EXODUS 24:1 - Edisana ñwed Abasi Ibom

¹ NDIEN enye ɔdɔhɔ Moses, ete, Dɔk tiene Jehovah, afo, ye Aaron, ye Nadab, ye Abihu, ye mbiowo Israel ata ye duop; mbufo enyuŋ eda nsan-nsan etuak ibuot.

EXODUS 24:1 Referans Kwoze

NUMBERS 11:16

Ndien Jehovah ɔdɔhɔ Moses, ete, Bon mbiowo Israel, owo ata ye udop nɔ mi, emi afo ɔfiɔkde ete ke mmɔ edi mbiowo mbio emi, ye mme andidaha mmɔ; ndien da mmɔ di ke efe esop, man eda do ye afo.

EXODUS 6:23

Ndien Aaron ada Elisheba, eyen Amminadab, eyen-eka Nashon, ke idem esie ɔdɔ: ndien enye aman Nadab, ye Abihu, ye Eleazar, ye Ithamar ɔnɔ enye.

EXODUS 28:1

NDIEN afo sio Aaron eyen-uka, ye nditɔ-iren esie ŋko, ke otu nditɔ Israel, dian idem, man mmɔ eda oku mi, kpa Aaron, ye Nadab, ye Abihu, ye Eleazar, ye Ithamar nditɔ Aaron

EXODUS 19:24

Ndien Jehovah ɔdɔhɔ enye ete, Ka kɔsuhɔre; ndien dɔk di ken, afo ye Aaron ŋko: yak mme oku ye mbio oro ekube adaŋa edɔk edi ke ɔtɔ Jehovah, mbak enye edibumere anam mmɔ.

LUKE 10:17

Ndien mbet ata ye duop oro efiak edi ye idaresit edidɔhɔ Enye ete, Ɔbɔŋ, kpa mme demon esuk ibuot enɔ nnyin ke enyiŋ Fo.

LUKE 10:1

EKEM ke mme ŋkpɔ emi ema ekebe, Ɔbɔŋ onim owo ata ye duop eŋwen, onyuŋ ɔdɔŋ mmɔ esaŋa iba iba ebem Enye iso, eka ekeduk ke kpukpru obio ye ebiet, eke Enye ke Idem Esie oyomde ndika.

EZEKIEL 8:11

Owo ata ye duop emi etode ke mbiowo ufɔk Israel enyuŋ eda ke iso mmɔ, Jaazaniah eyen Shaphan onyuŋ ada ke otu mmɔ, kpukpru owo enyuŋ ekama censer mmɔ ke ubɔk mmɔ; ndien incense ɔdɔk nte akamba nsuŋikaŋ.

1 CHRONICLES 6:3

Nditɔ Aaron ŋko; Nadab ye Abihu, Eleazar ye Ithamar.

EXODUS 34:2

Nyuŋ tim ŋkpɔ beŋe usenubɔk, ndien dɔk ke obot Sinai ke usenubɔk, da do ye ami ke enyɔŋ obot.

EXODUS 24:15

Ntre ke Moses ɔdɔk obot, obubit enyɔŋ onyuŋ ofuk obot.

EXODUS 24:9

Edikem Moses ɔdɔk ye Aaron, ye Nadab, ye Abihu, ye mbiowo Israel ata ye duop;

EXODUS 20:21

Ndien kpukpru owo eda nsan-nsan, ndien Moses asaŋa ekpere ŋkim-ŋkim ebiet oro Abasi odude do.

EXODUS 19:20

Ekem Jehovah ɔsuhɔre ke obot Sinai, ke enyɔŋ obot; ndien Jehovah okot Moses edi ke ibuot obot; ndien Moses ɔdɔk.

EXODUS 19:9

Ndien Jehovah ɔdɔhɔ Moses, ete, Sese ami mmɔŋ ntiene fi ke obubit enyɔŋ, man kpukpru owo ekop ke ini ndidɔhɔde ye afo, enyuŋ enim uyo fo ke akpanikɔ ke nsinsi. Moses onyuŋ emen ikɔ kpukpru owo eketiŋ ɔnɔ Jehovah.

EXODUS 3:5

Ndien enye ɔdɔhɔ ete, Kusaŋa ukpere ken; sio ikpa-ukot fo ke ukot fo fep: koro ɔtɔ oro afo adade ke esit edi edisana isɔŋ.

EXODUS 1:5

Ndien kpukpru mme ukpɔŋ emi eketode Jacob ke ŋkpatian-ukot edi ukpɔŋ ata ye udop: ndien Joseph odu ke Egypt.

EXODUS 24:2

Ndien Moses ikpɔŋ-ikpɔŋ edisaŋa ekpere Jehovah, edi mmɔ eken ekusaŋa ekpere mbio oro ekunyuŋ etiene enye edɔk.

DEUTERONOMY 1:15

Ndien nda ikpɔ owo mme esien mbufo, mbɔŋ eti ibuot, emi enyuŋ efiɔkde ŋkpɔ, nnim mmɔ ke mbɔŋ mbufo, mme etubom mme tɔsin, ye mme etubom mme ikie, ye mme etubom mme aba ye duop, ye mme etubom mme duop, ye mme andidaha owo ke mme esien mbufo.