EXODUS 22:2 - Edisana ñwed Abasi Ibom

² Edieke ekutde inɔ nte enye obuŋde (ufɔk), enyuŋ emiade enye ewot, ikɔ iyip ibiomke owo.

EXODUS 22:2 Referans Kwoze

MATTHEW 24:43

Edi efiɔk emi, ete, edieke enyene-ufɔk ɔkpɔfiɔkde ini eke inɔ edide, enye ekpekpeme, ikponyuŋ iyakke ebuŋ ufɔk esie eduk.

NUMBERS 35:27

ndien osio-usiene iyip osim enye ke edem adaŋa obio ubɔhɔ esie, osio usiene iyip owot owot-owo oro, iyip idisɔpke enye:

1 ŊWED THESSALONICA 5:2

Koro mbufo ke idem mbufo emetim efiɔk ete usen Ɔbɔŋ mɔŋ edi nte inɔ ke okoneyo.

JOEL 2:9

Mmɔ eyɔrɔ ke obio; efeŋe ke enyɔŋ ibibene; edɔk ke ufɔk; eduk ke window nte inɔ.

HOSEA 7:1

KE adaŋemi ndade ikɔt mi emi mmɔ eketaŋde efep, nnyɔŋ ndi; ke ini nnamde idiɔk okure Israel, ndien eyeyarare idiɔk ido Ephraim ye mme ukwaŋ-ŋkpɔ Samaria: koro mmɔ enamde abiaŋa; inɔ onyuŋ oduk edi, udim owo ewo ke mme efak.

ŊWED JOB 30:5

Ebin mmɔ ke otu owo efep: efiori mmɔ ke edem nte inɔ;

ŊWED JOB 24:14

Ke ini eyo esierede, obom adaha ke enyɔŋ owot eyen unana ye ubuene ndien ke okoneyo enye ebiet inɔ.

1 PETER 4:15

Edi owo mbufo baba kiet okubɔ ufen nte owot-owo, mme nte inɔ mme nte oburobut owo, mme nte andinɔhɔ ke mbubehe owo eŋwen;

ŊWED JOB 24:16

Mmɔ ebuŋ ufɔk ke okoneyo: edibe ke uwemeyo: ifiɔkke uŋwana.

JEREMIAH 2:34

Owo enyuŋ ekut iyip ukpɔŋ mme ubuene eke miduehe, ke ekura fo ŋko. Idige ke eriduŋɔre ke ŋkut mmɔ, edi ŋkut ke kpukpru mme mmɔ emi.