EXODUS 24:8 - Edisana ñwed Abasi Ibom

⁸ Ndien Moses ada iyip oro esime kpukpru owo ke idem, ete, Se iyip ediomi, emi Jehovah odiomide ye mbufo, nte kpukpru ikɔ emi edide.

EXODUS 24:8 Referans Kwoze

EXODUS 24:6

Ndien Moses ada ubak iyip kiet esin ke bason; onyuŋ ada ubak iyip eken esime ke itie-uwa.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

1 ŊWED CORINTH 11:25

Kpa ntre ŋko ke Enye emen cup, ke ema ekedia ŋkpɔ ema, ete, Cup emi edi obufa ediomi ke iyip Mi; enam emi, adaŋa ini nte eŋwɔŋwɔŋ, ke eriti Mi.

MARK 14:24

Ndien Enye ɔdɔhɔ mmɔ ete, Emi edi iyip Mi, eke ediomi, emi eduɔkde kabaŋa ediwak owo.

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

LUKE 22:20

Enye anam kpa ntre ye cup, ke ini mmɔ ediade ema, ete, Cup emi edi Obufa Ediomi ke iyip Mi, emi eduɔkde kabaŋa mbufo.

ZECHARIAH 9:11

Ndien ama edi afo ŋko, iyip ediomi fo eyesin nsio mbon ŋkpɔkɔbi fo mfep ke obube eke mmɔŋ miduhe.

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

ISAIAH 52:15

kpa ntre ke enye edisime ediwak mme idut; ndidem eyekubi inua enɔ enye: koro emekut se miketiŋke inɔ mmɔ, emenyuŋ enim ibuot ke se mmɔ mikokopke.

LEVITICUS 8:30

Ndien Moses ada ndusuk aran-nyere, ye eke iyip emi odorode ke itie-uwa, osime Aaron, ye edisine-ŋkpɔ esie, ye nditɔ esie, ye edisine-ŋkpɔ nditɔ esie ŋko; onyuŋ onim Aaron, ye edisine-ŋkpɔ esie, ye nditɔ esie, ye edisine-ŋkpɔ nditɔ esie ŋko ke edisana ŋkpɔ.

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

JOSHUA 24:25

Ndien Joshua odiomi ediomi ye kpukpru owo ke usen oro, onyuŋ eteme mmɔ mme ewuhɔ ye mme item ke Shechem.

1 NDIDEM 8:9

Baba ŋkpɔ kiet iduhe ke ekebe, ke mibɔhɔke itiat ŋwed iba ikpɔŋ, emi Moses ekesinde ke esit ke Horeb, ke adaŋoro Jehovah akanamde ediomi ye nditɔ Israel, ke ini mmɔ etode ke isɔŋ Egypt.

ŊWED MME PSALM 78:36

Ndien mmɔ ebiaŋa enye ke inua mmɔ, enyuŋ esu nsu enɔ enye ke edeme mmɔ.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

DEUTERONOMY 5:2

Jehovah Abasi nnyin akanam ediomi ye nnyin ke Horeb.

1 NDIDEM 8:21

Mma nnyuŋ nsin ebiet do nnɔ ekebe, emi ediomi Jehovah odude ke esit, emi enye akanamde ye mme ete nnyin, adaŋoro enye akadade mmɔ ke isɔŋ Egypt ɔwɔrɔ.

JEREMIAH 31:32

idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

HAGGAI 2:5

emi edi uyo oro ŋkodiomide ye mbufo, ke ini oro mbufo eketode ke Egypt ewɔŋɔ, ndien spirit mi ke osuk ebigi ke ufɔt mbufo: mbufo ekufehe ndik.