa, ye ke itie ufɔp incense, ke ofuri utom ata edisana ebiet, ye ke erisio isop nnɔ Israel, kpa nte Moses owo Abasi eketemede kpukpru.

EZRA 3:2

Ndien Jeshua eyen Jozadak ye nditɔ-ete esie mme oku edaha ke enyɔŋ, ye Zerubbabel eyen Shealtiel, ye nditɔ-ete esie, ebɔp itie-uwa Abasi Israel man ewa edifɔp uwa ke esit, kpa nte ewetde ke ŋwed ewuhɔ Moses owo Abasi.

EXODUS 17:15

Ndien Moses anam itie-uwa, onyuŋ osio enye enyiŋ Jehovah-nissi onyuŋ ɔdɔhɔ ete,

EXODUS 31:9

ye itie-ufɔp incense, ye itie-ufɔp uwa, ye kpukpru ŋkpɔ esie, ye akpaŋkpaŋ

EXODUS 39:39

ye itie-uwa okpoho, ye grating okpoho esie, ye esaŋ esie, ye kpukpru ŋkpɔ-utom esie, ye akpaŋkpaŋ,

EXODUS 40:6

Ndien diɔk itie-ufɔp uwa ke iso enyin-usuŋ ebiet-iduŋ, kpa eke efep esop.

NUMBERS 4:14

Ndien yak mmɔ eda kpukpru ŋkpɔ esie, eke edade enam ke esit, edori ke enyɔŋ, kpa mme uda-ikaŋ ye mme fork, ye mme uwobi-ntɔŋ, ye mme basin, kpukpru ŋkpɔ unam-utom itie-uwa; ndien yak eda ufuhɔ-ŋkpɔ ikpa badger efuk enye, enyuŋ esin eto esie.