EXODUS 21:6 - Edisana ñwed Abasi Ibom

⁶ ndien ete esie ada enye ɔsɔk mme ebierikpe; onyuŋ ada enye aka ke itim, mme obubɔk enyin-usuŋ; ndien ete esie ada utibi-ŋkpɔ otibi enye utɔŋ; ndien enye edidi ofin esie ke nsinsi.

EXODUS 21:6 Referans Kwoze

DEUTERONOMY 15:17

ndien da utibi-ŋkpɔ, tibi enye utɔŋ dian ke itim, ndien enye eyedi ofin fo ke nsinsi. Ntre ke afo edinyuŋ anam ye ofin aŋwan fo ŋko.

LEVITICUS 25:40

edi enye etie ye afo nte owo eke ekpede enye utom, ye nte oduduŋ, onyuŋ anam utom ɔnɔ fi tutu ekem ke isua jubilee:

1 SAMUEL 28:2

Ndien David ɔbɔrɔ Achish, ete, Mmɔdo afo eyefiɔk se owo fo edinamde. Ndien Achish ɔdɔhɔ David, ete, Mmɔdo nyenim fi ke andikpeme ibuot mi kpukpru ini.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

1 NDIDEM 12:7

Ndien mmɔ edɔhɔ enye, ete, Edieke afo onyimede ndidi owo mbon emi mfin, nnyuŋ nnam ŋkpɔ nnɔ mmɔ, nnyuŋ mbɔrɔ mmɔ, nnyuŋ ndɔhɔ mmɔ nti ikɔ, mmɔ eyedi ikɔt fo ŋko ke nsinsi.

1 SAMUEL 27:12

Ndien Achish onim uyo David ke akpanikɔ, ete, Enye amanam oruk esie Israel esua enye eti-eti; mmɔdo enye edidide ofin mi ke nsinsi.

1 SAMUEL 1:22

Ndien Hannah idɔkke: edi enye ɔdɔhɔ ebe esie, ete, ŋkaha tutu eyen adaha ke eba, ndien nyeda enye ŋka, man ekut enye ke iso Jehovah, man enye onyuŋ adaŋ do ke nsinsi.

DEUTERONOMY 16:18

Nyuŋ nim mme ebierikpe ye mme andidaha ke idem fo ke kpukpru obio fo eke Jehovah Abasi fo ɔnɔde fi ke ofuri mme esien fo: ndien yak mmɔ ekpe edinen ikpe enɔ kpukpru owo.

DEUTERONOMY 1:16

Ndien mma nnyuŋ ŋwuk mme ebierikpe mbufo, ke ini oro, nte, Mbufo ekop ikɔ nditɔ-ete mbufo, enyuŋ ekpe edinen ikpe ke ufɔt owo ye eyen-ete esie, ye esen owo esie.

LEVITICUS 25:23

Ekunyam isɔŋ ke tak-tak: koro isɔŋ edide okimmɔ; koro mbufo edide isen owo ye mme oduduŋ eke eduŋde ye ami.

EXODUS 22:28

Kusuŋi Abasi, kunyuŋ usue ebierikpe ke otu mbio-obio mbufo.

EXODUS 21:22

Edieke owo eŋwanade eŋwan, enyuŋ enukde ŋwan idibi, ndien idibi ɔbuŋɔ enye, edi ŋkpɔ efen minamke enye: eyesio isop nte emi ebe ŋwan ɔkɔmde ɔnɔ enye; ndien ɔnɔ ke uyo mme ebierikpe.

EXODUS 12:12

Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah.

ISAIAH 1:26

nnyuŋ nnam mme ebierikpe fo efiak kpa nte ke akpa, ye mbon item fo, kpa nte ke eritɔŋɔ: ndien ke ŋkpɔ emi ebede, eyekot fi, ete, Obio eti ido, obio akpanikɔ.

EXODUS 21:5

Ndien edieke ofin oro ɔdɔhɔde ke akpanikɔ ete, Mmama ete mi, ye ŋwan mi, ye nditɔ mi; nyomke ndiwɔrɔ ufin:

EXODUS 21:7

Ndien ke owo edinyamde eyen esie aŋwan ke ofin aŋwan, enye okuwɔrɔ nte ifin iren ewɔŋɔde.

DEUTERONOMY 15:16

Ndien ama ekem, edieke enye ɔdɔhɔde fi, ete, Nnyimeke ndiwɔrɔ ŋkpɔŋ fi: koro enye amade fi ye ufɔk fo, koro ɔfɔnde ye enye ke ufɔk fo:

ŊWED MME PSALM 82:1

ABASI ada ke esop ata mkpɔsɔŋ; ke otu mme ebierikpe ke enye ekpe ikpe.