EXODUS 19:5 - Edisana ñwed Abasi Ibom

⁵ Mmɔdɔ edieke mbufo miditreke ndikop uyo mi, nnyuŋ nnim ediomi mi, mbufo eyedi ndien akpan inyene mi ekan kpukpru obio: koro ofuri ererimbot edide okim.

EXODUS 19:5 Referans Kwoze

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

DEUTERONOMY 26:18

Jehovah ama onyuŋ ɔdɔhɔ fi mfin emi, ete, Ke iyenim fi ke ata ikɔt imɔ, kpa nte enye ɔkɔdɔhɔde fi, ke afo eyenyuŋ onim kpukpru mbet esie;

MALACHI 3:17

Ndien Jehovah mme udim ɔdɔhɔ ete, Mmɔ eyedi ata inyene mi ke usen emi ami ndoride; ndien nyetua mmɔ mbɔm, kpa nte owo atuade eyen esie ke anamde ŋkpɔ ɔnɔ enye mbɔm.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

ŊWED MME PSALM 135:4

Koro Jehovah emekde Jacob onim ke idem esie, emek Israel onim ke ata inyene esiemɔ.

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.

EXODUS 23:22

Koro afo ama otim okop uyo esie, onyuŋ anam kpukpru se ndɔhɔde; ndien nyedi asua mme asua fo, nyenyuŋ ntɔhɔ utɔk ye mmɔ eke etɔhɔde ye afo.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

DEUTERONOMY 10:14

Sese, enyɔŋ, ye ata enyɔŋ, ye isɔŋ, ye kpukpru se idude ke esit, edi eke Jehovah Abasi fo.

EXODUS 9:29

Ke adaŋemi nsuk ŋwɔwɔrɔ ŋkpɔŋ obio, nyemenere ubɔk mi nnɔ Jehovah; uyom eyedobo, edim-itiat idinyuŋ iduhe aba; man afo ɔfiɔk nte ererimbot enyenede Jehovah.

ŊWED MME PSALM 24:1

ISƆŊ ye se iyɔhɔde ke esit enyene Jehovah, ererimbot, ye mme andiduŋ enye.

1 ŊWED CORINTH 10:26

koro isɔŋ ye se iyɔhɔde ke esit enyene Ɔbɔŋ.

ŊWED JOB 41:11

Anie ndien edidaha ada ke iso mi? Anie owo ekebem mi iso (anam), eke nnyenede ndinɔ enye ŋkpɔ ke usiene? Ŋkpɔ ekededi eke odude ke idak ofuri ikpa-enyɔŋ edi okimmɔ.

DEUTERONOMY 5:2

Jehovah Abasi nnyin akanam ediomi ye nnyin ke Horeb.

MME HEBREW 11:8

Oto mbuɔtidem Abraham, ke adaŋemi ekotde enye, okop uyo Abasi, ete ɔwɔrɔ aka ke isɔŋ eke enye edidade nte udeme esie enye onyuŋ ɔwɔrɔ aka, ifiɔkke ŋkaŋ eke enye akade.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

ŊWED MME PSALM 25:10

Kpukpru usuŋ Jehovah edi ima ye akpanikɔ enɔ mmɔ eke ekpemede ediomi esie ye ikɔ ntiense esie.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

JOSHUA 24:24

Ndien kpukpru owo edɔhɔ Joshua, ete, Nnyin iyenam ŋkpɔ Jehovah Abasi nnyin, inyuŋ ikop uyo esie.

ISAIAH 1:19

Mbufo ema enyime, enyuŋ ekop, eyedia ufɔn isɔŋ;

1 NDIDEM 8:53

Koro edi afo okosio mmɔ ke kpukpru mme idut ererimbot emi, adianare onim ke idemfo ke udeme, kpa nte afo akadade ubɔk Moses owo fo ɔdɔhɔ, ke ini afo osiode mme ete nnyin ke Egypt efep, O Ɔbɔŋ Jehovah.

DEUTERONOMY 28:1

NDIEN ama ekem, edieke afo mudutreke ndikop uyo Jehovah Abasi fo, ke nditim nnim kpukpru mme ewuhɔ esie, emi ami ŋwukde fi mfin emi, Jehovah Abasi fo eyefori fi akan kpukpru mme idut ke ererimbot:

ISAIAH 56:4

Koro ntem ke Jehovah ɔdɔhɔ mme eunuch eke edikpemede sabbath mi, edinyuŋ emekde se inemde mi esit, enyuŋ emumde ediomi mi ekama; ete,

EXODUS 24:7

Ndien enye emen ŋwed ediomi eketiŋ ke utɔŋ kpukpru owo: ndien mmɔ edɔhɔ ete, Nnyin iyenam, inyuŋ ikop kpukpru se Jehovah ɔdɔhɔde.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

DEUTERONOMY 11:27

ufɔn, edieke mbufo edikopde kpukpru mme ewuhɔ Jehovah Abasi mbufo emi ami ŋwukde mbufo mfin emi:

1 ŊWED CORINTH 10:28

Edi edieke owo ɔdɔhɔde mbufo ete, Ema ewa unam emi enɔ ndem, ekudia, kabaŋa owo emi ɔfɔide mbufo owut, ye kabaŋa mfina esit; ndɔhɔke mbaŋa mfina esit mbufo, edi kabaŋa mfina esit owo eken.

DEUTERONOMY 14:21

Mbufo ekuta baba unam kiet eke akpade ikpɔŋ: da enye nɔ esen owo emi odude ke obio fo, ete ata enye; midige, men enye nyam nɔ eyen idut efen: koro afo edide edisana ikɔt Jehovah Abasi fo. Kutem eyen ebot ke mmɔŋ-eba eka esie.

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

IKWƆ SOLOMON 8:12

Iŋwaŋ vine okimmɔ odu mi ke iso: O Solomon, da tɔsin oro; mme andikpeme mfri esie enyuŋ eda ikie iba.

MME HEBREW 8:9

Idibietke ediomi oro ŋkodiomide ye mme ete mmɔ Ke usen oro ŋkomumde mmɔ ke ubɔk nda mmɔ ŋwɔrɔ ke isɔŋ Egypt; Koro mmɔ inyimeke ndisɔŋɔ nda ke ediomi Mi, Ndien Ami nsana mmɔ nyak; edi Jehovah ɔdɔhɔ.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

GENESIS 17:9

Abasi onyuŋ ɔdɔhɔ Abraham ete, Afo eyenyuŋ ekpeme ediomi mi, afo ye ubon fo eke editienede fi, ke emana mmɔ.

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

EXODUS 8:22

Ndien ke usen oro nyedianare isɔŋ Goshen, emi ikɔt mi eduŋde ke esit, mfep, man nduyip ekudu do; man afo ɔfiɔk ete ke ami ndi Jehovah ke ufɔt ererimbot.

DEUTERONOMY 28:9

Jehovah eyenim fi ke edisana ikɔt esiemɔ, kpa nte enye ɔkɔŋwɔŋɔde ɔnɔ fi, edieke afo edinimde mbet Jehovah, kpa nte enye ɔkɔŋwɔŋɔde ɔnɔ fi, edieke afo onyuŋ asaŋade ke usuŋ esie.

1 CHRONICLES 17:22

Afo okonyuŋ ada ikɔt fo Israel onim ke ikɔt fo ke nsinsi; afo, O Jehovah, onyuŋ akabare edi Abasi mmɔ.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

EXODUS 34:9

Enye onyuŋ ɔdɔhɔ ete, Mbɔk, edieke afo enende iso ye ami, O Ɔbɔŋ, mbɔk, yak Ɔbɔŋ mi asaŋa ke otu nnyin; koro mmɔ edide mbon nsɔŋibuot; nyuŋ fen ukwaŋ-ŋkpɔ nnyin, ye idiɔk ido nnyin, nyuŋ da nnyin nim ke udeme fo.

LEVITICUS 20:24

Ŋkonyuŋ ndɔhɔ mbufo, nte mbufo eyeda isɔŋ mmɔ enyene, ami nyenyuŋ nda enye nnɔ mbufo enyene, isɔŋ emi ɔfiɔrɔde mmɔŋ-eba ye aran-ɔkwɔk: ami ndi Jehovah Abasi mbufo, emi ndianarede mbufo ke mme idut efen.

DEUTERONOMY 9:29

Edi mmɔ edi ikɔt fo, ye udeme fo, emi afo akadade akwa odudu fo ye edimenere ubɔk fo osio mmɔ efep.

DEUTERONOMY 26:19

ke imɔ iyenyuŋ ifori fi ikan kpukpru mme idut eke imɔ ikanamde, man afo edi itoro, ye enyiŋ, ye ubɔŋ ɔnɔ imɔ man afo onyuŋ edi edisana ikɔt Jehovah Abasi fo, kpa nte enye ɔkɔdɔhɔde.

ŊWED JOB 41:3

Nte enye ediwak ndikpe fi ubɔk?

JEREMIAH 13:11

Koro kpa nte ubɔp-isin ɔbɔbɔde owo ke isin, kpasuk ntre ke ŋkada ofuri ufɔk Israel ye ofuri ufɔk Judah mbɔbɔ ke idem mi, Jehovah ɔdɔhɔ; man mmɔ ekpedi okimmɔ ke ikɔt, ye ke enyiŋ, ye ke itoro, ye ke ubɔŋ: edi mmɔ ikokopke.