EXODUS 24:3 - Edisana ñwed Abasi Ibom

³ Ekem Moses emen kpukpru ikɔ Jehovah, ye kpukpru mme item emi, edi editiŋ ɔnɔ kpukpru owo: ndien kpukpru owo ebɔrɔ uyo kiet, ete, Nnyin iyenam kpukpru ikɔ emi Jehovah ɔkɔdɔhɔde.

EXODUS 24:3 Referans Kwoze

EXODUS 19:8

Ndien kpukpru owo ebɔ uyo kiet edɔhɔ ete, Iyenam kpukpru se Jehovah ɔdɔhɔde. Ndien Moses emen uyo mmɔ afiak eketiŋ ɔnɔ Jehovah.

EXODUS 24:7

Ndien enye emen ŋwed ediomi eketiŋ ke utɔŋ kpukpru owo: ndien mmɔ edɔhɔ ete, Nnyin iyenam, inyuŋ ikop kpukpru se Jehovah ɔdɔhɔde.

JOSHUA 24:22

Ndien Joshua ɔdɔhɔ mbon oro, ete, Mbufo edi mme ntiense ebaŋa idem mbufo, ete ke mbufo ema emek Jehovah ke idem mbufo, ete inam ŋkpɔ esie. Ndien mmɔ enyime ete, Nnyin idi mme ntiense.

DEUTERONOMY 6:1

NDIEN mme mmɔ emi edi mbet, ye mme ewuhɔ, ye mme item, emi Jehovah Abasi mbufo okowukde ete ŋkpep mbufo, kpaŋ mbufo ekpenam mmɔ ke isɔŋ emi mbufo eyomde ndibe ŋka do ŋkada enye nnyene:

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

DEUTERONOMY 4:45

mme mmɔ emi edi ikɔ ntiense, ye mme ewuhɔ, ye mme item, emi Moses eketiŋde ɔnɔ nditɔ Israel, ke mmɔ ema eketo ke Egypt ewɔrɔ;

DEUTERONOMY 4:5

Sese, mma nteme mbufo mme ewuhɔ ye mme item, kpa nte Jehovah Abasi mi eketemede mi, man mbufo enam ntre ke isɔŋ emi mbufo eyomde ndika do ŋkada nnyene.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 11:1

MA ndien Jehovah Abasi fo, nyuŋ tiŋ enyin ke item esie ye mme ewuhɔ esie, ye mme item esie, ye mbet esie, kpukpru usen. Mbufo efiɔk ndien mfin emi:

DEUTERONOMY 5:31

Edi ama edi afo, da mi ye ami, ndien nyemen kpukpru mbet, ye mme ewuhɔ, ye mme item, emi afo edikpepde mmɔ ntiŋ nnɔ fi, man mmɔ enam mmɔ ke isɔŋ emi nnɔde mmɔ eda enye enyene.

EXODUS 24:2

Ndien Moses ikpɔŋ-ikpɔŋ edisaŋa ekpere Jehovah, edi mmɔ eken ekusaŋa ekpere mbio oro ekunyuŋ etiene enye edɔk.

JOSHUA 24:24

Ndien kpukpru owo edɔhɔ Joshua, ete, Nnyin iyenam ŋkpɔ Jehovah Abasi nnyin, inyuŋ ikop uyo esie.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 34:13

Ntem ke Jehovah Abasi Israel ɔdɔhɔ, ete, Ami ŋkodiomi ediomi ye mme ete mbufo ke usen oro ŋkosiode mmɔ ke isɔŋ Egypt ke ufɔk ufin, nte,

MALACHI 2:10

Nte nnyin kpukpru inyeneke ete kiet? nte idige Abasi kiet okobot nnyin? Nsinam nnyin ibiaŋade kiet eken, ke ibiat ediomi mme ete nnyin?

JOSHUA 24:21

Ndien kpukpru owo edɔhɔ Joshua, ete, Ihih, edi iyenam ŋkpɔ Jehovah.

2 CHRONICLES 15:14

Mmɔ enyuŋ eŋwɔŋɔ enɔ Jehovah ke ɔkpɔsɔŋ uyo, ye ke mkpo, ye ke ukorowo, ye ke obukpoŋ.

2 CHRONICLES 15:15

Ndien ofuri Judah edat esit ebaŋa uŋwɔŋɔ oro: koro mmɔ ekeŋwɔŋɔde ke ofuri esit mmɔ, enyuŋ eyomde enye ke ofuri itɔŋ mmɔ; ndien mmɔ ekut enye; Jehovah onyuŋ anam mmɔ etie suŋ ke edem kpukpru.

ŊWED MME PSALM 50:5

“Mbufo ebon ikɔt ima mi enɔ mi, kpa mmɔ eke ekedade uwa ediomi ediomi ye ami.”

HAGGAI 2:5

emi edi uyo oro ŋkodiomide ye mbufo, ke ini oro mbufo eketode ke Egypt ewɔŋɔ, ndien spirit mi ke osuk ebigi ke ufɔt mbufo: mbufo ekufehe ndik.