3 kunyuŋ ukpe ikpe ubuene ke ufure.
Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.
Mbufo ekunam se minenke ke ikpe: kuteŋe ubuene enyin, kunyuŋ ukpono iso akamba owo: edi kpe ikpe mbɔhiduŋ fo nte enende.
Mbufo ekuteŋe owo enyin ke ikpe: ekop uyo ekpri owo, kpa nte uyo akamba owo; mbufo ekubak iso owo; koro ikpe edide eke Abasi: ndien mbufo eda ikɔ eke ɔsɔŋde akan mbufo, esɔk mi man ŋkop enye.
Kukwaŋa ikpe ubuene fo ke ikɔ esie.
Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.
Nditeŋe idiɔk owo enyin ifɔnke: ifɔnke ndifik eti owo ke ikpe.
Kudia ubuene, koro enye ebuenede: kunyuŋ utuk owo ukut ke inua-otop:
IFƆNKE fɔn inɔ mmɔ eke ewukde ukwaŋ ewuhɔ, ye mme ewet-ŋwed ukut;
Koro mmɔfiɔk ediwak mme idiɔk ido mbufo, ye mkpɔsɔŋ ukwaŋ-ŋkpɔ mbufo: ke etuk nti owo, ke ebɔ utip, enyuŋ enuk mme ubuene efep ke inua-otop.
