Biblia Todo Logo
Bib sou entènèt

- Piblisite -




EXODUS 24:6 - Edisana ñwed Abasi Ibom

6 Ndien Moses ada ubak iyip kiet esin ke bason; onyuŋ ada ubak iyip eken esime ke itie-uwa.

Gade chapit la Kopi




EXODUS 24:6
22 Referans Kwoze  

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:


Ndien Moses ada iyip oro esime kpukpru owo ke idem, ete, Se iyip ediomi, emi Jehovah odiomide ye mbufo, nte kpukpru ikɔ emi edide.


Mmɔdo ikɔdiɔŋke akpa ediomi inim ke eriduɔk iyip miduhe.


ndien oku oro edebi nnuenubɔk esie ke iyip; onyuŋ osime iyip utim ikatiaba ke iso Jehovah, ke iso ukara edisana ebiet.


emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.


ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.


nnyuŋ nnam kpukpru ŋkpɔ ekabare etie ke emem ye Abasi oto ke Enye (akada iyip cross Esie esin emem) nkɔm oto ke Enye, ye mmɔ edide ŋkpɔ eke edude ke isɔŋ, ye edide ŋkpɔ eke edude ke enyɔŋ.


Ndien enye ada ubɔk esie odori enɔ esie ke ibuot, onyuŋ owot enye ke iso efe esop: ndien nditɔ Aaron esime iyip esie ke itie-uwa ekanade ekuk.


Ndien enye ada ubɔk esie odori ke ibuot enɔ esie, onyuŋ owot enye ekpere enyin-usuŋ efe esop: ndien yak nditɔ Aaron, mme oku, esime iyip esie ke itie-uwa ekanade ekuk.


Ndien yak owot enye ke ŋkaŋ itie-uwa edem edere, ke iso Jehovah: ndien mme oku, nditɔ Aaron, eda iyip esie esime ke itie-uwa, ekenade ekuk.


Ndien yak enye owot enaŋ oro ke iso Jehovah: ndien nditɔ Aaron, mme oku, eda iyip esie edi, enyuŋ esime iyip oro ke itie-uwa emi ekperede enyin-usuŋ tent esop, ekanare ekuk.


Ndien wot okukim, nyuŋ da iyip esie tɔi Aaron ke mben utɔŋ nnasia, ye nditɔ esie ke mben utɔŋ nnasia, ye ke nnuenubɔk obodom ubɔk nnasia mmɔ, ye ke nnuenukot obodom ukot nnasia mmɔ, nyuŋ sime iyip ke itie uwa kan kuk.


Ndien wot okukim oro, nyuŋ da iyip esie, sime ke itie-uwa kan kuk.


Enyuŋ eda ebek hyssop, edebi ke iyip eke odude ke usan, eda iyip eke odude ke usan esime ke ibiɔŋ ndori enyin-usuŋ, ye ke enyin-usuŋ ufɔk mbufo, tutu eyo esiere.


Ndien yak mmɔ eda ubak iyip esie, esime ke obubɔk usuŋ edem mbiba, ye ke ibiɔŋ ndori enyin-usuŋ mme ufɔk eke mmɔ editade enye ke esit.


Kpa ntre ŋko ke Enye emen cup, ke ema ekedia ŋkpɔ ema, ete, Cup emi edi obufa ediomi ke iyip Mi; enam emi, adaŋa ini nte eŋwɔŋwɔŋ, ke eriti Mi.


Idibietke ediomi oro ŋkodiomide ye mme ete mmɔ Ke usen oro ŋkomumde mmɔ ke ubɔk nda mmɔ ŋwɔrɔ ke isɔŋ Egypt; Koro mmɔ inyimeke ndisɔŋɔ nda ke ediomi Mi, Ndien Ami nsana mmɔ nyak; edi Jehovah ɔdɔhɔ.


Koro adaŋemi Moses ama akataŋa kpukpru mbet ama ɔnɔ kpukpru mbio-obio, nte asaŋade ekekem ye ibet, enye ada iyip nditɔ-enaŋ ye iyip ebot abuak ye mmɔŋ, ye ididuot idet-erɔŋ, ye hyssop, osime ŋwed ye kpukpru mbio-obio, onyuŋ ɔdɔhɔ mmɔ ete, Emi edi iyip


Enye onyuŋ ada iyip oro osime Ataya ye kpukpru mkpoduoho eke edade enam utom Abasi kpasuk ntre.


Ndien mmɔ esin item esie, ye ediomi esie emi enye akanamde ye mme ete mmɔ, ye ikɔ ntiense esie emi enye eketiŋde ke otu mmɔ; ndien mmɔ etiene ikpikpu ŋkpɔ, enyuŋ enam oburobut ido, enyuŋ etiene mme idut eke ekande mmɔ ekuk, emi Jehovah eketemede mmɔ, ete ekunam nte mmɔ enamde.


Moses ye Aaron ke otu mme oku esie, ye Samuel ke otu mmɔ eke esemede ekot enyiŋ esie; mmɔ ekeseme ekot Jehovah, ndien enye eyere mmɔ.


idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:


Swiv nou:

Piblisite


Piblisite